इपीसि 5:15 - पवित्र पोल्‍ले

¹⁵ अदुनहाटीं मिमेट बल्हा ताकंतिर? परमेर्का कीसि हुळाट. बुद्‍दि हिल्वोनलेसीं ताकमट, बुद्‍दि मत्‍तोनलेसीं ताकट.

इपीसि 5:15 Iomraidhean Croise

मत्‍तयाल 10:16

हुळाट, तोडेल्‍लिन लोप्पो गोर्रेन लोहताप नना मीकुन लोहचंतन, इंचि मिमेट तरासुनलेसीं जेगर्ता आनि पावरेम पिट्‍टेनलेसीं इमानदार मंटु.

मत्‍तयाल 25:2

अवनगटाल हेय्युं तेल्वि हिल्वव मत्‍तां, हेय्युं बारे तेल्‍वितव मत्‍तां.

मत्‍तयाल 27:24

इच्‍चो वेल्‍ले लोकुल्‍कुना मुन्‍ने नावद बतले ताका पर्रो. ओर लोल्‍लि कींतुर इल्‍हा पिलातुस इनकुंचि, इच्‍चुर एर पीसि लोकुल्‍कुना मुन्‍ने कय्‍क नोर्सि, “ईना हामुटे नावद कय हिल्‍ले, मिमेटे दीना जबाबदारी मंतिर,” इंचि इत्‍तोर.

मत्‍तयाल 27:4

“नना तप्पु हिल्वा मनकन हव्कालय पीसि हीसि पापम कीतन” इंचि इत्‍तोर. अस्‍के ओर, “माकु बतल कियना मंता? नीवद निमे हूळकुन” इंचि इत्‍तुर.

मत्‍तयाल 8:4

पजा, “इगे जर्गतद बोर्के वेहमा. गानि निमे होंचि मीवा पेर्मांक हुप्‍सा. कुस्‍टरोगमताल निमे बेस आता गवाइ इंचि मूसाल वेहता मोक्‍कु हीम. अदुन हूळसि निमे बेस आतिन इंचि लोकुल्‍कुंक एरपाट आंता,” इंचि येसु ओन इत्‍तोर.

लूकाल 24:25

अस्‍के येसु ओर्कुन, “अरे बुद्‍दि तक्‍को लोकुरिटा, पेनदा कबुरतोर मुन्‍ने वेहचि मत्‍ता पोल्‍लेन मिमेट बस्के नम्मंतिर?

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

गलातिया 3:1

ए गलातिया एरियाता लोकुरिटा, मिमेट निजमे बुद्‍दि हिल्वोर आंदिर. येसु किरिस्‍तुन क्रुसुनपोर्रो बारि वेलाळ वाटतुर? दाना अर्तम बतल? इदंता नना मीकु बेस तेळियानाल वेहचि मत्‍तन. असल मीकुन तप्‍पुड हर्दुक तिराहतोर बोर?

गलातिया 3:3

पवित्र आत्माता सहायमतोनि सुरुव कीता मीवा पूना पिस्वरतुन मिमेट मीवा बलमतेन पुरागा कियालय हूळसंतिरा? मीकु गिचचोगुडा बुद्‍दि हिल्‍लेना?

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

कुलुसि 1:9

अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.

1 तेसलोनि 5:15

मीलोप्‍पो बोरन्‍ना सेड्‍डातनमता बदला सेड्‍डातनम कियाकोंटा हूळकुंटु. गानि बस्‍केळ्‍क वरोंक-वरोर आनि अंटोराहाटींगुडा बेस कियालय कोसिस कीम्‍टु.

1 तिमोति 6:9

गानि सिरमंत आंतोम इनकुनना लोकुल्‍क कतरनाक परिक्‍साने, उर्रिने, अव्‍सरम हिल्वव वेल्‍लेन नुकसान कियनसोंटा इच्‍चाने हिरकंतुर. असोंटा इच्‍चां मनकालोर्कुन हेळाहचि नासडेम कींतां.

इब्रि 12:25

इद दुनियाते, लोकुल्‍कुंक जेगर्ता मनालय पेन वेहतस्के, ओर पेनदा पोल्‍ले केंजा हिल्‍लुर. अदुनहाटीं ओर पेन हीता सिक्‍साताल तपिच्‍कुना पर्राहिल्‍लुर. अय्ते इंदके मनम स्वर्गमताल वेहनोना पोल्‍लेतुन केंजाकोंटे, पेन हिय्यना सिक्‍साताल बल्हा तपिच्‍कुना पर्रांतोम? अदुनहाटीं जरा जेगर्ता मंटु, बोर अय्ते वळ्‍कसंतोरो ओना पोल्‍लेन पास्काकोंटा, बेस केंजट.

याकोब 3:13

मीलोप्‍पो तेल्वितोर, तेळियतोर बोर मंतोर? ओर ओना बेसता पिस्वर हेंदाल, तेल्‍विते सीदा-सादा मंचि ओर कियाना कबाह्‍कुन हुप्‍सना.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”