इपीसि 4:11 - पवित्र पोल्‍ले

^11-12 ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

इपीसि 4:11 Iomraidhean Croise

मत्‍तयाल 28:20

नना मीकु हीता आदेस परकारम ओर्कु ताकालय करहट, ई दुनिया मुंळगना आकिर वेलादाका नना बस्केळक मीतोने मनंतन,” इत्‍तोर.

प्रेरितुल्‍कुना कबाह्‍क 13:1

अंताकिया सहरता कलिसियातोरव्टे इच्‍चुर पेनदा कबुरतोर आनि कराहनोर मत्‍तुर. ओर बोर इत्‍ते, बरनाबास, सिमोन ईन निगर (इत्‍ते कर्रेटोर) गुडा इनुंदुर, कुरेनि सहरता लुकियुस, साऊल, गालिल एरियाता राजाल हेरोद अंतिपासुनतोनि बेर्सता मनाहेम ईर आंदुर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

प्रेरितुल्‍कुना कबाह्‍क 21:8

इंकुंदि रोजु मोमोट अगटाल पेय्सि कैसरिया सहर होत्‍तोम. अगा होंचि मोमोट, पिलिपुस पोरोलता पेनदा सेवाकुना लोन आगतोम. ई पिलिपुस येरुसलेम सहरते गाटो पंचि दोसनाहाटीं पेरता एडुर लोप्पोटाल वरोर मत्‍तोर.

रोम सहरतोरहाटीं पौलुसना सिट्‍टि 12:7

सेवा कियना वरम दोर्कतोर ओर विस्वासमते सेवा कियगोम, पेनदा पोल्‍लें कराहना वरम दोर्कतोर ओर विस्वासमते पेनदा पोल्‍लें कराहना कबळ कियगोम.

1 कुरेंति 12:4

वरमकु वेरे-वेरे मनना गानि पवित्र आत्मा उंदे आंद.

इपीसि 2:20

अचोने आयाका प्रेरितुल्क आनि पेनदा कबुरतोरा पुनादिपोर्रो येसु किरिस्‍तुन मूला बंडालेसीं इर्सि दोहता लोह्‍कु मिमेटे आंदिर.

इपीसि 3:5

आ मर्ममता सत्‍तेमतुन पवित्र आत्माहेंदाल पेन दाना प्रेरितुल्कुंक आनि दाना कबुरतोर्कुंक इंदके बल्हा वेहतानो, अल्हा अस्‍केटा कालमता लोकुल्‍कुंक वेहमळ जर्गाहिल्‍ले.

इपीसि 4:8

अदुनहाटींगे ओना बारेमते दर्मसास्‍त्रमते इल्‍हा रासि मंता: “ओर पोर्रो एत्‍तु एक्‍किसि होत्‍तोर, जेलने मत्‍तोर्कुन दोहचि ओतोर, मनकालोर्कुंक वराल्‍क हीतोर.” इंचि रासि मंता.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

इब्रि 5:12

अल्हा हूळते इदवेरदाका मिमेट गुरुल्क आया मत्‍ता. गानि इंदके मीके वेरे बोरन्‍ना वासि पेन हिय्यना मुक्‍ति बारेमता पोल्‍लें मर्रा कराहना अव्‍सरम मंता. मिमेट इदवेरदाकागुडा पाल उनानोरालेसींगे मंतिट, गाटो तिननालायक आया हिल्‍लिट.

यहुदा 1:17

पावरमगल्‍लोरिटा! मना सामि येसु किरिस्‍तुना प्रेरितुल्‍कु मीवातोनि मुन्‍नेने, “आकिर वेलाते बक्‍ति हिल्वा इच्‍चां मत्‍ताप ताकानोर, मीकुन सिडांचंतुर,” इंचि वेहतुर, इव पोल्‍लेन मिमेट मति कीम्‍टु.

पेन हुपिस्‍ता पोल्‍लें 18:20

“ए स्वर्गमते मनानोरिटा, पेनदा पवित्र लोकुल्‍कुनिटा, प्रेरितुल्कुनिटा आनि पेनदा कबुरतोरिटा, अद सहर नासडेम आताहाटीं कूस आम्टु, अद सहर मीकुन हर्रि तप्‍पिस्‍ता इंचि पेन दानकु दगता सिक्‍सा हीता” इंचि आ पेनदा दूता वेहता.

पेन हुपिस्‍ता पोल्‍लें 21:14

अद सहर सुट्‍टु मत्‍ता गूरे पन्‍नेंड पूनादिनपोर्रो निल्‍सि मत्‍ता. आ पन्‍नेंड पूनादिनपोर्रो गोर्रे पोरिना पन्‍नेंड प्रेरितुल्कुना पन्‍नेंड पोरोलीं रासि मत्‍तां.