कुलुसि 4:18 - पवित्र पोल्‍ले

¹⁸ नना पौलुसुन, नावा कय्‍देन रासि मीकु जोहार वेहासेक मंतन, नना जेलते मंतन इंचि पारतनाते मति कीम्‍टु. पेनदा कुर्पा मीवातोनि मन्‍निकांटी. आमेन.

कुलुसि 4:18 Iomraidhean Croise

रोम सहरतोरहाटीं पौलुसना सिट्‍टि 16:20

मनाकु सांति हियना पेन बिराने देय्यमतुन मीवा काल्कुनगा तच्‍चि जारसि पोहंता. मना सामि येसु किरिस्‍तुनद मीवापोर्रो कुर्पा मन्‍निकांटी, आमेन.

रोम सहरतोरहाटीं पौलुसना सिट्‍टि 16:22

पौलुस वेहताप इद सिट्‍टितुन नना तेरतियुस इननोन रासतन, सामिना लोप्पो मीकु अंटोर्क जोहार.

रोम सहरतोरहाटीं पौलुसना सिट्‍टि 16:23

नाकुन, कलिसियातोर्कुन हेडमितोरलेसीं बेस हूळना गयुसनाहेंदाल मीकु जोहार. इद नाटेना कोत्‍तना व्यवहार कियानोर, इरास्‍तुसना हेंदाल मीकु जोहार. अल्‍हेने कवारतुस दादानाहेंदाल मीकु जोहार.

1 कुरेंति 16:21

नना पौलुसुन, नावा कय्‍दे जोहर इंचि मीक रासेक मंतन.

2 कुरेंति 13:14

सामि येसु किरिस्‍तुना कुर्पा, पेनदा पावरम आनि पवित्र आत्माता तोळ मी अंटोरतोनि मन्‍निकांटी.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

2 तेसलोनि 3:17

नना पौलुसुन आंदुन, नावा कयदेने मीक जोहार रासेक मंतन. अन्‍नि सिट्‍टिने इद नावा आनवल आंद, नना इल्हे रासंतन.

1 तिमोति 6:21

इच्‍चुर लोकुल्‍क असोंटा पोल्‍लेन नम्मिसि विस्वासमताल तप्‍सोत्‍तुर. पेनदा कुर्पा बस्‍केळ्‍क नीतोनि मन्‍निकांटी.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 4:22

सामि नीवा आत्माकु तोळ मन्‍निर. सामिना कुर्पा नीकु तोळ मन्‍निकांटी.

तीतु 3:15

नावातोनि मनानोर अंटोर नीकु जोहर वेह्‍चंतुर, इंका विस्वासमहेंदाल मनाकुन पावरम कियानोर्कुगुडा जोहर. पेनदा कुर्पा मी अंटोरतोनि मन्‍निकांटी.

इब्रि 13:25

पेनदा कुर्पा मी अंटोरतोनि बस्‍केळ्‍क मन्‍निकांटी. आमेन.

इब्रि 13:3

पेनदुन विस्वासम कीताहाटीं बोर अय्ते जेलने मंतुरो, ओरा मति कीतस्‍के, मिमेट कुद्‍दु ओरतोनि जेलने मत्‍ताप विचारम कीम्‍टु. अल्‍हेने, बोर अय्ते पेनदुन विस्वासम कीताहाटीं तिप्‍पल्‍क बोगांचेके मंतुरो, ओर्कुन मति कीतस्‍के मिमेट कुद्‍दु ओरतोनि तिप्‍पल्‍क बोगांचेके मत्‍ताप मति कीम्‍टु.