इपीसि 1:6 - पवित्र पोल्‍ले

⁶ दाना पावरमगल्‍ला मर्रि मनाहाटीं कीतदुन पीसि, अद मनापोर्रो लेक्‍का परवच्‍चोन कुर्पातुन पुक्‍कटते कुम्मरिच्‍ता. अदुनहाटीं मनम पेनदा महिमाता स्‍तुति कीकोम.

इपीसि 1:6 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मत्‍तयाल 20:9

पोळ्‍दु अर्रालय गंटामेड मत्‍तस्के बूतिक वातोर, बूति एतालय होत्‍तुर, अस्‍के ओर्कु पोळ्‍दमेटा बूति दोर्कुता.

मत्‍तयाल 3:17

अस्‍केन स्वर्गमताल, “ईर ना पावरमगल्‍ला मर्रि आंदुर. ईर इत्‍ते नाकु बच्‍चोनो संबरम,” इंचि उंदि अल्किर केंजावाता.

लूकाल 2:14

“स्वर्गमते पेनदा कदर आयि, बूमिपोर्रो अद पावरम कीता लोकुल्‍कुंक सांति दोर्किकांटी,” इंचि इनालय दल्‍गतां.

योहान 10:17

नना हासि मर्रा जीवाते तेदंतन इंचि नना नावा जीवा हीसंतन, इदुनहाटींगे नावा बाबाल नाकुन वेल्‍लेन पावरम कींतोर.

योहान 3:35

पेन बाबल ओना मर्रिन इरगा पावरम कींतोर, इंचि मर्रिना कय्‍दुक अन्‍नि अप्पजेपतोर.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

2 कुरेंति 4:15

पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इपीसि 1:12

मनम बोर अय्ते मुन्‍नेटाले किरिस्‍तुनपोर्रो आसे इरतोम, दाना महिमातुन तल्‍सकुनागोम इंचि दाना विचारम मंता.

इपीसि 1:14

पेन बोर्कुन अय्ते अस्‍कुत्‍ता ओरा मुक्‍तिहाटीं, दाना पवित्र आत्मातुन वारसान हक्‍कता उंदि इसारालेसीं मनागा इरता. अदुनहाटीं लोकुल्‍क दाना महिमातुन तल्‍सकुंतुर.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

पिलिपिया 4:19

नना सेवा कियना पेनदागा मनाकु गावाले मत्‍तादुंकन्‍ना एक्‍को संपत्‍ति मंता. अदुनहाटीं मनाकु बतल अव्‍सरम मनिनागानि, मनम किरिस्‍तु येसुना लोकुल्‍क आताहाटीं पेने दाना महिमाहेंदाल अदुन पूरा कींता.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.