कुलुसि 3:8 - पवित्र पोल्‍ले

⁸ गानि इंदके मिमेट होंग आयमळ, गुल्‍गमळ, पगा पियमळ, अपमानम कियमळ, तोळ्‍दाल कराब पोल्‍लें वळ्‍कमळ इवन्‍निन होळसीम्टु.

कुलुसि 3:8 Iomraidhean Croise

मत्‍तयाल 5:22

गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्‍सालायक आंतोर. अल्‍हेने बोर अय्ते ओना दंटातोना अपमानम कींतोर, ओर पेद्‍दाल्कुना कोरटता सिक्‍सालायक आंतोर. बोरन्‍ना अरे मुर्का इनानय्ते ओन्क देय्याल्क मनना अग्नि गुंडमता सिक्‍सा आयार.

मरकुस 7:22

आस्‍ति कियमळ, दुस्‍ट गुनम, डोंगिगुनम, मेंदुलता आसे, कळ्‍क पोतमळ, अपमानम कियमळ, गर्रा आनि मुर्का गुनाल्‍क पलाते पेय्‍संतां.

रोम सहरतोरहाटीं पौलुसना सिट्‍टि 13:13

पोद्‍दला ओप्‍पनालायक मनम ताकाना. अदुनहाटीं लावारिस तिरिया मनि, कराब पार्टिं कियामन्‍नि, रिम्मा वायानव उनामन्‍नि, बोगम कबाह्‍क कियामन्‍नि, जगडाल्‍क कियामन्‍नि, इंकावरोन पोर्रो कळ्‍क पोत्‍ता मन्‍नि, गानि मनम बेसता हर्दे ताकाना.

1 कुरेंति 3:3

बारित्‍ते इंदकेगुडा मिमेट मेंदुल्ता इच्‍चा मत्‍तापे ताकसेक मंतिट. इंकावरोना पोर्रो कळ्‍क पोत्‍तना, जगडाल्‍क कियाना गुनम मंता. अय्ते मिमेट मनकना इच्‍चाते ताकानोर आयिरा? दुनियाता लोकुल्‍कुनालेसीं ताकसेक हिल्‍लिरा?

2 कुरेंति 12:20

बारित्‍ते नना मिहगा वातास्‍के, मिमेट इनकुत्‍ताप नना मीक दोर्का पर्रोन आयावच्‍चु इंका नना इनकुत्‍ताप मिमेट मंदक होननिर. बोर्क एरपाट, मीलोप्‍पो जगडाल्‍क, कळ्‍क पोतमळ, होंग, सतता पायदा, अपमानम, पेद्‍दिरकेम, चुगलीं, लोल्‍लिं इसोंटवगुडा दिस अर्रानुं इंचि नना वेरियसेक मंतन.

गलातिया 5:15

गानि मिमेटगिंटा नय्‍कु बल्हा उंदांक-उंदि कस्कसेक, इग्‍गिस तिंचेके मनंतंगो अल्हा मनानय्ते उसारते मंटु! उंदि रोज मिमेट वरोनहेंदाल वरोर नासडेम आया परांतिर.

गलातिया 5:26

इंकावरोर होंगुंक वायाकोंटा, गर्रा कियाकोंटा, कळ्‍क पोत्‍तकोंटा मनम मंदकोम.

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

इपीसि 4:25

मनम अंटोरम उंदे मेंदुल्ता वेरे-वेरे बागाल्क आताहाटीं, इंदकेटाल वरोनतोनि-वरोर आबद्‍दम वळ्‍कमळ होळसिसि, हरेक मनकल सत्‍तेमे वळ्‍कगोम.

इपीसि 4:26

होंग आम्टु गानि, पापम कियमट. पोळ्‍द अर्राका मुन्‍नेन मीवा होंग सल्‍लारगोम.

इपीसि 4:29

मीवा तोळ्‍दाल बस्‍केन कराब पोल्‍ले पेय्‍सानायो. केंजानोर्कुंक कुर्पा दोर्किसि, ओरा बक्‍तिते पायदा वायाना बेसता पोल्‍लेंगे पेय्‍सगोम. ओरा अव्‍सरमतुन पीसि मिमेट वळ्‍काना.

इपीसि 5:4

अचोने आयका रोता पोल्‍लें, तेल्वि तक्‍को पोल्‍लें, कराब कारेड्‍डाल्‍क मिमेट कियानायो, मीकु अव सोबांचों. मीवा तोळ्‍दाल सिराप पेनदुक दन्यवाद इनना पोल्‍लेंगे पेय्‍सगोम.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

कुलुसि 3:9

मिमेट वरोंक-वरोर आबद्‍दम वळ्‍कमटु, बारित्‍ते मीवा पडाना गुनमतुन आनि दाना कबाह्‍कुन तेंडसि पोहतिर.

1 तिमोति 1:13

मुन्‍ने नना बदनाम कियुंदुन, तकलिप हियुंदुन, तेंडसि पोहचि वळ्‍कुंदुन. अयना नाकु सामिना दया दोर्कता, बारित्‍ते नना कियानद बतलो तेळियका, अविस्वासमते अल्हा कीतन.

1 तिमोति 1:20

विस्वासमतुन नासडेम कीकुत्‍तोरव्टेटाल हुमिनयुस आनि सिकंदर ईर इव्वुर मंतुर. पेनदुन बदनाम कियाकोंटा बल्हा मनना इत्‍ता पोल्‍ले करियना इंचि नना ईर्कुन देय्यम्‍क अप्पजेपतन.

इब्रि 12:1

इचोन मंदिता गवाइं, मब्बुनलेसीं मना सुट्‍टु आताप मंतां. अदुनहाटीं मनाकुन आपाना हरेक बर्वुन आनि अल्कगा पट्‍टुने अरहना पापमतुन होळसिसि, पेन मनाकु हुपिस्‍ता हरदे ओप्‍केते वितकोम.

याकोब 2:7

किरिस्‍तुना कदर हियना पोरोल मीक दोर्कता, अद पोरोलतुनगुडा अपमानम कियानुर ईरे दनवंतुल्‍क गदा?

1 पत्रु 2:1

पेन बच्‍चोर दया कियानद आंद इंचि मिमेट अय्ते एरपाट कीतिट. अदुनहाटीं अन्‍नि तीरकुना तप्पु कबाह्‍क, अन्‍नि तीरकुना बोंकिचमळ, नडेह कियमळ, कळ्‍क पोतमळ, अन्‍नि तीरकुना अपमानम कियमळ इवुन होळसीम्टु.

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.

यहुदा 1:8

अल्‍हेने कलां हूळना लोकुल्‍कगुडा मेंदुल्तुन पापमते अरहंतुर, पेनदा अदिकारमतुन हय्सुर आनि स्वर्गमकु संबंदिंचि मत्‍तोर्कुना अपमानम कींतुर.

पेन हुपिस्‍ता पोल्‍लें 16:9

कडक दगडाहेंदाल लोकुल्‍क कर्विसोत्‍तुर, अस्‍के आ गंडाल्‍कुन पोर्रो अदिकारम मत्‍ता पेनदुन अपमानम कीतुर गानि ओर दाना महिमा कियानाहाटीं सतता पापाल्कुनाल मनसु मार्सकुन्‍ना हिल्‍लुर.