इपीसि 3:16 - पवित्र पोल्‍ले

¹⁶ पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

इपीसि 3:16 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

रोम सहरतोरहाटीं पौलुसना सिट्‍टि 2:29

बोर अय्ते पेनदा इच्‍चा मत्‍ताप ताकंतुर ओरे निजम यहुदिल्क आंदुर. मूसाना नियम परकारम पलाताल आतदे कतना आयो, गानि पेनदा आत्माहेंदाल मनसु मारियता मनकालोरे निजम कतना आता यहुदिल्क आंदुर. इसंटा मनकालोर लोकुल्‍कुना कदरतुन आयो गानि पेनदा कदरतुन पहकंतुर.

रोम सहरतोरहाटीं पौलुसना सिट्‍टि 7:22

पेन हीता नियमते नावा मनसु वेल्‍लेन कूस मंता.

रोम सहरतोरहाटीं पौलुसना सिट्‍टि 9:23

पेन अल्हा ओप्के पीसि बारि मत्‍ता इत्‍ते, पेन दाना महिमा आनि दया बच्‍चोन बेसतद इंचि बोर लोकुल्‍कुंक अय्ते हुप्‍सना मत्‍ता, अद ओर्कुन मुन्‍नेन पेरता.

1 कुरेंति 16:13

इंदके मिमेट उसारते मंटु, विस्वासमते गट्‍टिगा मंटु, दैरनेमते मंटु, बलमगल्‍लोर्क आसि मंटु.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

2 कुरेंति 4:16

अदुनहाटीं मोमोट दैरनेम होळसोम. मावा मेंदुल पलाताल जिग्‍गि हिलाकोंटा आसेके मंता, गानि लोप्पो मंदना आत्मा मात्रम रोज पूनगा आसेके मंता.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

इपीसि 3:15

सिराप ओनाहेंदाले स्वर्गमते आनि बूमिपोर्रो मनना हरेक कुटुंबकु पोरोल इरमळ जर्गता.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

पिलिपिया 4:19

नना सेवा कियना पेनदागा मनाकु गावाले मत्‍तादुंकन्‍ना एक्‍को संपत्‍ति मंता. अदुनहाटीं मनाकु बतल अव्‍सरम मनिनागानि, मनम किरिस्‍तु येसुना लोकुल्‍क आताहाटीं पेने दाना महिमाहेंदाल अदुन पूरा कींता.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

इब्रि 11:34

इंकिच्‍चुर लोकुल्‍क पोत्‍तना तडमितुन पिरहातुर, इच्‍चुर लोकुल्‍क तलवारकुना अय्दरताल तपिच्‍कुना परतुर, इंकिच्‍चुर बारे बलम हिल्वस्केगुडा बलमगल्‍लोर्क आतुर, लडाइने वीरूल्क आतुर आनि पराइ देसेमता सिपाइल्कुन गेद्‍मिसीतुर.

1 पत्रु 3:4

गानि दानकु बदुल मीवा मनसुना गुनम सादा-सिंपल, नासडेम आयवा सांत आत्माते सिंगारम कीम्‍टु. इसोंटद पेनदा मुन्‍ने बच्‍चोनो विलुवातद आंद.