इपीसि 2:3 - पवित्र पोल्‍ले

³ मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

इपीसि 2:3 Iomraidhean Croise

मरकुस 4:19

गानि सम्‍सारमता रंदि, दनमता आस्‍ति, दिसतवंता गावाले इत्‍ता मनसु, इवन्‍नि मत्‍ताहाटीं पेनदा पोल्‍लेतुन ओनालोप्‍पो बेर्सा हिय्यों. पजा अद पोल्‍लेहेंदाल ओन्क बतल पायदा आयो.

योहान 1:13

पेनदा मर्क-मियाह्क आयमळ इत्‍ते मनकना पीटाल, मनकना इच्‍चा मत्‍ताप पुटमळ, मुय्दोना इच्‍चा मत्‍ताप पुटमळ आयो. गानि पेने ओर्कुन दाना संतानम कीकुंता.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

प्रेरितुल्‍कुना कबाह्‍क 14:16

मुन्‍नेटा कालमते पेन, अन्‍नि जातिना लोकुल्‍कुन ओरा इस्‍टमाताप ओर्कुन मोळ्‍का हीता.

रोम सहरतोरहाटीं पौलुसना सिट्‍टि 1:24

अदुनहाटीं ओरा मनसुने मत्‍ता बोगम विचाराल्कुन पूरा कीकुनालय पेन ओर्कुन होळसीता. अस्‍के ओर वरोना मेंदुल वरोंक कदर हिलाकोंटा बोगमतनाल्क कीतुर.

रोम सहरतोरहाटीं पौलुसना सिट्‍टि 11:30

यहुदि आयवोर मिमेट, मुन्‍ने पेनदा पोल्‍ले केंजाकोंदिर. गानि इंदके यहुदिल्क पेनदा पोल्‍लेतुन केंजवाहेंका पेन मीकुन दग्‍गेरा कीसि मीवापोर्रो दया कीता.

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

रोम सहरतोरहाटीं पौलुसना सिट्‍टि 2:14

यहुदि आयवोर्कुंक मूसाना नियम तेळियो. गानि ओक्‍कला ओरा मनसु मूसाना नियमते वेहताप मनानय्ते, ओर्क मूसाना नियम तेळियाकोन्‍ना गानि मूसाना नियम परकारम ताकतापे आंता.

रोम सहरतोरहाटीं पौलुसना सिट्‍टि 5:10

उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

रोम सहरतोरहाटीं पौलुसना सिट्‍टि 5:9

येसु सामिना नेत्‍तुरहेंदाल पेन मनाकुन नीतिमंतुल्क कीता. अदुनहाटीं पेनदा होंगुनाल मनाकुन तप्‍पाकोंटा ओनाहेंदाले पिसागोटमळ जर्गंता.

रोम सहरतोरहाटीं पौलुसना सिट्‍टि 6:12

अदुनहाटीं रोंड रोजकु पिस्सना मीवा पिस्वरते पापमता राज्येम वायाकोंटा जेगर्ता मंटु. इंका दाना सेड्‍डा आसेनाल लक्‍कु मंटु.

रोम सहरतोरहाटीं पौलुसना सिट्‍टि 7:18

नावा लोप्पो बदे बेसता पोल्‍ले हिल्‍ले इंचि नाकु एरपाटे मंता. बद अय्ते बेसतदो अदे कियना इच्‍चा नाकगुडा मंता, गानि अल्हा किया परसेक हिल्‍लेन.

रोम सहरतोरहाटीं पौलुसना सिट्‍टि 9:22

अल्‍हेने पेनदुकगुडा अद इनकुत्‍ताप कियना अदिकारम मंता. गानि नासडेम आसि होनानोर्कुन नासडेम कीसि पोहका ओप्के पीसि मत्‍ता.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

कुलुसि 1:21

दीनकन्‍ना मुन्‍ने मिमेट पेनदागटाल लक्‍कु मत्‍तिर, कराब कबाह्‍कुनाहेंदाल दाना पगातोर आसि मत्‍तिर.

1 तेसलोनि 4:13

विस्वासुल्‍कुनिटा! हातोरा बारेमते मीक तेळियाकोंटा मनमळ माक इस्‍टम हिल्‍ले. बदे आसे हिल्वोर दुक्‍कमते मनंतुर, गानि ओरालेसीं मिमेट मनमट.

1 तेसलोनि 5:6

अदुनहाटीं मनम वेरेतोरालेसीं मींडसि मनमळ आयो गानि तेल्‍विते, उसारते मंदकोम.

1 तिमोति 6:9

गानि सिरमंत आंतोम इनकुनना लोकुल्‍क कतरनाक परिक्‍साने, उर्रिने, अव्‍सरम हिल्वव वेल्‍लेन नुकसान कियनसोंटा इच्‍चाने हिरकंतुर. असोंटा इच्‍चां मनकालोर्कुन हेळाहचि नासडेम कींतां.

तीतु 3:3

मुन्‍ने मनमगुडा तेल्वि तक्‍कोतोरम, बोरदे पोल्‍ले केंजवोरम, वेरेतोरा पोल्‍लेने मुळ्‍गुतोरम, वेरे-वेरे इच्‍चां आनि सुकाल्कुना गुलामगिरि कीसेके मत्‍तोम. इंका होंगु-पगाते निंडिस मत्‍ता पिस्वर पिसुंदुम, कळकु पोत्‍तुमळ, वेरेतोर मनाकुन हय्साकोंदुर, मनमगुडा वरोंक-वरोर हय्साकोंदुम.

1 पत्रु 1:14

येसु किरिस्‍तुना बारेमते मीक तेळियवस्के मीलोप्‍पो मत्‍ता कराब अलवटकुना जोलिक होनाकोंटा, पोल्‍ले वेहते केंजाना पिलाल्कुनालेसीं मंटु.

2 पत्रु 2:14

ओरा कळ्‍क बोगमतनमते निंडिस मंतां. ओर पापम कियाका मन्‍ना पर्रुर. विस्वासमते गट्‍टिगा हिल्वोर्कुन नळेह कीसि पापमते अरहंतुर. ओरा मनसु आस्तिक अलवट आसि मंता. ओर सापनेमते मत्‍तोरा मर्क आंदुर,

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

1 योहान 2:16

बारित्‍ते दुनियाते मननव इत्‍ते, मेंदुल्ता इच्‍चा, कळ्‍कुना इच्‍चा आनि पिस्वरता गर्रा इव पेनबाबानगटाल वातव आयों. इव ई दुनियातवे आंदुं.

1 योहान 2:8

अयना नना उंदि पूना आदेसतुन मीकु रासेक मंतन. इद किरिस्‍तुना लोप्पो, मीलोप्‍पो सत्‍तेमते मंता. बारित्‍ते हीकट माय्‍सि होनालय आसंता, सत्‍तेमता वेलगु अय्ते मेर्सेकेन मंता.