इपीसि 4:21 - पवित्र पोल्‍ले

²¹ मिमेट निजमे किरिस्‍तुना बारेमता पोल्‍लें केंजतिर. अचोने आयाका येसुना बारेमता सत्‍तेमतुन, बल्हा मत्‍तद अल्हे करियतिर.

इपीसि 4:21 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

लूकाल 10:16

“सिस्युल्कुनिटा! बोर मीवा पोल्‍लें केंजंतोरो, ओर नावा पोल्‍लें केंजंतोर. बोर मीकुन हय्‍सोर ओर नाकुन हय्‍सोर. नाकुन हय्सवोर नाकुन लोहता पेनदुनगुडा हय्‍सोर,” इंचि येसु वेहातोर.

योहान 1:17

मूसाल इनानोनहेंदाल पेन मनाकु नियमाल्‍क हीता. गानि कुर्पा, सत्‍तेम मनाकु येसु किरिस्‍तुनाहेंदाल दोर्कता.

योहान 10:27

नावा गोर्रें नावा लेंगुन केंजंतां. नावा गोर्रेन नना एरपाट कींतन, अव नावा पज्जो-पज्जो वांतां.

योहान 14:17

आ सहायम कियानोर इत्‍ते, पवित्र आत्मा मीकु सत्‍तेमतुन हुप्‍संता. दुनियातोर दानहेके हूळसेक हिल्‍लुर, दान एरपाट कीसेक हिल्‍लुर. अदुनहाटीं अद दुनियातोर्क दोर्को. गानि मिमेट दान एरपाट कींतिर. बारित्‍ते अद मीवातोनि मंता आनि पजा मीवा लोप्पेन मन्‍नार.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

रोम सहरतोरहाटीं पौलुसना सिट्‍टि 10:14

बोर अय्ते किरिस्‍तुनपोर्रो विस्वासम किया हिल्‍लुर, ओर ओना पोरोल बारि एतनुर? बोर अय्ते ओना बारेमते केंजा हिल्‍लुर ओर बल्हा विस्वासम कियानुर? बोर अय्ते ओर्क वेहानोर हिल्‍लुर, ओर बल्हा केंजानुर.

2 कुरेंति 1:20

पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

2 कुरेंति 11:10

किरिस्‍तुना सत्‍तेम नावा लोप्पो मंता, अदुनहाटीं अकाया एरियातोर बोरे नावा इद पेद्‍दिरकेमतुन विरोद किया पर्रुर.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 2:17

किरिस्‍तु इद दुनियाते वासि, पेनदागटाल लक्‍कु आसि मत्‍ता मीकु आनि दग्‍गेरा मत्‍ता ओर्कु सांतिता बेसता कबुरतुन वेहातोर.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

कुलुसि 2:7

मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.