इपीसि 3:7 - पवित्र पोल्‍ले

⁷ पेन दाना कुर्पाता वरम परकारम अद नाकु हीता ताकतहेंदाले नना ई बेसता कबुर वेहाना सेवाकुन आतन.

इपीसि 3:7 Iomraidhean Croise

प्रेरितुल्‍कुना कबाह्‍क 9:15

अस्‍के सामि ओन, “नावा पोरोलतुन वेरे जातितोरा नड्‍डुम, राजालोरा मुन्‍ने, इस्राएलता लोकुल्‍कुन मुन्‍ने वेहनाहाटीं नना ईन नावा विस्रे इंचि पेर्कुत्‍तन, अदुनहाटीं निमे होन.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

रोम सहरतोरहाटीं पौलुसना सिट्‍टि 12:3

पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:5

अप्‍पुलोस बोर आंदुर? नना पौलुसुन बोन आंदुन? मोमोट इव्वुरमगुडा पेनदा सेवाकुल्कुमे. पेन माक बतल अय्ते कबळ अप्पजेपता, अदुन वेहतोम, मिमेट विस्वासम कीतिर.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

2 कुरेंति 4:1

पेन मापोर्रो दया कीसि, दाना पोल्‍ले वेहाना इद सेवा माक हीता, अदुनहाटीं मोमोट दैरनेमते वेहांतोम.

इपीसि 1:19

अचोने आयाका किरिस्‍तुन हामुरताल मर्रा जीवाते तेहाचि स्वर्गमते दाना तिना बाजुंक उपिच्‍नेंके पेन दाना पेद्‍दा ताकततुन हुपिस्‍ता. अय्ते मनम किरिस्‍तुन विस्वासम कियानोरम उंदि आयालयगुडा अदे पेद्‍दा ताकत दानागा मंता. पेनदा ताकत बस्‍केन मारो, इदुन पेन मीकु तेळियागोट्‍टि इंचि नना विनंति कीसेके मंतन.

इपीसि 3:2

पेन दाना कुर्पाता बारेमते मीकु वेहना जिम्मेदारि नाकु हीता इंचि मिमेट केंजसे मंदकिट.

इपीसि 3:20

इंदके पेन मना पिस्वरता लोप्पो दाना ताकत परकारम कबळ कीसेकेन मंता. इच्‍चोने आयो, मनम तल्‍कानदुंकन्‍ना, मनम विचारम कियानादानकन्‍ना एक्‍को, अद मनालोप्‍पो कबळ किय्‍या पर्रंता.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

इपीसि 4:16

मेंदुल्ते मनना कील्‍कु-नर्राल्‍कु मेंदुल्ता वेरे-वेरे बागाल्‍कुन बल्हा अय्ते उंदान्‍कु-उंदि अंटिच्‍चि इर्रांतंगों, अल्हे किरिस्‍तुना मेंदुल आसि मत्‍तोर्कुन ओरे अंटिच्‍चि इर्रंतोर. मेंदुल्ता हरेक बागम, मेंदुलतोनि कलियसि अवुना कबाह्‍क अव बरोबर कीतेने मेंदुल बेस बरोबर मनंता. अल्‍हेने कलिसियातोरगुडा वरोन-वरोर पावरमते हूळसेक, ओर्क पेन हीता कबाह्‍कुन बरोबर कीते, ओर पेनदापोर्रोटा बरोसाते बेस बेर्संतुर.

कुलुसि 1:29

इदुनहाटीं किरिस्‍तुना पूरा ताकत नावा लोप्पो गट्‍टिगा कबळ कीसेके मंता, दानाहेंदाल नना मनसु दोस्‍सि बागा कस्‍टम कीसेके मंतन.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.