इपीसि 2:8 - पवित्र पोल्‍ले

⁸ पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

इपीसि 2:8 Iomraidhean Croise

मत्‍तयाल 16:17

अस्‍के येसु “योनाना मर्रि सिमोनु! नीकु आसिर्वाद दोर्कुता. बारित्‍ते, इद पोल्‍ले नीकु बोर मनकल वेहा हिल्‍लोर, गानि नावा स्वर्गमता बाबाल नीवा लोप्पोटाल वेहतोर.

मत्‍तयाल 20:9

पोळ्‍दु अर्रालय गंटामेड मत्‍तस्के बूतिक वातोर, बूति एतालय होत्‍तुर, अस्‍के ओर्कु पोळ्‍दमेटा बूति दोर्कुता.

मरकुस 16:16

बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.

लूकाल 7:50

पजा, “निमे नावापोर्रो विस्वासम कीताहाटीं पेन नीकु मुक्‍ति हीता, निमे सांतिते होन,” इंचि येसु आ मुरतटुन इत्‍तोर.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 4:10

अस्‍के येसु, “ओक्‍कला निमे, पेनदा वरमतुन आनि उनालय एर हीम इंचि नीकुन तल्कानोर बोर आंदुरो, एरपाट कीसि मत्‍ते, निमेने कुद्‍दु नाकुन एर तल्किस मन्‍नेन, अस्‍के नना नीकु पिस्वर हियना एर हीसि मन्‍नेन,” इंचि इत्‍तोर.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

योहान 6:35

अस्‍के येसु ओर्क इल्‍हा वेहालय दल्‍गतोर, “पिस्वर हियना तिंडि ननाने आंदुन. नहगा बोर अय्ते वांतुर, ओर्क बस्‍केने करवेस्सो. बोर अय्ते नापोर्रो विस्वासम इर्रंतुर, ओर्क बस्‍केने दूपा आयो.

योहान 6:37

अयना बाबाल बोर-बोर्कुन अय्ते नाकु अप्‍पजेप्‍पंतोर, ओरे नहगा वांतुर. नहगा वायानोर्कुन नना बस्‍केने मलाहचि लोहोन.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:44

नाकुन लोहचीता बाबाल, बोना मनसुने अय्ते नहगा वायना इच्‍चातुन पुटसंतोरो, ओरे नहगा वांतुर. वेरे बोरे वाया परुर. आकिर रोजुने नहगा वातोर्कुन ननाने जीवाते तेहांतन.

योहान 6:65

पजा येसु, “नना मीकु वेहचि मत्‍तन गदा, बाबाल लोहवद बोरे नहगा वाया परुर इंचि. अदुनहाटींगे इव अन्‍नि पोल्‍लें नना मीकु वेहतन,” इंचि इत्‍तोर.

प्रेरितुल्‍कुना कबाह्‍क 13:39

मूसाना नियम हेंदाल मीकु पापाल्कुनाल मापि दोर्को, गानि येसुना पोर्रो विस्वास इर्रानुर अंटोर्क ओरा पापाल्कुनाल मापि दोर्कंता.

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 15:11

येसु सामिना कुर्पाते मनाकु मुक्‍ति दोर्कंता इंचि मनम नम्मंतोम गदा! अल्हेन ओर्कगुडा मुक्‍ति दोर्कंता इंचि विस्वासम मंता.” इंचि इत्‍तोर.

प्रेरितुल्‍कुना कबाह्‍क 16:14

अवुन लोप्पो उंदि लिदिया पोरोलता मुरतळ मत्‍ता. अद तुयतीरा सहरतद आंद. दान्क पेनदापोर्रो वेल्‍लेन विस्वासम मत्‍ता. अद वेल्‍लेन दराता नेडि पंडि रंगुना कपडिं अम्मुंदु. अद बेस मनसु दोस्‍सि मावा पोल्‍लें केंजसेके मत्‍ता. पौलुस वेहना पोल्‍लेन बेस केंजालय सामि दाना मनसुन तयार कीतोर.

प्रेरितुल्‍कुना कबाह्‍क 16:31

अस्‍के, “निमे येसु सामिना पोर्रो विस्वासम इर्रा, नीकु, नीवा लोते मत्‍तोर अंटोर्क मुक्‍ति दोर्कंता,” इंचि ओर इत्‍तुर.

रोम सहरतोरहाटीं पौलुसना सिट्‍टि 10:14

बोर अय्ते किरिस्‍तुनपोर्रो विस्वासम किया हिल्‍लुर, ओर ओना पोरोल बारि एतनुर? बोर अय्ते ओना बारेमते केंजा हिल्‍लुर ओर बल्हा विस्वासम कियानुर? बोर अय्ते ओर्क वेहानोर हिल्‍लुर, ओर बल्हा केंजानुर.

रोम सहरतोरहाटीं पौलुसना सिट्‍टि 10:17

इल्‍हा किरिस्‍तुना बारेमता बेसता कबुरतुन बोरन्‍ना वेहतेने केंजांतुर, केंजतेने विस्वासम किया परांतुर.

रोम सहरतोरहाटीं पौलुसना सिट्‍टि 4:16

अदुनहाटीं पेन अब्राहामुना वंसंमतोर्क अंटोर्क हीता पोल्‍ले विस्वासम कीतोर्कुंक दाना कुर्पाताहेंदाले दोर्कंता. इद सिराप मूसाना नियम परकारम ताकानोर्कुंके आयो गानि अब्राहामुनलेसीं विस्वासमते ताकानोर अंटोराहाटीं मंता. ओर मना अंटोरा बाबल आंदुर.

रोम सहरतोरहाटीं पौलुसना सिट्‍टि 4:5

गानि पेनदा मुन्‍ने बोरे मनकल बेसता कबाह्‍क कीसि नीतिमंतुड आयोर. पापिर्कुनगुडा मापि कियना पेनदापोर्रो विस्वासम इरतेने, अद ओन नीतिमंतुड कींता.

रोम सहरतोरहाटीं पौलुसना सिट्‍टि 9:16

इल्‍हा बोनपोर्रो दया किय्यना इंचि पेने निरनायम कींता. इद मनकना कय्‍दे हिल्‍ले. दान दोर्किच्‍कुननाहाटीं मनम बच्‍चोन कस्‍टम किय्‍यिना एर्तमे.

गलातिया 3:14

अब्राहामुंक पेन हीता आसिर्वाद येसु किरिस्‍तुनहेंदाल यहुदि आयवोर्कगुडा दोर्कना इंचि किरिस्‍तु मनाकुन पिसागोटतोर. दीनहेंदाल मनम ओनपोर्रो विस्वासम कीसि पेन हीता पोल्‍ले परकारम पवित्र आत्मातुन दोर्किच्‍कुना परंतोम.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

इपीसि 1:19

अचोने आयाका किरिस्‍तुन हामुरताल मर्रा जीवाते तेहाचि स्वर्गमते दाना तिना बाजुंक उपिच्‍नेंके पेन दाना पेद्‍दा ताकततुन हुपिस्‍ता. अय्ते मनम किरिस्‍तुन विस्वासम कियानोरम उंदि आयालयगुडा अदे पेद्‍दा ताकत दानागा मंता. पेनदा ताकत बस्‍केन मारो, इदुन पेन मीकु तेळियागोट्‍टि इंचि नना विनंति कीसेके मंतन.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

कुलुसि 2:12

अचोने आयाका, मिमेट बापतिस्मा एतताहेंका किरिस्‍तुनतोनि बोंदा दोस्‍ताप आतिट. हातोरव्टेटाल ओन जीवाते तेहाता पेनदा सक्‍ति पोर्रो मिमेट विस्वासम इरताहाटीं ओनतोनि जीवातेगुडा तेदतिट.

2 तेसलोनि 1:9

ओर सामिना मुन्‍नेटाल आनि ओना ताकतता महिमाताल लक्‍कु आसि ओर्क बस्‍केळ्‍क मनना नासडेमता सिक्‍सा आयार.

इब्रि 6:4

बोर अय्ते पेनदुन विस्वासम कीसि पजा आ विस्वासमताल पजोळ्क आंतुर, ओर्कुन मनम बल्हा मर्रा मलाहकोम? बारित्‍ते ओर्क अय्ते ओरा पिस्वरते उंदि मल्का वेल्‍गु दोर्किस मत्‍ता,

1 पत्रु 1:5

आकिरि रोजकुने पेन अंटोर्कुंक हुप्‍सालय तयार कीसि इरता मुक्‍ति, मीकु दोर्कनाहाटीं मीवा विस्वासम परकारम पेन मीकुन दाना बलमते कापाळसि स्वर्गमते इरसंता.