इपीसि 2:11 - पवित्र पोल्‍ले

¹¹ मिमेट यहुदि आयवोर इंचि मीवा कतना आयाहिल्‍ले. गानि बोरद अय्ते कतना मनकानाहेंदाल आतानो, ओर मोमोट कतना आतोरम, इंचि वेह्‍कुंतुर. मीकुन बारे, कतना आयवोर, इंचि कारेड्‍डाल्‍क कींतुर. अदुनहाटीं मिमेट बल्हा मनिंदिरो अदुन मति कीम्‍ट.

इपीसि 2:11 Iomraidhean Croise

मत्‍तयाल 20:7

अस्‍के, “माकुन बोरे बूतिक केया हिल्‍लुर, दानहेंके मोमोट नित्‍तिसि मंतोम दादा!” इंचि ओर इत्‍तुर. अस्‍के, “अल्हा अय्ते मिमेट इंका नावा अंगुर बगिचाते कबळ कियालय होंट,” इंचि आ मालक ओर्कुन वेहतोर. अस्‍के ओर होत्‍तुर.

रोम सहरतोरहाटीं पौलुसना सिट्‍टि 11:17

यहुदिल्क इत्‍ते पेन पोस कीता जय्‍तुन मराता कोम्मनसंटोर आंदुर. मिमेट यहुदि आयवोर इत्‍ते केडाते पुटसि-बेर्सता जय्‍तुन मराता कोम्मनसंटोर आंदिर. पेन पोस कीता मराताल सगोम कोम्मन रेब्बिस पोहताप पेन दान नम्मुवा यहुदिल्कुन पोहचीता. पोहचि, केडाते पुट्‍सि-बेर्सता जय्‍तुन मराता कोम्मन तच्‍चि रेब्बिस पोहता कोम्मना जेगाते अंटा वाटताप मीकुन ओरव्टे कल्‍पता. अल्हासि पेन पोस कीता मराता हिह्कुनाल मीकु ताकत दोर्कसंता.

रोम सहरतोरहाटीं पौलुसना सिट्‍टि 2:26

बोरन्‍ना कतना कियवोर गिंटा मूसाना नियम परकारम ताकते, ओर कतना कियाकोन्‍नागानि पेनदा नदरते कतना कीतोना लेक्‍कातेन वांतोर.

रोम सहरतोरहाटीं पौलुसना सिट्‍टि 2:27

मूसाना नियम मिहगा मंचि दाना परकारम कतना आसिगुडा मिमेट नियम परकारम ताकसेक हिल्‍लिर. अदुनहाटीं बोरद अय्ते कतना आयाहिल्‍ले, यहुदि आयवोर, मूसाना नियम मत्‍ताप ताकानोर मीपोर्रो दोसेम दोस्‍सनुर.

1 कुरेंति 12:2

मिमेट पेनदुन विस्वासम कियाका मुन्‍ने, वळ्कवा बोम्मान मोळ्‍कानाहाटीं मीक बल्हा वेहते, मिमेट अल्हे ताकिंदिर.

1 कुरेंति 6:11

मुन्‍ने मीवा नड्‍डुम इच्‍चुर इल्हे मत्‍तिर. गानि मिमेट येसु किरिस्‍तुना पोरोलते आनि पेनदा आत्माते नोर्कुंचि, पवित्र आसि नीतिमंतुल्क आतिर.

गलातिया 2:15

बोर्कुन अय्ते मना यहुदिल्क पापिर्क इंचि इंतुर आ जातिते मनम पुट्‍टा हिल्‍लोम, मनम पुटतस्केटाल यहुदिल्कुमे.

गलातिया 6:12

नालुरा मुन्‍ने नना बेसतोन इंचि हुप्‍सानोर, ओरे मीकुन कतना कियागोम इंचि बल्‍मि कींतुर. इल्‍हा बारि कींतुर इत्‍ते, किरिस्‍तुना क्रुसताहेंका वायाना तकलिपताल तपिच्‍कुननाहाटीं ओर इल्‍हा कींतुर.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

इपीसि 5:8

उंदास्के मिमेट हीकटते पिस्सेक मत्‍तिर. गानि सामिनपोर्रो बरोसा इरताहाटीं इंदके मीकु पेनदा वेलगु दोर्कता. अदुनहाटीं वेलगुने पिस्‍सानोरा संतानमलेह्का ताकट.

पिलिपिया 3:3

गानि मनकालोरा कबाह्कुनपोर्रो बरोसा इरताहेंका मनाकु मुक्‍ति दोर्कता इंचि आयो. येसु सामि मनाकुन पिसागोटतोर इंचि ओन्क मनम बस्‍केळ्‍क कदर हींतोम. अदुनहाटीं पेनदा आत्मा वेहताप दान मोळ्‍कानोरम मनमे निजम कतना आतोरम आंद, ओर आयुर.

कुलुसि 1:21

दीनकन्‍ना मुन्‍ने मिमेट पेनदागटाल लक्‍कु मत्‍तिर, कराब कबाह्‍कुनाहेंदाल दाना पगातोर आसि मत्‍तिर.

कुलुसि 2:11

मीवा मेंदुल्ता पापाल्क पायताहाटीं ओनालोप्‍पो मीकुन कतना कियमळ जर्गता. अद कतना कय्‍दे कीतद आयो गानि किरिस्‍तुनलोप्‍पो कीतद आंद.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

कुलुसि 3:11

इवने युनानि आयिर, यहुदि आयिर, कतना कीतोर आयिर, कतना कियवोर आयिर, केडाते मनानोर आयिर, स्‍कूति जातितोर्क आयिर, दासुड आयिर, दासुड आयवोर आयिर ईरा लोप्पो बतल तेडा हिल्‍ले. किरिस्‍तु अन्‍निने, अंटोर लोप्पो मनंतोर.