इपीसि 4:18 - पवित्र पोल्‍ले

¹⁸ ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

इपीसि 4:18 Iomraidhean Croise

मत्‍तयाल 13:15

ओर कळ्‍कुने हूळसि, केव्‍कुने केंजसि, मनसुनाल अर्तम कीकुंचि नाहेके तिरियतस्के ओर्कुन नना बेस कीकन. इल्‍हा बस्‍केने जर्गामन्‍नि इंचि ओरा मनसु गट्‍टि पडता, केव्क बारे मंदोम आसि केंजा वायाकोंटा आतां, कळ्‍कुन बारे मुचकुतुर.” इद पोल्‍ले नावां केंजवोरा बारेमते निजम आता.

मरकुस 3:5

ओर्क बोर्के जीवा नोय्यो इंचि कन्‍कुंचि येसुंक दुक्‍कम वासि, ओर अंटोरहेके होंगुने हूळतोर. पजा, “नीवा कय मुन्‍नेळ्‍क हहा,” इंचि आ कय वत्‍सोत्‍तोन इत्‍तोर. ओर कय मुन्‍नेळ्‍क हाहतस्‍के ओना कय बेस आता.

योहान 12:40

“ओर ओरा कळ्‍कुन दिसाकोंटा कीतोर आनि ओरा मनसुन बंद कीतोर. अदुनहाटीं ओर कळ्‍कुने हूळा परसेक हिल्‍लुर, मनसुनाल ओर्क तेळियसेक हिल्‍ले. दीनहेंदाल ओर नाहेके तिरियुर, नना ओर्कुन बेस किय्योन.”

प्रेरितुल्‍कुना कबाह्‍क 17:30

मुन्‍नेटा लोकुल्‍कुना पेनदा बारेमते तेल्वि तक्‍को लेक्‍कनहेंका पेन ओर्कुन हूळसिगुडा हूळवाप कीता. गानि इंदके मात्रम दुनियाता अंटोर लोकुल्‍क मनसु मार्सकुननाहाटीं आदेस हीसंता.

प्रेरितुल्‍कुना कबाह्‍क 3:17

“नावा दादालोर तम्मुह्कनिटा! मिमेट आनि मीवा राज्येम कियानोर बतल कीतिरो अद मीकु तेळियवा हेंकेन कीतिर इंचि नाकु एर्के.

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 11:7

इल्‍हा इस्राएल लोकुल्‍क बदुन अय्ते मनसु तासि पह्कसेक मत्‍तुरो, अद ओर्क दोर्काहिल्‍ले. गानि पेन पेरकुत्‍तोर्कुंक मात्रम अद दोर्कता. कळमतोर बोर अय्ते मत्‍तुर, ओर पेनदा पोल्‍ले केंजाकोंटा ओरा मनसुन गळसु कीता.

रोम सहरतोरहाटीं पौलुसना सिट्‍टि 2:19

मिमेट इल्‍हा इंतिर गदा, “गुड्‍डिर्कुनलेसीं मनानोर्कुंक हर्रि हुप्‍संतोम, हीकटा पिस्वर पिसानोर्कुंक वेल्‍गुनलेसीं मनंतोम.”

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 2:8

ई तेल्‍विता बारेमते दुनियाता अदिकारिल्कुंक बोर्के तेळिया हिल्‍ले, ओर्क गिंटा तेळियसि मत्‍ते, महिमागल्‍ला सामि येसु किरिस्‍तुन क्रुसुनपोर्रो मोल्‍लां कोह्का कोन्‍नेर.

2 कुरेंति 3:14

इस्राएल लोकुल्‍कुना मनसुक गट्‍टिगा आसि होत्‍तां. इव रोजकुनेगुडा बस्के अय्ते ओर पळाना नियम हदवंतुर, अस्‍के अदे मुस्‍कु ओरा मनसुन मुच्‍चंता. सिराप किरिस्‍तुनपोर्रो विस्वासम इरते, किरिस्‍तुए ओरा मुस्‍कुन तेंडा परांतोर.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

गलातिया 4:8

दीनकन्‍ना मुन्‍ने मिमेट निजम पेनदुन एरपाट किया हिल्‍लिर, अदुनहाटीं अट्‍टि पेनकुना कय्‍दा हिळु मत्‍तिर.

इपीसि 2:1

मुन्‍ने मिमेट तप्‍पु कबाह्‍क कीसि, पापाल्क कीसि आत्माते हासि मत्‍तिर. गानि मीकुनगुडा किरिस्‍तु जीवाते तेहातोर.

इपीसि 2:12

अद कालमते मिमेट किरिस्‍तुनलोप्‍पो कलियका मत्‍तिर, मिमेट इस्राएल लोकुल्‍क आयवाहेंका मीकु पेनदा नियमाल्‍क दोर्का हिल्‍लें, करार्क कियाना बारेमते पेन हीता पोल्‍लेताल मीकुन लक्‍कु इरमळ जर्गता. मिमेट इद दुनियाते बदे आसे हिलुवा, पेन हिलुवा पिस्वर पिस्सेक मत्‍तिट.

कुलुसि 1:21

दीनकन्‍ना मुन्‍ने मिमेट पेनदागटाल लक्‍कु मत्‍तिर, कराब कबाह्‍कुनाहेंदाल दाना पगातोर आसि मत्‍तिर.

1 तेसलोनि 4:5

लालचते मनानोर पेनदुन एरपाट किय्युर, असंटोरतोनि इल्‍हा मनमळ आयापर्रो.

इब्रि 5:2

आ पेर्मलगुडा वेल्‍ले तीरकुने कमजोर मंतोर, अदुनहाटीं तेळियका तप्पु कीतोर्कुन, हर्रि तप्‍सोत्‍तोर्कुन ओर दयाते हूळा पर्रंतोर.

इब्रि 9:7

गानि इंकुंदि परदाता पज्‍जोटा अर्राते, सिराप पेद्‍दा पेर्मल ओना सतता पापाल्कुनाहाटीं आनि लोकुल्‍क तेळियका कीता पापाल्कुनाहाटीं मोक्‍कु हियालय नेत्‍तुर पीसि, वर्साक उंदि मल्के दांतोर.

याकोब 4:4

विस्वासम हिल्वोरिटा! दुनियातोनि दंटा कियमळ इत्‍ते पेनदुक पगा आयमळ इद मीक तेळियोना? अदुनहाटीं बोर अय्ते दुनियातोनि दंटा कींतोर, ओर पेनदुक पगातोर आंतोर.

1 पत्रु 1:14

येसु किरिस्‍तुना बारेमते मीक तेळियवस्के मीलोप्‍पो मत्‍ता कराब अलवटकुना जोलिक होनाकोंटा, पोल्‍ले वेहते केंजाना पिलाल्कुनालेसीं मंटु.

1 योहान 2:11

गानि बोर अय्ते ओना दादन हय्‍सोर, ओर हीकटते मंतोर. हीकटतेन पिस्सेक मंतोर. हीकटहाटीं ओना कळ्‍कु दिस्‍साकोंटा आताहाटीं, ओर बेके होंचंतोरो ओनद ओन्‍के तेळियो.