इपीसि 5:21 - पवित्र पोल्‍ले

²¹ मनसुने किरिस्‍तुना वेर्रे इर्सि वरोंक-वरोर लोंगिस मंटु.

इपीसि 5:21 Iomraidhean Croise

1 कुरेंति 16:16

मिमेटगुडा असंटोरा आनि ओरालेसीं सेवा कियानोरा पोल्‍ले केंजसि ताकट इंचि बतिमलाडसंतन.

2 कुरेंति 5:11

पेनदुक वेरियसि बल्हा पिस्सना इद माक तेळियंता, अदुनहाटीं इदुन मोमोट लोकुल्‍कुंक वेहांतोम. मोमोट बसंटोरम इंचि मावा बारेमते पेनदुक पूरा एरपाटे. इव पोल्‍लें मीवा मनसुना लोप्‍पोगुडा एरपाट आता इंचि नावा आसे मंता.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

इपीसि 5:22

मरमिं आता मुरताह्‍कुनिटा, बल्हा अय्ते मिमेट सामिंकु लोंगिस मंतिटो, अल्हेन मिमेट मीवा मुय्‍दुर्कुंकगुडा लोंगिस मंटु.

इपीसि 5:24

कलिसियातोर अंटोर बल्हा किरिस्‍तुंक लोंगिस मनांतुर, अल्‍हेने, मुत्‍तोह्‍कगुडा अन्‍नि पोल्‍लेने अवुना मुय्‍दुर्कुंक लोंगिस मनागोम.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

1 तिमोति 2:11

मुरतळ सिराप सांतिते कय हिळु मंचि अन्‍नि करियगोम.

1 तिमोति 3:4

ओर ओना सतता कुटुंब बारेमता अन्‍नि जिम्मेदारिं बेस हूळकुनानोर मनगोम, ओना मर्क-मियाह्क ओना देकरेकते मंचेके ओना बेस कदर कियनोर मनगोम.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

1 पत्रु 2:13

मिमेट सामिनाहाटीं दुनियाते मनना अदिकारिल्कुना कय्‍दा हिळु मंटु. राजाल पेद्‍दोड इंचि ओना कय्‍दा हिळु मंटु. अदिकारिल्कुना पोल्‍ले केंजाट, बारित्‍ते बेसता कबळ कियानोर्कुंक मेच्‍कुनालय आनि कराब कियानोर्कुंक सिक्‍सा हियालय ओर्कुन लोहमळ जर्गता.

1 पत्रु 2:17

अंटोरा कदर कियाना, मना दंटता विस्‍वासुल्‍कुन पावरम कियाना. पेनदुक वेरियसि ताकना, राजाना कदर इर्राना.

1 पत्रु 5:5

अल्‍हेने ए लेय्युरिटा! मिमेटगुडा पेद्‍दाल्क वेहताप ताकट, वरोंक-वरोर सेवा कियानाहाटीं सिन्‍नागासि मुन्‍ने ताकट. बारित्‍ते, पेन गर्रा कियानोर्कुंक अड्‍डम तिरियंता, गानि सादा-सिंपल मंचि ताकानोर्कुंक कुर्पा हींता.