इपीसि 2:12 - पवित्र पोल्‍ले

¹² अद कालमते मिमेट किरिस्‍तुनलोप्‍पो कलियका मत्‍तिर, मिमेट इस्राएल लोकुल्‍क आयवाहेंका मीकु पेनदा नियमाल्‍क दोर्का हिल्‍लें, करार्क कियाना बारेमते पेन हीता पोल्‍लेताल मीकुन लक्‍कु इरमळ जर्गता. मिमेट इद दुनियाते बदे आसे हिलुवा, पेन हिलुवा पिस्वर पिस्सेक मत्‍तिट.

इपीसि 2:12 Iomraidhean Croise

लूकाल 1:72

मावा एनकटा तादो-बाबुरापोर्रो दया कीतन इत्‍ता. ओरतोनि कीता पवित्र करारतुन बस्‍केने मति मरगोन इंचि इत्‍ता.

योहान 10:16

इद पोद्‍दितव आयवा गोर्रेंगुडा नहगा मंतां. नाकु अवुनगुडा तरानद मंता, अवगुडा नावा लेंग केंजनूं. अस्‍के अन्‍नि उंदे मंदा आसि मनंतां आनि अवुना मेहानोरगुडा वरोरे मनांतोर.

योहान 15:5

“ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

योहान 4:22

मिमेट सामरिया राज्येमतोर मीकु तेळियवादान मोळ्‍कंतिर. गानि मुक्‍ति यहुदिल्कुनाहेंदाले वासेक मंता. अदुनहाटीं मोमोट यहुदिल्क अय्ते माकु तेळियतदुने मोळ्‍कंतोम.

प्रेरितुल्‍कुना कबाह्‍क 2:39

ई पोल्‍ले मीहाटीं, मीवा पिलाल्‍कुनाहाटीं आनि बोर अय्ते लक्‍कु मत्‍तोर्कुन मना सामि आता पेन, दग्‍गेरा केयता ओरा अंटोराहाटीं हींता.” इंचि ओर्कु वेहतोर.

प्रेरितुल्‍कुना कबाह्‍क 28:20

ई पोल्‍लेन मीतोनि कलियसि वळ्कालय मीकुन केयतन. वरोर वायाना मंतोर इत्‍ता आसेते, इस्राएल लोकुल्‍क बोनद एदुर हूळसेक मत्‍तुर, ओर वातोर इंचि नना विस्वासम कीताहाटींगे नाक बेडीं अरतां,” इंचि पौलुस इत्‍तोर.

प्रेरितुल्‍कुना कबाह्‍क 3:25

‘नीवा वंसमतोराहेंदाल बूमि पोर्रोटोर्क अंटोर्क आसिर्वाद दोर्कंता’ इंचि पेन अब्राहामुनतोनि इत्‍ता. मिमेट अय्ते आ करार कीता एनकाटोरा आनि पेनदा कबुरतोरा पिलाल्क आंदिर.

रोम सहरतोरहाटीं पौलुसना सिट्‍टि 9:8

दीना अर्तम बतल इत्‍ते अब्राहामुना वंसंमते पुटतोर अंटोर पेनदा मर्क-मियाह्क आया परुर. गानि पेन हीता पोल्‍ले परकारम बोर अय्ते पुटतुर ओरे अब्राहामुना निजम मर्क-मियाह्कुना लेक्‍काते वांतुर.

गलातिया 4:8

दीनकन्‍ना मुन्‍ने मिमेट निजम पेनदुन एरपाट किया हिल्‍लिर, अदुनहाटीं अट्‍टि पेनकुना कय्‍दा हिळु मत्‍तिर.

इपीसि 2:19

अदुनहाटीं मिमेट इंदके परायतोर, वेरे देसेमतोर आयिर, गानि पवित्र लोकुल्‍कुनतोनि दंटाते कूळसि मननोर आनि पेनदा लोता लोकुल्‍क आंदिर.

इपीसि 4:18

ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

कुलुसि 1:21

दीनकन्‍ना मुन्‍ने मिमेट पेनदागटाल लक्‍कु मत्‍तिर, कराब कबाह्‍कुनाहेंदाल दाना पगातोर आसि मत्‍तिर.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

1 तेसलोनि 4:13

विस्वासुल्‍कुनिटा! हातोरा बारेमते मीक तेळियाकोंटा मनमळ माक इस्‍टम हिल्‍ले. बदे आसे हिल्वोर दुक्‍कमते मनंतुर, गानि ओरालेसीं मिमेट मनमट.

1 तेसलोनि 4:5

लालचते मनानोर पेनदुन एरपाट किय्युर, असंटोरतोनि इल्‍हा मनमळ आयापर्रो.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

1 तिमोति 1:1

इद सिट्‍टि पौलुसुनद आंद. मनम बोनपोर्रो अय्ते आसे पडसि मंतोम, आ किरिस्‍तु येसु आनि मनाकुन कापाळाना पेनदा आदेसताहेंदाल नना किरिस्‍तु येसुना प्रेरित आतन.

इब्रि 11:34

इंकिच्‍चुर लोकुल्‍क पोत्‍तना तडमितुन पिरहातुर, इच्‍चुर लोकुल्‍क तलवारकुना अय्दरताल तपिच्‍कुना परतुर, इंकिच्‍चुर बारे बलम हिल्वस्केगुडा बलमगल्‍लोर्क आतुर, लडाइने वीरूल्क आतुर आनि पराइ देसेमता सिपाइल्कुन गेद्‍मिसीतुर.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

इब्रि 8:6

गानि इंदके पेनदा पूना करारते माकुन कल्‍पानोर येसे आंदुर. इद करार, मुन्‍नेटा पडाना करारकन्‍ना बच्‍चोनो बेस मंता. अद बल्हा इत्‍ते, पूना करारते पेन वेहता पोल्‍लें, मुन्‍नेटा पडाना करारते मत्‍ता पोल्‍लेंकन्‍ना बच्‍चोनो बेस मंतां, इल्‍हा इद बूमिते मनना पेर्मालोर्कन्‍ना येसुंक वेल्‍ले बेस सेवा दोर्कता.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.