इपीसि 4:31 - पवित्र पोल्‍ले

³¹ मिहगा मनना हेळाह्‍ना गुनम, पगा, होंग, वरगेयना बुद्‍दि, अपमानम कियाना बुद्‍दि इसोंटा अन्‍नि कराब गुनाल्‍क-पोल्‍लेन मिहागटाल लक्‍कु कीम्‍टु.

इपीसि 4:31 Iomraidhean Croise

प्रेरितुल्‍कुना कबाह्‍क 21:30

अस्‍के पूरा सहरअंता गजबज आता. लोकुल्‍क अंटोर विच्‍चि वासि उंदगा जमा आतुर. पौलुसुन दोर्कापीसि गुळिताल पलाते इग्‍गिस ओसि, बिराना तल्‍पुक वाटतुर.

रोम सहरतोरहाटीं पौलुसना सिट्‍टि 3:14

ओरा पोल्‍लें सापनेम आनि कयमुलतोनि निंडिस मंतां.

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

1 कुरेंति 5:8

अदुनहाटीं मनम पळाना पुल्‍लाटा पिंडितसोंटा कराब कबाह्‍कुने, दुस्‍ट गुनाल्‍कुने आयो गानि इमानदारता, सत्‍तेमता पुल्‍लगा आयवा हारिनसोंटा पंडुगु कियमळ गावाले.

2 कुरेंति 12:20

बारित्‍ते नना मिहगा वातास्‍के, मिमेट इनकुत्‍ताप नना मीक दोर्का पर्रोन आयावच्‍चु इंका नना इनकुत्‍ताप मिमेट मंदक होननिर. बोर्क एरपाट, मीलोप्‍पो जगडाल्‍क, कळ्‍क पोतमळ, होंग, सतता पायदा, अपमानम, पेद्‍दिरकेम, चुगलीं, लोल्‍लिं इसोंटवगुडा दिस अर्रानुं इंचि नना वेरियसेक मंतन.

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

इपीसि 4:25

मनम अंटोरम उंदे मेंदुल्ता वेरे-वेरे बागाल्क आताहाटीं, इंदकेटाल वरोनतोनि-वरोर आबद्‍दम वळ्‍कमळ होळसिसि, हरेक मनकल सत्‍तेमे वळ्‍कगोम.

इपीसि 4:26

होंग आम्टु गानि, पापम कियमट. पोळ्‍द अर्राका मुन्‍नेन मीवा होंग सल्‍लारगोम.

कुलुसि 3:19

मुय्दुर्कुनिटा! मीवा मुत्‍तोह्‍कुन पावरम कीम्‍टु, अवुनतोनि कडकते मनमट.

कुलुसि 3:8

गानि इंदके मिमेट होंग आयमळ, गुल्‍गमळ, पगा पियमळ, अपमानम कियमळ, तोळ्‍दाल कराब पोल्‍लें वळ्‍कमळ इवन्‍निन होळसीम्टु.

1 तिमोति 3:11

इल्हेने मुर्ताह्कगुडा अंटोर कदर हियनलायक मनगोम. अवुनगा वेरेतोर्कुन अपमानम कियना गुनम मनामन्‍नि. गानि बेस ओप्‍केते अन्‍नि पोल्‍लेने विस्वासम कियनलायक अव मनगोम.

1 तिमोति 3:3

इंका ओर कल्‍लु उनानोर, मर्लाबळानोर, जगडम कियानोर मनामन्‍नि गानि मेत्‍तटा मनसुनोर मनगोम. ओन्क कोत्‍तना लालच मनामन्‍नि.

1 तिमोति 5:13

अचोने आयका लोन-लोन तिरियना अलवट अर्सि लंडुंक हेडंतां. सिराप लंडुंक हेळमळे आयो, गानि हेकेटां-हीकेटां जोलीं केंजंतां, वेरेतोरा कबाह्‍कुने कय कुच्‍चंतां, बव पोल्‍लें अय्ते अव वळकना आयोनो, असोंटा पोल्‍लें वळकालय दल्‍गंतां.

2 तिमोति 2:23

तेल्वि तक्‍को अल्हेन बेकार पोल्‍लेनाल लक्‍कु मन. नीकु अय्ते एरपाटे, असोंटा पोल्‍लें वाद-विवाद जगडाल्‍कुन पुटसंतां.

2 तिमोति 3:3

दया-माया मन्‍नो, मापि कियना मनसु मन्‍नो, वेरेतोरा अपमानम कींतुर, ओप्‍केते मन्‍नुर, ओरा जीवा नोय्यो, जिवरासिनलेह्का कींतुर, बेसतदुन हय्सुर,

तीतु 1:7

बारित्‍ते आ अदिकारि पेनदा कबाटुन मुन्‍ने ताकसानोर आंदुर. अदुनहाटीं ओनपोर्रो बदे दोसेम मननायो, ओर जिद्‍दि मनकल मनामन्‍नि, ओर बिराना होंगुंक वायानोर आयामन्‍नि, ओर कल्‍लु उनामन्‍नि, जगडाल्‍क कियामन्‍नि, तप्‍पुड कमाइ कियानोर आयामन्‍नि.

तीतु 2:3

अल्‍हेने मातरिह्कुंक करहा गदा, अवुना पिस्वर पवित्र लोकुल्‍कुना पिस्वरलेह्का मंदना. वेरेतोरा पोर्रो दोसेल्क दोस्साकोंटा, कल्कु उनाकोंटा, अव बस्‍केळ्‍क बेसता बारेमतेन कराहगोम.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.

याकोब 3:14

गानि मीवा मनसुने वेल्‍लेने कूटा-कूटा, लालचता इच्‍चां निंडिस मत्‍ते, नीवा तेल्‍विता बारेमते पेद्‍दिरकेम कीसि, सत्‍तेमता विरोदमते पापम कियामन्‍नि.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.

1 पत्रु 2:1

पेन बच्‍चोर दया कियानद आंद इंचि मिमेट अय्ते एरपाट कीतिट. अदुनहाटीं अन्‍नि तीरकुना तप्पु कबाह्‍क, अन्‍नि तीरकुना बोंकिचमळ, नडेह कियमळ, कळ्‍क पोतमळ, अन्‍नि तीरकुना अपमानम कियमळ इवुन होळसीम्टु.

1 योहान 3:12

मनम काइनुनालेसीं मननायो. ओर देय्यमता बाजुनोर आसि ओना तम्मुन हव्कतोर. ओर ओना तम्मुन बद कारनमते हव्कतोर? बारित्‍ते, ओना तम्मुना कबाह्‍क नीतितव मत्‍तां आनि ओना कबाह्‍क बारे तप्‍पुनव मत्‍तां.

1 योहान 3:15

बोर अय्ते ओना दादन, तम्मुन हय्‍सोर, ओर मनकन हव्‍कानसंटोर आंदुर. मनकन हव्‍कानोनगा बस्‍केळ्‍क पिस्सना पिस्वर मन्‍नो इंचि मीके अय्ते एरपाटे मंता.

पेन हुपिस्‍ता पोल्‍लें 12:10

पजा स्वर्गमताल उंदि पेद्‍दा लेंग केंजावाता. अद इल्‍हा मत्‍ता, “मा पेनदा मुन्‍ने मावा विस्वासुल्‍कुनपोर्रो नर्का-पिय्यल बस्‍केळ्‍क दोसेम दोस्सेके मनानदुन हिळु बूमिपोर्रो दोब्‍बिसीयमळ जर्गता. अदुनहाटीं पेन मनाकु हियना मुक्‍ति, ताकत, राज्येम आनि दाना किरिस्‍तुना अदिकारम पलाते अरता.