इपीसि 3:5 - पवित्र पोल्‍ले

⁵ आ मर्ममता सत्‍तेमतुन पवित्र आत्माहेंदाल पेन दाना प्रेरितुल्कुंक आनि दाना कबुरतोर्कुंक इंदके बल्हा वेहतानो, अल्हा अस्‍केटा कालमता लोकुल्‍कुंक वेहमळ जर्गाहिल्‍ले.

इपीसि 3:5 Iomraidhean Croise

मत्‍तयाल 13:17

नना मीकु निजम वेहांतन, इय्याला मिमेट बव हूळसंतिरो, केंजसंतिरो, अवुन वेल्‍लेटुर पेनदा कबुरतोर आनि नीतिमंतुल्क हूळालय, केंजालय तन्‍लाळुंदुर. गानि ओर्क हूळालय, केंजालय दोर्काहिल्‍ले.

मत्‍तयाल 20:7

अस्‍के, “माकुन बोरे बूतिक केया हिल्‍लुर, दानहेंके मोमोट नित्‍तिसि मंतोम दादा!” इंचि ओर इत्‍तुर. अस्‍के, “अल्हा अय्ते मिमेट इंका नावा अंगुर बगिचाते कबळ कियालय होंट,” इंचि आ मालक ओर्कुन वेहतोर. अस्‍के ओर होत्‍तुर.

मत्‍तयाल 23:34

अदुनहाटीं नना मीहेके पेनदा कबुरतोर्कुन, बुद्‍दिमंतुल्‍कुन आनि दर्मसास्‍त्रम कराहना गुरुल्‍कुन लोहांतन. मिमेट ओराव्टेटाल इच्‍चुर्कुन हव्‍ककिर, इच्‍चुर्कुन क्रुसुंक वेलाड वाटकिर, इच्‍चुर्कुन मीवा दर्मसास्‍त्रम कराहना लोह्कुने ओसि पोट्‍टेते तनकिर, तंचि ओर्कुन नार-नार तिराह्‍चि तिप्‍पल्‍क कीकिर.

लूकाल 10:24

बारित्‍ते नना मीकु वेहांतन, इय्याला मिमेट बव हूळसंतिरो, केंजसंतिरो, अवुन वेल्‍लेटुर पेनदा कबुरतोर आनि राजालोर हूळालय, केंजालय तन्‍लाळुंदुर. गानि ओर्क हूळालय, केंजालय दोर्काहिल्‍ले,” इंचि इत्‍तोर.

लूकाल 11:49

अचोने आयका पेन दाना बेस बुद्‍दिते मीवा बारेमते इल्‍हा वेहता, नना पेनदा कबुरतोर्कुन आनि प्रेरितुल्कुन ओरगा लोहांतन. अस्‍के ओर, ओराव्टेटाल इच्‍चुर्कुन हव्कानुर, इच्‍चुर्कुन बारे इरगा तिप्‍पल्‍क कियानुर.”

योहान 14:26

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

योहान 16:13

गानि सत्‍तेम आत्मा वातस्के, अद मीकु पूरा सत्‍तेमतुन हुप्‍सार. अद दाना मनसुंक वाताप वळ्को, गानि बतल अय्ते अद बाबानगटाल केंजंता, अदे वेहंता. इंका मुन्‍ने जर्गना बारेमतेगुडा वेहंता.

प्रेरितुल्‍कुना कबाह्‍क 10:28

हूळसि, “मीकु उंदि पोल्‍ले अय्ते एरपाटे, अद बतल इत्‍ते, यहुदि मनकल वेरे जातिता मनकनगा होनमळ, ओनतोनि बेसता संबंदम इरमळ यहुदि रीति-रिवाजकुने बेस आयो. गानि पेन मात्रम, नना बोने मनकन पास्कामन्‍नि, बोने अपवित्र इना मन्‍नि इंचि नाकु हुपिस्‍ता.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

1 कुरेंति 2:10

गानि पेन दाना आत्माताहेंदाल अवुन मनाकु हुपिस्‍ता. बारित्‍ते अद आत्माकु अन्‍नि एरपाटे, पेनदा मर्ममगुडा एरपाटे.

इपीसि 2:20

अचोने आयाका प्रेरितुल्क आनि पेनदा कबुरतोरा पुनादिपोर्रो येसु किरिस्‍तुन मूला बंडालेसीं इर्सि दोहता लोह्‍कु मिमेटे आंदिर.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

2 पत्रु 3:2

अदुनहाटीं मिमेट पवित्र पेनदा कबुरतोर मुन्‍नेने वेहचि मत्‍ता पोल्‍लेन अल्‍हेने प्रेरितुल्‍कुना हेंदाल वेहतव सामि आनि मुक्‍ति हियानोना आदेसकुन मति इर्रागोम.

यहुदा 1:17

पावरमगल्‍लोरिटा! मना सामि येसु किरिस्‍तुना प्रेरितुल्‍कु मीवातोनि मुन्‍नेने, “आकिर वेलाते बक्‍ति हिल्वा इच्‍चां मत्‍ताप ताकानोर, मीकुन सिडांचंतुर,” इंचि वेहतुर, इव पोल्‍लेन मिमेट मति कीम्‍टु.