इपीसि 1:15 - पवित्र पोल्‍ले

^15-16 अदुनहाटीं बस्केटाल अय्ते नना, सामि येसुना पोर्रोटा मीवा विस्वासम बारेमते आनि पवित्र लोकुल्‍कुन मिमेट बेस पावरमते हूळांतिर इत्‍तदुना बारेमते केंजतन, अस्‍केटाल नना नावा पारतनाते मीकुन मति कीसेके, मीवाहाटीं पेनदुक बस्‍केळ्‍क दन्यवाद वेहासेक मनंतन.

इपीसि 1:15 Iomraidhean Croise

प्रेरितुल्‍कुना कबाह्‍क 20:21

पापाल्कुनाल मनसु मार्सकुंचि पेनदाहाटीं पिस्‍सट, अल्‍हेने मना येसु सामिना पोर्रो विस्वासम कीम्‍टु इंचि नना यहुदिल्कुंक, युनानि लोकुल्‍कुंक गवाइ हीसि वेहुंदुन.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 1:1

नना पौलुसुन, पेनदा इच्‍चा परकारम, किरिस्‍तु येसुना प्रेरितुन आतन. इपीसि सहरते मनना किरिस्‍तु येसुन विस्वासम कियाना पेनदा लोकुल्‍कुंक नना इद सिट्‍टि रासेक मंतन.

इपीसि 3:18

पेनदा लोकुल्‍कुनतोनि मीकुगुडा किरिस्‍तुना पावरमता नेरवुन, पोड्‍गुन, एत्‍तुन आनि लोतुन तेल्‍पिचकुनना ताकत दोर्कि.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 4:9

इंदके वरोंक-वरोर पावरम कियमळ मिमेट पेनदाहेंदाले करियतिर. अदुनहाटीं दादाल-तम्मुह्कुनालेसीं मिमेट वरोंक-वरोर पावरम कीम्‍टु इंचि रासनद अव्‍सरम हिल्‍ले.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

1 तिमोति 1:5

ई आदेसता उद्‍देसम, पवित्र गुंडेताल, मनसुना बेस पोल्‍लेताल आनि निजम विस्वासमताल पुट्‍टना पावरम आंद.

इब्रि 6:10

बारित्‍ते, पेन अन्‍यायम कियानद आयो. दाना पोरोलते मिमेट कियाना बेस कबाह्‍कुन, दाना पवित्र लोकुल्‍कुनपोर्रो मिमेट हुपिस्‍ता पावरमतुन आनि कीसेके मनना सहायमतुन अद बस्‍केने मति मर्गो.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 योहान 3:17

गानि बोनागन्‍ना वेल्‍लेन दनम-संपत्‍ति मंचि, ओना दादांको, तम्मुंको अवसरम मंता इत्‍तद तेळियसिगुडा ओना जीवा नोय्याकोंटे, ओनगा पेनदा पावरम मंता इंचि बल्हा इनकोम?

1 योहान 4:21

पेनदाहेंदाल मनाकु इदु आदेस दोर्कता. बोर अय्ते पेनदुन पावरम कींतोर, ओर ओना दादानगुडा पावरम कियाना.