इपीसि 1:14 - पवित्र पोल्‍ले

¹⁴ पेन बोर्कुन अय्ते अस्‍कुत्‍ता ओरा मुक्‍तिहाटीं, दाना पवित्र आत्मातुन वारसान हक्‍कता उंदि इसारालेसीं मनागा इरता. अदुनहाटीं लोकुल्‍क दाना महिमातुन तल्‍सकुंतुर.

इपीसि 1:14 Iomraidhean Croise

लूकाल 21:28

इल्‍हा जर्गमळ सुरुव आतस्के मिमेट अंटोर मीवा तल्‍ला तेह्‍चि पोर्रोळ्‍क हुळट. बारित्‍ते पेन मीकु मुक्‍ति हियाना वेला दग्गेर्क एवसेकेन मंता.”

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

प्रेरितुल्‍कुना कबाह्‍क 20:32

इंदके नना मीकुन पेनदा कय्‍दे आनि दाना कुर्पाता कबुरता कय्‍दे अप्‍पजेपंतन. मीकुन बेस बेरसागोटना ताकत अद कबुरते मंता. पेन पवित्र कीता अंटोर लोकुल्‍कुना लोप्पो मीकुनगुडा वारसदार किया पर्रंता.

रोम सहरतोरहाटीं पौलुसना सिट्‍टि 8:23

पेन पुटिस्तवे आयाका, पेनदाहेंदाल मोदाटा पलम इंचि आत्मा दोर्कतोरम मनमगुडा, दाना मर्क-मियाह्क आयालय मना कराब मेंदुलतुन होळसिसि पूना मेंदुल बस्के दोर्कार इंचि तनलाळसेक मंतोम.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

2 कुरेंति 1:22

पेन मनापोर्रो सिक्‍का वाटता अल्‍हेने गेरंटितालेसीं मनालोप्‍पो दाना पवित्र आत्मातुन इरता.

2 कुरेंति 5:5

इदे मेंदुलताहाटीं पेन माकुन तयार कीता. इद गेरांटि इंचि मावा लोप्पो पवित्र आत्मातुन हीता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

इपीसि 1:11

पेन अन्‍निटवुन दाना इच्‍चा मत्‍ताप पिलान कीसि ताकसंता. अदे पिलान परकारम मनाकुन पेनदा लोकुल्‍क इंचि मुन्‍नेने किरिस्‍तुना लोप्पो पेरमळ जर्गता.

इपीसि 1:12

मनम बोर अय्ते मुन्‍नेटाले किरिस्‍तुनपोर्रो आसे इरतोम, दाना महिमातुन तल्‍सकुनागोम इंचि दाना विचारम मंता.

इपीसि 4:30

मुक्‍तिता रोजुनदाका, “ईर ना लोकुल्‍क” इंचि पेन मीपोर्रो उंदि सिक्‍का तंचि इर्ता. अदुनहाटीं मिमेट दाना पवित्र आत्माकु दुक्‍कम वायाकोंटा पिस्‍सट.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.