इपीसि 4:23 - पवित्र पोल्‍ले

²³ मिमेट बतल अय्ते करियतिरो अदुन पीसि, मीवा आत्माते पूना गुनाल्‍क वासि मिमेट बेस एदगट.

इपीसि 4:23 Iomraidhean Croise

रोम सहरतोरहाटीं पौलुसना सिट्‍टि 12:2

मिमेट इद दुनियातोर पिसताप पिस्‍सामन्‍नि गानि मिमेट मीवा मनसु मार्सकुंचि पेनदुक नच्‍चना पिस्वर पिस्‍सट. अस्‍के पेनदा इच्‍चा बतलो एरपाट कींतिर. एरपाट कीसि, “अद इच्‍चा वेल्‍लेन बेसतद, कुसि हियानद, बतले तप्पु हिलवद,” इंचि मीकु तेळियंता.

रोम सहरतोरहाटीं पौलुसना सिट्‍टि 6:4

बापतिस्माहेंदाल मनम येसु सामिनतोनि हासि बोंदा दोसताप आतोम. बल्हा अय्ते पेनबाबाना महिमाता ताकतते किरिस्‍तु हामुरताल मर्रा जीवाते तेदतोर, अल्‍हेने मनमगुडा बापतिस्मा एतसि पूना पिस्वरते ताका परांतोम.

रोम सहरतोरहाटीं पौलुसना सिट्‍टि 8:6

इंका बोर मनकल अय्ते पापि गुनाल्‍कुने पिस्सेक मनंतोरो, ओना हामुर तप्‍पो. बोर मनकल अय्ते आत्मा वेहताप कींतोरो, ओन्क पिस्वर, सांति दोर्कंता.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

तीतु 3:5

मनाकुन कापाळतोर. मनम कीता नीति कबाह्‍कुनाहेंका ओर मनाकुन कापाळा हिल्‍लोर गानि ओना सतता दयाहेंदाले मनाकुन कापाळतोर. पूना रीतुने पुट्‍टना एर तुंगमळहेंदाल आनि पवित्र आत्मा मनाकुन पूनगा कियमळहेंदाल इल्‍हा आता.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.