इपीसि 4:13 - पवित्र पोल्‍ले

¹³ दीनहेंदाल मनम अंटोरम पेनदा मर्रिना पोर्रोटा विस्वासम आनि ओना बारेमता जानकारिते उंदासि मनंतोम. इंका बद्‍दे पोल्‍लेते आयि किरिस्‍तु बल्हा अय्ते बतले तक्‍को हिलाकोंटा मत्‍तोर, अल्‍हेने मनमगुडा मना पर्रंतोम.

इपीसि 4:13 Iomraidhean Croise

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

योहान 1:16

ओर अन्‍नि तीरकुने पुरागा मत्‍ताहेंका, ओनहेंदाल मनाकु अंटोर्क कुर्पाता आसिर्वाद पोर्रो आसिर्वाद दोर्कता.

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 17:21

बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्‍ते, ओरगुडा मनांटे उंदि आयापींता.

योहान 6:69

पेन लोहता पवित्रुन निमेन आंदिन इंचि मोमोट विस्वासम कीसि एरपाट कीतोम,” इंचि इत्‍तोर.

प्रेरितुल्‍कुना कबाह्‍क 4:32

विस्वासुल्‍क अंटोर उंदि मनसु, उंदि जीवा आसि मत्‍तुर. बोरन्‍ना आयि बदे सोम्मु, इद नावद इंचि इनाकोंदुर, गानि बोनगन्‍ना बतलन्‍ना मत्‍ते दान तूसकुनुंदुर.

1 कुरेंति 1:10

विस्वासुल्‍कुनिटा! मीलोप्‍पो जगडाल्‍क आसेक मंतां इंचि क्‍लोयेना लोतोर नाक वेहतुर. अदुनहाटीं मिमेट अंटोर उंदे पोल्‍लेते ताकाटु, मीलोप्‍पो वरोनद-वरोंक अर्राकोंटा मनमट, गानि मिमेट उंदे मनसुने, उंदे विचारमते कलियसि मंटु इंचि नना मीक मना सामि येसु किरिस्‍तुना पोरोलते विनंति कीसेक मंतन.

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 4:19

ना पिलाल्कनिटा, मीकु बदवेरादाका किरिस्‍तुनलेसीं गुनम वायोनो अदवेरदाका, एरपूरनेंके बल्हा नोप्‍पिं वांतंगो अल्‍हेने नना मीवाहाटीं मर्रा उंदि मल्का तकलिप अरसेक मंतन.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 1:23

कलिसियातोर इत्‍ते किरिस्‍तुना मेंदुल आंदुर. ओना मेंदुल्तुन ओर अन्‍नि तीरकुने, अन्‍नि पोल्‍लेने पुरागा निह्‍चि अन्‍निटतुन पुरागा कियानोरगुडा ओरे आंदुर.

इपीसि 2:15

यहुदिर्कुन आनि यहुदि आयवोर्कुन इव्‍वुर्कुनगुडा उंदगा कल्‍पिसि वरोर पूना मनकन पुट्‍टिस्‍ताप, अंटोर्कुन उंदि कीतोर. इल्‍हा वेरे-वेरे आसि पिसानोर्कुन कल्‍पतोर. इल्‍हा ओर्कुन कल्‍पानाहाटीं ओर ओना मेंदुल्तुन हीसि आदेसाल्‍कुना बव अय्ते यहुदिल्कुना नियमाल्‍क मत्‍तांगो, अवुन नासडेम कीतोर. आनि मनाकु सांतितुन हीतोर.

इपीसि 4:3

पेनदा पवित्र आत्मा मीकुन सांतिते उंदि कीता. अय्ते आ सांतिता एकतातुन मिमेट बेस कापाळसि इर्राना कोसिसते मंटु.

इपीसि 4:5

मना अंटोरा सामि वरोरे, मनम अंटोरम उंदे विस्वासम कींतोम आनि बापतिस्मागुडा उंदे बापतिस्मा एततोम.

पिलिपिया 3:10

येसु किरिस्‍तुन आनि ओर हासि मर्रा जीवाते तेदता ताकततुन तेलपिचकुनना इंचि नाकु मंता. ओर बोगांच्‍ता तकलिपकु आनि हामुरतुनगुडा बोगांचि, ओनलेह्केन नाकु आयगोम. बल्हा अय्नागानि उंदि रोजु पेन नाकुन हामुरताल जीवाते तेहंता इंचि नावा आसे.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

कुलुसि 1:28

हरेक मनकन किरिस्‍तुनलोप्‍पो पूरा कीसि पेनदा मुन्‍ने निल्‍हागोम इंचि, मोमोट किरिस्‍तुना बारेमते हरेक मनकंक कडकते वेहांतोम, हरेक मनकंक पूरा तेल्‍विते करहंतोम.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

इब्रि 5:14

गानि बोर अय्ते तेल्वि बेर्सि, मंचि-सेड्‍डातुन एरपाट कीसि अल्हा ताकतुरो, ओरे गाटो तिनानोरालेसीं आतुर.

2 पत्रु 1:4

दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.