इपीसि 1:4 - पवित्र पोल्‍ले

⁴ अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 1:4 Iomraidhean Croise

मत्‍तयाल 24:22

ओक्‍कला पेन अव रोजकुन तक्‍को कियाकोंटा मंचि मत्‍ते, बोरे पिसाकोन्‍नेर. गानि पेर्कुत्‍ता लोकुल्‍कुनाहाटीं पेन अव रोजकुन तक्‍को किय्‍यार.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 24:31

अस्‍के तूताकोमता पेद्‍दा आवाजुनतोनि, नना नावा दूतन बूमिपोर्रो लोहांतन. आ दूतां बूमिपोर्रो नालुं मूलानाल, मब्बुना ई कोस्‍साताल अय्ते आ कोस्‍सादाका नना पेर्कुत्‍ता लोकुल्‍कुन जमा कींतां.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

योहान 10:16

इद पोद्‍दितव आयवा गोर्रेंगुडा नहगा मंतां. नाकु अवुनगुडा तरानद मंता, अवगुडा नावा लेंग केंजनूं. अस्‍के अन्‍नि उंदे मंदा आसि मनंतां आनि अवुना मेहानोरगुडा वरोरे मनांतोर.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

प्रेरितुल्‍कुना कबाह्‍क 15:18

पेन कुद इदुन बारेमते वेल्‍लेन रोजकु मुन्‍ने वेहचि मत्‍ता.”

प्रेरितुल्‍कुना कबाह्‍क 18:10

इद सहरते नावा वेल्‍लेन लोकुल्‍क मंतुर, ननागुडा नीवातोनि मंतन. नीवा पोर्रो बोरे कय तेहुर नीकुन बोरे तकलिप किय्युर,” इत्‍तोर.

रोम सहरतोरहाटीं पौलुसना सिट्‍टि 8:33

कुद्‍दु पेने मनाकुन पेरसि नीतिमंतुल्क कीता. अय्ते मनापोर्रो दोसेम दोस्सानोर बोर आंदुर?

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

इपीसि 4:2

दीना अर्तम बतल इत्‍ते, मिमेट सादा सिंपल मनना, बोर बतल इनिनागानि ओप्के पीसि मनना, वरोंक-वरोर ओर्सकुंचेके पावरमते पिस्‍सट.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:27

अस्‍के अद पवित्र आनि दोसेम हिलाकोंटा आंता. पजा दान बदे कसुरता डाग हिलुवा, पापमता मच्‍चा हिलुवा इंका बदे तप्‍पु हिलुवा जगाजगा मेर्सना कलिसिया कीसि, ओना दग्‍गेरा निल्‍हाकुंतोर.

पिलिपिया 2:15

अस्‍के मिमेट बतले दोसेम हिलवा बेस लोकुल्‍क आकिट. तप्‍पुड कबाह्‍क किय्‍याना ई दुनियाता लोकुल्‍कुना नड्‍डुम आनि पापि लोकुल्‍कुना नड्‍डुम मिमेट बतले दोसेम हिलवोर आसि पेनदा मर्क-मियाह्कुनलेसीं मंदकिट. इंका मिमेट हीकटते पिस्वर पिस्सना लोकुल्‍कुना नड्‍डुम पोत्‍तना वेडसीलेसीं दिसकिट.

कुलुसि 1:22

इंदके मीकुन पेनदा मुन्‍ने पवित्र, डाग हिलाकोंटा, दोसेम हिलाकोंटा निल्‍हागोम इंचि ओर ओना हामुरहेंदाल मीवा मेंदुल्ता हव्‍वितुन ओना मेंदुल्ते कल्‍पकुत्‍तोर.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

कुलुसि 3:12

पेन मीकुन पवित्र आनि पावरमगल्‍ला लोकुल्‍कुनलेसीं पेर्कुत्‍ता. अदुनहाटीं दया कियमळते, पायदा कियमळते, सिन्‍नागासि मनमळते, सादा-सिंपल मनमळते ओप्के पीसि ताकट.

1 तेसलोनि 3:12

मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

1 तेसलोनि 4:7

बारित्‍ते पेन मनाकुन पवित्र मनालय केयता, कराब मनालय आयो.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:19

गानि पेन दोहता पुनादि बस्‍केळ्‍क नित्‍तिसि मनंता. अद पुनादिपोर्रो, “सामिंक ओना लोकुल्‍क बोर आंदुर, ओन्क एरपाटे,” आनि “सामिना पोरोल एताना हरेक मनकल, तप्‍पुड कबाह्कुनाल लक्‍कु मनगोम,” इंचि सिक्‍का वाटसि मंता.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

1 पत्रु 1:20

दुनिया पुट्‍टका मुन्‍नेन किरिस्‍तुन पेन पेरता, गानि मीवाहाटीं इव आकिर रोजकुने ई दुनियाते वातोर.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.

1 योहान 4:16

पेन माकुन पावरम कीता इंचि इंदके तेल्‍पिचकुत्‍तोम. माकु दानपोर्रो विस्वासमगुडा मंता. पेन पावरम आंद. अदुनहाटीं बोर अय्ते पावरम कींतोर, ओर पेनदा लोप्पो मनंतोर, पेन ओनालोप्‍पो मनंता.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.