कुलुसि 4:2 - पवित्र पोल्‍ले

² मिमेट बस्‍केळ्‍क पेनदुक पारतना कीसेके मंटु. दानकु दन्यवाद कीसेके जेगर्ताते मंटु.

कुलुसि 4:2 Iomraidhean Croise

मत्‍तयाल 26:41

मिमेट पट्‍टुने अर्राकोंटा मननाहाटीं तेल्‍विते मंचि, पारतना कीसेके मंटु. नना वेहताप कियालय मीवा आत्मा तयार मंता, गानि मीवा मेंदुल कमजोर मंता,” इत्‍तोर.

मरकुस 13:33

अद वेला बस्के वांतानो मीक तेळियो. अदुनहाटीं मिमेट तेल्‍विते, उसारते मंटु.

लूकाल 18:1

पजा येसु ओना सिस्युल्कुन, “रोज पारतना कीसेके मंदानां, पारतना कियानाहाटीं बस्‍केने पजोळ्क आयामन्‍नि,” इल्‍हा इंचि उंदि वेसुडि वेहातोर.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

प्रेरितुल्‍कुना कबाह्‍क 1:14

ईरतोनि इच्‍चुंग मुर्ताह्क, येसुना यावल मरियम, ओना तम्मुह्‍क ईर अंटोर उंदे मनसुने पारतना कीसेके मनुंदुर.

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

इपीसि 6:18

अन्‍नि वेलाने पवित्र आत्माते बस्‍केळ्‍क पारतनां, विनंतिं कीसेके मंटु. इंका अंटोर विस्‍वासुल्‍कुनाहाटीं आगाकोंटा बस्‍केळ्‍क पारतना कीसेके मंटु.

पिलिपिया 4:6

बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.

कुलुसि 1:9

अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 2:7

मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

कुलुसि 3:15

मीवा मनसुने किरिस्‍तुना सांतिता राज्येम ताकिकांटी, इदुनहाटींगे मीकुन उंदि मेंदुल आसि केयमळ जर्गता. पेनदुक बस्‍केळ्‍क दन्यवाद कीम्‍टु.

कुलुसि 3:17

अचोने आयाका, पोल्‍ले आयि, कबळ आयि बतल किय्‍यिना मिमेट सामि येसुना पोरोलतेन कीम्‍टु. ओनाहेंदाले पेनबाबांक दन्यवाद कीम्‍टु.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.