कुलुसि 4:8 - पवित्र पोल्‍ले

⁸ ओर मावा बारेमते अन्‍नि पोल्‍लें मीक तेळियागोट्‍सि मीवा मनसुकुंक दैरनेम हियाना उद्‍देसमते नना ओन मीहेके लोहतन.

कुलुसि 4:8 Iomraidhean Croise

1 कुरेंति 4:17

इदे पोल्‍ले वेहनाहाटीं नना पावरम कियानोर आनि सामिना लोप्पो नावा विस्वासमगल्‍ला मर्रिनसंटोर तिमोतिन मिहगा लोहतन. नना किरिस्‍तु येसुना बक्‍तिते बल्हा ताकसेक मंतानो, अल्‍हेने अन्‍नि जेगाना कलिसियाने नना कराहना बोदाता बारेमते ओर मीक मति कीसि हींतोर.

2 कुरेंति 1:4

मनम इंकावरोंक सांति हियागोम इंचि पेन मनाकु अन्‍नि तकलिपकुने सांति हीसेक मंता. बोर अय्ते तकलिपते मंतुर, पेन मनाकु हीता सांतितुने मनम ओर्क हिया परगोम इंचि दाना इच्‍चा मंता.

2 कुरेंति 12:18

नना तीतुन मिहगा होन इंचि विनंति कीसि, ओनतोनि वरोर दादानगुडा लोहतन. तीतु कपटमते मीहेंदाल बतलन्‍ना पायदा एततोरा? अल्हा एतोर. नना आनि तीतु इव्वुरोम उंदे आत्माते, उंदे रीतुने ताकंतोम.

2 कुरेंति 2:7

अदुनहाटीं ओन्क इंका सिक्‍सा हियाका, मापि कीसि, समजांचटु. अल्हा कियाकोंटे ओर इंका एक्‍को रंदि कीसेक मनंतोर.

इपीसि 6:22

मावा परिस्तिति बल्हा मंता इद मीकु तेळियागोम आनि मी अंटोरा जीवांक दैरनेम, सांति दोर्कगोम, इंचि नना ओन मिहगा लोहतन.

पिलिपिया 2:28

अय्ते ओन मिहगा बल्हैना लोहना इंचि नना विचारम कीतन. ओर मिहगा वाते मिमेट ओन हूळसि कूस आकिट, अस्‍के नावा चिंतागुडा तक्‍को आंता.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

1 तेसलोनि 2:11

पेन मीकुन दाना राज्येमते आनि दाना पेद्‍दातनमते कलियालय केयता, अदुनहाटीं दानकु नच्‍चनालायक मिमेट ताकट इंचि वेहतोम. बाबाल बल्हा ओना पिलाल्कुन अवरिच्‍कुंतोर अल्‍हेने, मोमोट मीक हरेक मनकंक तेळियागोट्‍सि वेहासेके, दैरनेम हीसेक, विनंति कीसेके मत्‍तोम, इद मीक एरपाटे.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.

1 तेसलोनि 3:5

अदुनहाटीं नना आगा पर्राहिल्‍लेन. पट्‍टु हूळानोर मीवा पट्‍टु हूळतोरा बतला, मोमोट कीता कस्‍टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.

1 तेसलोनि 4:18

अदुनहाटीं इव पोल्‍लेनाल वरोंक-वरोर दैरनेम हीसेक मंटु.

1 तेसलोनि 5:11

अदुनहाटीं, मिमेट इंदके कीसेके मंतिट अल्‍हेने वरोंक-वरोर दैरनेम हीम्टु, वरोन-वरोर विस्वासमते निलाहट.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

2 तेसलोनि 2:17

मीवा हरेक बेस कबळते, हरेक पोल्‍लेते पेन मीकुन गट्‍टिगा किय्‍यिकांटी, इंका मीवा मनसुने सांति हिय्यिकांटी.