इपीसि 1:5 - पवित्र पोल्‍ले

⁵ पेनदा पावरमता पिलान परकारम, येसु किरिस्‍तुनाहेंदाल मनम दाना पिलाल्क आयाना इंचि अद मनाकुन मुन्‍नेन पेरता. ई पिलान पेनदा इच्‍चा परकारम मत्‍ता इंचि पेनदुक इल्‍हा कियमळते कुसि दोर्कता.

इपीसि 1:5 Iomraidhean Croise

मत्‍तयाल 1:25

अय्नागानि अद एर पूरानाल ओर दानतोनि मींडा हिल्‍लोर. ओर पेडन पोरोल येसु इंचि दोसतोर.

मत्‍तयाल 11:26

हो बाबा! नीकु इदे बेस अनपिस्ताहाटीं निमे इल्‍हा कीतिन.”

लूकाल 10:21

अस्‍केने येसु पवित्र आत्माते निंडसि कूस आसि इल्‍हा इत्‍तोर, “ए नावा बाबा, बूमि आनि स्वर्गमता सामि, तेल्‍विगल्‍लोर्क आनि समजदार लोकुल्‍कुनगटाल इव पोल्‍लें मक्‍किचि इरतिन, सादा-सिंपल लोकुल्‍कुंक बारे इव पोल्‍लें हुपिस्‍तिन, इंचि नना नीवा स्‍तुति कीसेक मंतन. हो बाबा! नीकु इदे बेस अनपिस्ताहाटीं निमे इल्‍हा कीतिन.

लूकाल 11:32

योनाल वेहता कबुर केंजसि निनवे सहरतोर अय्ते ओरा मनसु मार्सकुत्‍तुर. गानि हुळाट, योनांकन्‍ना पेद्‍दोड इंदके मी मुन्‍ने नित्‍तिसि मंतोर. अय्नागानि मिमेट मनसु मार्सकुंचेके हिल्‍लिर. अदुनहाटीं आकिर न्‍यायमता रोजुने निनवे सहरतोर नित्‍तिसि इद पीळिता लोकुल्‍कुनपोर्रो दोसेम दोस्‍सनुर.”

लूकाल 12:32

“अरे नावा सिस्युल्कुनिटा, ‘मीवा पेनबाबाल ओना राज्येमतुन मीकु हियालय वेल्‍लेन कुसिते तयार मंतोर. अदुनहाटीं मोमोट वेल्‍ले मंदि हिल्‍लोम’ इंचि वेरियमट.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 20:17

अस्‍के येसु, “इदवेरदाका नना बाबानगा होना हिल्‍लेन. निमे नाकुन इट्‍टुमा, गानि नावा तम्मुह्कुनगा होंचि इल्‍हा वेहा: नना नावा बाबाल आनि मीवा बाबाल, इंका नावा पेन आनि मीवा पेनदागा पोर्रो होंचंतन, इंचि ओर्क वेहा,” इंचि दानकु वेहतोर.

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

रोम सहरतोरहाटीं पौलुसना सिट्‍टि 8:23

पेन पुटिस्तवे आयाका, पेनदाहेंदाल मोदाटा पलम इंचि आत्मा दोर्कतोरम मनमगुडा, दाना मर्क-मियाह्क आयालय मना कराब मेंदुलतुन होळसिसि पूना मेंदुल बस्के दोर्कार इंचि तनलाळसेक मंतोम.

1 कुरेंति 1:1

नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

2 कुरेंति 6:18

नना मीवा बाबान आकन, मिमेट नावा मर्क-मियाह्क आकिट इल्‍हा पेद्‍दा सक्‍तिमंतुड पेन इंता,” इंचिगुडा रासि मंता.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

इपीसि 1:11

पेन अन्‍निटवुन दाना इच्‍चा मत्‍ताप पिलान कीसि ताकसंता. अदे पिलान परकारम मनाकुन पेनदा लोकुल्‍क इंचि मुन्‍नेने किरिस्‍तुना लोप्पो पेरमळ जर्गता.

इपीसि 1:9

पेन मुन्‍नेने निरनायम कीता, दाना इच्‍चा परकारम मत्‍ता मर्ममता पिलानतुन, मनाकु किरिस्‍तुनाहेंदाल कुल्‍ला कीसि वेहता.

कुलुसि 1:19

बारित्‍ते ओनालोप्‍पो पेनदा गुनम पूरा निंडसि मत्‍तेने बाबो कूस मनंतोर.

2 तेसलोनि 1:11

इदुनहाटीं, मना पेन मीकुन बताहाटीं अय्ते केयता अदुनलायक मिमेट मनालय, अन्‍नि बेसता कबाह्‍क पूरा कियालय आनि विस्वासमतव पूरा कबाह्‍क पेनदा ताकततोनि पूरा आयालय मोमोट मीवाहाटीं बस्‍केळ्‍क पारतना कीसेके मंतोम.

इब्रि 2:4

अचोने आयका पेनगुडा चिन्‍हां, इचंत्रमता कबाह्‍क, तीराता अद्‍बूताल्‍क आनि पवित्र आत्माता वराल्‍क दाना इच्‍चा परकारम दाना बक्‍तुल्कुंक हीसि, ई मुक्‍तिता बारेमते गवाइ हीसेक मत्‍ता.

1 योहान 3:1

हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

पेन हुपिस्‍ता पोल्‍लें 21:7

गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.