इपीसि 2:1 - पवित्र पोल्‍ले

¹ मुन्‍ने मिमेट तप्‍पु कबाह्‍क कीसि, पापाल्क कीसि आत्माते हासि मत्‍तिर. गानि मीकुनगुडा किरिस्‍तु जीवाते तेहातोर.

इपीसि 2:1 Iomraidhean Croise

मत्‍तयाल 8:22

गानि, “हिल्‍ले, निमे इंदकेन नावा पज्जो वा. बोर अय्ते हाताप मंतुरो, ओरे ओरा हातोरा गति किय्‍यिर,” इंचि येसु ओन इत्‍तोर.

लूकाल 15:24

बारित्‍ते, नावा मर्रि नहागटाल वेल्‍लेन लक्‍कु होंचि हासोत्‍ताप मत्‍तोर, इंदके ओर मल्सि वातोर. तप्‍सोंचि मत्‍तोर गानि इंदके दोर्कतोर, इंचि इत्‍तोर. इल्‍हा ओर कूस आयालय दल्‍गुतुर.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

योहान 10:10

दोंगाल्क सिराप दोंगा कियालय, हव्कालय, नासडेम कियालये वांतुर. गानि नना नावा गोर्रेंकु पिस्वर हियालय वातन. अदगुडा पुरागा पिस्वर हियालय वातन.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 5:25

नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

रोम सहरतोरहाटीं पौलुसना सिट्‍टि 8:2

बारित्‍ते पेनदा आत्माता नियम येसु किरिस्‍तुनाहेंदाल मनाकु पूना पिस्वर हीता. मनाकुन पापम आनि हामुरता नियमताल तपिस्ता.

1 कुरेंति 15:45

दर्मसास्‍त्रमते इदुना बारेमते, “मोट्‍टा मोदाटा जीवाता मनकल आदाम आतोर” इंचि रासि मंता. आकिर आदाम, इत्‍ते किरिस्‍तु, पिस्वर हियना आत्मा आतोर.

2 कुरेंति 5:14

किरिस्‍तु अंटोराहाटीं हातोर इंचि मोमोट विस्वासम कींतोम. इंका मावा अंटोरा पळाना पिस्वरगुडा हाता इंचि विस्वासम कींतोम. अदुनहाटीं किरिस्‍तुना पावरम माकुन ओप्‍केते इरसेक मंता.

इपीसि 4:18

ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

इपीसि 5:14

अदुनहाटींगे मरि, “अरे निद्राते मनानोना, हातोराव्टेटाल तेदसि उद्‍दा. किरिस्‍तुना वेलगु नीपोर्रो मेर्संता,” इंचि रासि मंता.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

1 तिमोति 5:6

गानि बद मुरतळ अय्ते सिराप सुकमता आसेते पिसंता, अद मुरतळ पिस्सि मंचिगुडा हाता लेक्‍कातेन वांता.

1 योहान 3:14

मनम मना दंटाता विस्‍वासुल्‍कुन पावरम कींतोम. अदुनहाटीं मनम हामुरताल पेय्सि पिस्वरते वातोम, इंचि मनाकु एरपाट मंता. बोर अय्ते पावरम किय्योर ओर हातोनलेसीं मंतोर.

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.