इपीसि 3:19 - पवित्र पोल्‍ले

¹⁹ अचोने आयाका, मना तेल्‍वितोनि मनम तेल्‍पिचकुना पर्रोम, असोंटा किरिस्‍तुना पावरमतुन तेल्‍पिचकुंचि, पेनदा गुनमते पुरागा निंडिस होंटु, इंचि पारतना कीसेके मंतन.

इपीसि 3:19 Iomraidhean Croise

मत्‍तयाल 5:6

नीतिताहाटीं कर्वु दूपा इनाका कस्‍टम कियानोर्कुंके पेन आसिर्वाद हींता, पेन ओर्के समादानम हींता.

योहान 1:16

ओर अन्‍नि तीरकुने पुरागा मत्‍ताहेंका, ओनहेंदाल मनाकु अंटोर्क कुर्पाता आसिर्वाद पोर्रो आसिर्वाद दोर्कता.

रोम सहरतोरहाटीं पौलुसना सिट्‍टि 8:35

अय्ते मनाकु बदे तिप्‍पल आयि, लोकुल्‍कुना विरोद, दुक्‍कम, कर्वु, कपडिं दोर्काकोंटा आयमळ, दोकाता जेगाते मनमळ आयि, कसेह्‍क-गोर्काने हव्कनसोंटा वेला वायिनागानि इवन्‍नि येसु किरिस्‍तुना पावरमताल मनाकुन लक्‍कु किया पर्रों.

रोम सहरतोरहाटीं पौलुसना सिट्‍टि 8:39

बूमिता लोप्पोटव आयिं, बूमि पोर्रोटव आयिं. पेन पुट्‍टिस्‍तव बवे आयिं मना सामि येसु किरिस्‍तुनाहेंदाल मनापोर्रो मत्‍ता पेनदा पावरमताल लक्‍कु किया पर्रों.

2 कुरेंति 5:14

किरिस्‍तु अंटोराहाटीं हातोर इंचि मोमोट विस्वासम कींतोम. इंका मावा अंटोरा पळाना पिस्वरगुडा हाता इंचि विस्वासम कींतोम. अदुनहाटीं किरिस्‍तुना पावरम माकुन ओप्‍केते इरसेक मंता.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इपीसि 1:23

कलिसियातोर इत्‍ते किरिस्‍तुना मेंदुल आंदुर. ओना मेंदुल्तुन ओर अन्‍नि तीरकुने, अन्‍नि पोल्‍लेने पुरागा निह्‍चि अन्‍निटतुन पुरागा कियानोरगुडा ओरे आंदुर.

इपीसि 3:18

पेनदा लोकुल्‍कुनतोनि मीकुगुडा किरिस्‍तुना पावरमता नेरवुन, पोड्‍गुन, एत्‍तुन आनि लोतुन तेल्‍पिचकुनना ताकत दोर्कि.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:25

अय्ते ए मरमिं आता मांडसुरिटा! किरिस्‍तु बल्हा कलिसियातुन पावरम कीसि, दानाहाटीं ओना सतता जीवातुन हीतोर, अल्हेन मिमेटगुडा मीवा मुत्‍तोह्‍कुन पावरम कीम्‍टु.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 4:7

अस्‍के बोरे अर्तम किया परवसोंटा सांतितुन पेन मीकु हींता. मिमेट येसुनोर आताहाटीं अद सांति मीवा मनसुन, विचाराल्कुन बेस कापाळसि इर्रंता.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

1 पत्रु 1:8

मिमेट येसुन हूळाकोन्‍ना गानि पावरम कींतिट; इंदके ओर दिसाकोन्‍ना ओन विस्वासम कीसि, पोल्‍लेने वेहा परवच्‍चोन आनंदमते आनि महिमाते निंडिस मंतिर.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.