इपीसि 3:3 - पवित्र पोल्‍ले

³ पेनदा सत्‍तेम मोदाला मर्ममते मत्‍ता, गानि अदुन इंदके पेन नाकु बैय्यरा कीसि हुपिस्‍ता. इदुना बारेमते मीकु नना मुन्‍ने गिचच्‍चो रासि मत्‍तन.

इपीसि 3:3 Iomraidhean Croise

प्रेरितुल्‍कुना कबाह्‍क 22:17

आयंका नना येरुसलेम तिरियसि वासि गुळिते पारतना कीसेके मत्‍तन, अस्‍के अल्हेन दर्सनम हूळतन.

प्रेरितुल्‍कुना कबाह्‍क 22:21

अस्‍के सामि नाकुन, निमे होन, नना नीकुन वेल्‍लेन लक्‍कु वेरे जातितोरा लोप्पो लोहंतन,” इंचि इत्‍तोर.

प्रेरितुल्‍कुना कबाह्‍क 23:9

अगा वेल्‍ले लोल्‍लिं आतां. अगा उद्‍दिस मत्‍ता परिसि दर्मसास्‍त्रम कराहना गुरुल्कुनाल इच्‍चुर तेदिसि, “माकु ईना लोप्पो बतल तप्पु दिस्सेक हिल्‍ले. ईनतोनि बदाना आत्मा हिलाकोंटे बदाना पेनदा दूता वळकिस मंदार,” इंचि इत्‍तुर.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

2 कुरेंति 12:1

नना पेद्‍दिरकेम कीते नाक बतल पायदा दोर्को, गानि पेद्‍दिरकेम किया पीसेक मंता. सामि नाक हीता दर्सनम आनि हुपिस्‍ता मर्ममता पोल्‍लेन बारेमते वेहंतन.

गलातिया 1:12

इंका इद नाकु बोर मनकालोरहेंदालगुडा दोर्काहिल्‍ले आनि बोर मनकल नाकु कराह हिल्‍लोर. इदु नाकु कुद्‍दु येसु किरिस्‍ते कुल्‍ला कीसि वेहतोर.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 3:4

अदुन मिमेट हदुवकिर अस्‍के किरिस्‍तुना बारेमता आ मर्ममता पोल्‍लें नाक बल्हा तेळियतां इंचि मिमेट एरपाट कीकिट.

इपीसि 3:6

आ मर्ममता पोल्‍ले बतल इत्‍ते, यहुदि आयवोर लोकुल्‍क बेसता कबुर केंजसि किरिस्‍तु येसुनपोर्रो विस्वासम इरतुर, अदुनहेंदाल ओरगुडा यहुदि विस्वासुल्‍कुनतोनि कलियसि येसुनगा दोर्काना हक्‍कुने वारसदार्क आतुर. इल्‍हा ओर उंदि मेंदुलतोर आनि पेन हीता पोल्‍लेते हिस्‍सादार्क आतुर.

इपीसि 3:9

अन्‍निटतुन पुट्‍टिस्‍ता पेन, मोदोलताल मर्ममते इर्सि मत्‍ता दाना पिलानतुन बल्हा पुरागा कीता, इत्‍तदुना बारेमते हरेक मनकंक कुल्‍ला-कुल्‍ला कीसि वेहनाहाटीं नाकुन पेरता.

इपीसि 6:19

इंका नना बस्के-बस्के अय्ते पेनदा पोल्‍लें कराहलय तोड्‍डि तेहांतन, अस्‍के-अस्‍के नाकुंदि बेसता कबुर दोर्कालय नावाहाटींगुडा पारतना कीम्‍टु. दीनहेंदाल नना पेनदा बेसता कबुरते मत्‍ता मर्ममतुन वेरियाकोंटा वेरेतोर्क वेहा परकन.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

इब्रि 13:22

विस्वासुल्‍कुनिटा! मिमेट पेनदा बक्‍तिते इंकिच्‍चो गट्‍टि पळना इंचि, इव इच्‍चुं पोल्‍लें नना इद सिट्‍टिते मीहाटीं रासतन. इवुन बेस सहन कीसेके केंजट इंचि नना मीकु विनंति कीसंतन.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.

2 पत्रु 3:15

मना सामिना ओप्के पीसि मनमळ मना मुक्‍तिहाटींगे इंचि इनकुंटु. सामि हीता बुद्‍दि परकारमे मना पावरमगल्‍ला पौलुस दादल मीक इव पोल्‍लें रासतोर.