इपीसि 1:11 - पवित्र पोल्‍ले

¹¹ पेन अन्‍निटवुन दाना इच्‍चा मत्‍ताप पिलान कीसि ताकसंता. अदे पिलान परकारम मनाकुन पेनदा लोकुल्‍क इंचि मुन्‍नेने किरिस्‍तुना लोप्पो पेरमळ जर्गता.

इपीसि 1:11 Iomraidhean Croise

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

प्रेरितुल्‍कुना कबाह्‍क 2:23

पेनदा उंदि पिलान आनि तेल्वि परकारमे येसुन मीवा कय्‍दे हियमळ जर्गुता. मिमेट सेड्‍डा मनकालोर्कुना सायता पीसि ओन क्रुस पोर्रो मोल्‍लां कोह्‍किसि हव्कतिर.

प्रेरितुल्‍कुना कबाह्‍क 20:27

बारित्‍ते नना पेनदा पूरा इच्‍चातुन मीकु वेहालय बस्‍केने पजोळ्क होना हिल्‍लेन.

प्रेरितुल्‍कुना कबाह्‍क 20:32

इंदके नना मीकुन पेनदा कय्‍दे आनि दाना कुर्पाता कबुरता कय्‍दे अप्‍पजेपंतन. मीकुन बेस बेरसागोटना ताकत अद कबुरते मंता. पेन पवित्र कीता अंटोर लोकुल्‍कुना लोप्पो मीकुनगुडा वारसदार किया पर्रंता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

प्रेरितुल्‍कुना कबाह्‍क 4:28

बारित्‍ते नीवा ताकत नीवा इच्‍चाते इल्‍हा जर्गना इंचि निमे मुन्‍नेने निरनायम कीतिन. अल्‍हेने जर्गसि पूरा आता.

रोम सहरतोरहाटीं पौलुसना सिट्‍टि 11:34

दर्मसास्‍त्रमते इल्‍हा रासि मंता: “पेनदा विचाराल्कुन बोर एरपाट किया परंतोर? पेनदुक बोरन्‍ना बुद्‍दि वेहा परांतोरा?

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

रोम सहरतोरहाटीं पौलुसना सिट्‍टि 8:29

बारित्‍ते “बोर-बोर नापोर्रो विस्वासम कींतुर” इंचि पेन मुन्‍नेटाले एरपाट कीसि मत्‍ता. दाना मर्रि येसु, ओर अंटोरा दादाल आयगोम इंचि पेन ओर्कुन येसुनसंटोर आयानाहाटीं पेरता.

रोम सहरतोरहाटीं पौलुसना सिट्‍टि 8:30

बोर-बोर्कुन अय्ते पेन पेरता ओर्कुन दाना हर्दे ताकालय केयता. इंका बोर-बोर्कुन दाना हर्दे ताकालय केयता ओर्कुन नीतिमंतुल्क कीता. इल्‍हा नीतिमंतुल्क कीतोर्कुंक वेल्‍लेन कदरगुडा हीता.

रोम सहरतोरहाटीं पौलुसना सिट्‍टि 9:11

गानि आ पिलाल्क पुट्‍टका मुन्‍नेन, ओर बद्‍दे मंचि-सेड्‍डा किय्यका मुन्‍नेन पेन रेबेकांकु, “मुन्‍ने पुट्‍टना पेडल पज्जो पुट्‍टनोना सेवा कियानुर,” इंचि वेहचि मत्‍ता. पेन मनकालोर्कुन ओर कीता कबाह्‍कुन पोर्रोटाल केयो, गानि दाना इच्‍चा मत्‍ताप ओर्कुन केयंता, इंचि मनाकु दीनहेंदाल तेळियता.

गलातिया 3:18

ओक्‍कला वारसान हक्‍क गिंटा मूसाना नियमतुन पीसि ताकताहेंका दोर्कता इनानय्ते, अद पेन हीता पोल्‍ले परकारम दोर्कतद आयो. गानि अब्राहामुंक अय्ते अद पेन हीता पोल्‍ले परकारमे दोर्कता.

इपीसि 1:14

पेन बोर्कुन अय्ते अस्‍कुत्‍ता ओरा मुक्‍तिहाटीं, दाना पवित्र आत्मातुन वारसान हक्‍कता उंदि इसारालेसीं मनागा इरता. अदुनहाटीं लोकुल्‍क दाना महिमातुन तल्‍सकुंतुर.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 1:5

पेनदा पावरमता पिलान परकारम, येसु किरिस्‍तुनाहेंदाल मनम दाना पिलाल्क आयाना इंचि अद मनाकुन मुन्‍नेन पेरता. ई पिलान पेनदा इच्‍चा परकारम मत्‍ता इंचि पेनदुक इल्‍हा कियमळते कुसि दोर्कता.

इपीसि 1:8

अद मना बुद्‍दिक, तेल्‍विक हालानाल दाना दया हियमळ जर्गता.

इपीसि 1:9

पेन मुन्‍नेने निरनायम कीता, दाना इच्‍चा परकारम मत्‍ता मर्ममता पिलानतुन, मनाकु किरिस्‍तुनाहेंदाल कुल्‍ला कीसि वेहता.

इपीसि 3:11

मुन्‍नेटाले पेन इल्‍हा कियाना विचारमते मत्‍ता. इंदके मना सामि किरिस्‍तु येसुनाहेंदाल पुरागा कीता.

कुलुसि 1:12

अदुनहाटीं पेनबाबांक मिमेट दन्यवाद कीम्‍टु. ओर मनाकुन वेलगुने मंदना पेनदा लोकुल्‍कुना वारसानहक्‍कुते तूस एताना लायक कीतोर. मनाकुन हीकटता कय्‍दाल इळबळिच्‍चि ओना पावरमगल्‍ला मर्रिना राज्येमते होळाहतोर.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

तीतु 3:7

ओर इल्‍हा बारि कीतोर इत्‍ते, मनम ओना कुर्पाहेंदाल नीतिमंतुल्क आयगोम आनि बस्‍केळ्‍क पिस्सना पिस्वरता आसेते मनम ओना वारसदार्क आयाना इंचि.

इब्रि 6:17

पेन दाना पिलानतुन बस्‍केने मार्सो इत्‍ता संगति, अद पोल्‍ले हीतोर्कुंक बेस तेळियाना इंचि पेनदा इच्‍चा मंता. अदुनहाटीं अद अल्हा ओट्‍टु तिंचि दाना पोल्‍लेता गेरांटि हीता.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

1 पत्रु 1:4

इंका अद बस्‍केने नासडेम आयवद, तप्पु हिलवद आनि कर्गुवसोंटा वारसान हक्‍क स्वर्गमते मीवाहाटीं इर्सि मंता.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.