इपीसि 5:20 - पवित्र पोल्‍ले

²⁰ अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

इपीसि 5:20 Iomraidhean Croise

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

1 कुरेंति 1:4

किरिस्‍तु येसुनलोप्‍पो मीक पेन हीता कुर्पाताहाटीं, नना पेनदुन बस्‍केळ्‍क दन्यवाद कींतन.

1 कुरेंति 15:24

अदुन पजा, पूरा सरकार, पूरा अदिकार आनि ताकत इव अन्‍निन किरिस्‍तु नासडेम कीसि पेनबाबाना कय्‍दे राज्येम अप्‍पजेप्‍पंतोर. अस्‍के बूमिता आकिर आयार.

इपीसि 5:4

अचोने आयका रोता पोल्‍लें, तेल्वि तक्‍को पोल्‍लें, कराब कारेड्‍डाल्‍क मिमेट कियानायो, मीकु अव सोबांचों. मीवा तोळ्‍दाल सिराप पेनदुक दन्यवाद इनना पोल्‍लेंगे पेय्‍सगोम.

पिलिपिया 1:3

मीकुन नना बस्के-बस्के अय्ते मति कींतन, अस्‍के-अस्‍के पेनदुक दन्यवाद कींतन.

पिलिपिया 4:6

बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.

कुलुसि 3:17

अचोने आयाका, पोल्‍ले आयि, कबळ आयि बतल किय्‍यिना मिमेट सामि येसुना पोरोलतेन कीम्‍टु. ओनाहेंदाले पेनबाबांक दन्यवाद कीम्‍टु.

1 तेसलोनि 3:9

मीवाहेंदाल मोमोट मना पेनदा मुन्‍ने वेल्‍ले कुसिते मंतोम. अदुना बारेमते मीवाहाटीं मोमोट पेनदुक वेल्‍लेने दन्यवाद कींतोम.

1 तेसलोनि 5:18

अन्‍नि परिस्तितिने मिमेट पेनदुक दन्यवाद कीम्‍टु, बारित्‍ते मिमेट येसु किरिस्‍तुनलोप्‍पो इल्हे मंदना इंचि पेनदा इच्‍चा मंता.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तेसलोनि 2:13

सामिना पावरमगल्‍ला विस्वासुल्‍कुनिटा! मिमेट पवित्र आत्माताहेंदाल पवित्र आसि, सत्‍तेमते विस्वासम इर्सि पिसालय पेन मीकुन मुन्‍नेने पेरता. अदुनहाटीं माकु मीवा बारेमते पेनदुक बस्‍केळ्‍क दन्यवाद कियमळ गावाले.

इब्रि 13:15

अदुनहाटीं, येसु मनाहाटीं कीतदुन मति कीसि, बस्‍केळ्‍क मना तोळ्‍दाल पेनदा पोरोल येतसि, पारतना-दन्यवादाल्कुना मोक्‍कुल्क हीसेक मंदकोम.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.