कुलुसि 3:5 - पवित्र पोल्‍ले

⁵ अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

कुलुसि 3:5 Iomraidhean Croise

मत्‍तयाल 15:19

इत्‍ते कराब विचाराल्क, हव्‍कमळ, बोगमतनम, व्यबिचारम, दोंगातनाल्‍क, आबद्‍दम वळ्‍कमळ, अपमानम कियमळ इवन्‍नि पापि कबाह्‍क मनसुनाले पलाते पेय्‍संतां.

रोम सहरतोरहाटीं पौलुसना सिट्‍टि 1:26

अदुनहाटीं पेन ओर्कुन ओरा मनसुंक वाता सिग्गु हिल्वा कबाह्‍क कियालय होळसीता. अस्‍के मुर्ताह्क मुय्दुरतोनि मींडानद होळसि, मुर्ताह्कुनतोनि मुर्ताह्के मींडसि बस्‍केने ओप्वा कबाह्‍क कियालय दल्‍गतां.

रोम सहरतोरहाटीं पौलुसना सिट्‍टि 1:29

ओरा लोप्पो अन्‍नि तीरकुना कराब कबाह्‍क, पगा, आस्‍ति, सीडातनम निंडिस होत्‍ता. चुगलीं कियमळ, कळ्‍क पोतमळ, हव्‍कमळ, जगडाल्‍क कियमळ, विरोद कियमळ, नळेह कियमळ इसोंटा गुनम निंडिस ओर इंकावरोना बारेमते कराब विचारम कियानोर आतुर.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

रोम सहरतोरहाटीं पौलुसना सिट्‍टि 6:6

मना पडना पिस्वर येसुनतोनि क्रुसुनपोर्रो हाता, अदुनहाटीं पापमतोनि निंडिस मत्‍ता मना गुनम नासडेम आसि होत्‍ता. इंदके मनम पापमता अदिकारमते हिल्‍लोम इद मनाकु एरपाटे.

रोम सहरतोरहाटीं पौलुसना सिट्‍टि 7:23

गानि नावा मेंदुलपोर्रो मात्रम इंकुंदि बदो वेरे नियम अदिकारम ताकिस्ताप नाक दिस्सेक मंता. आ नियम, नावा बुद्‍दिते मनना मूसाना नियमतोनि लडाइ कीसि नाकुन पापमता कय्‍दे अप्पजेपसंता.

रोम सहरतोरहाटीं पौलुसना सिट्‍टि 7:5

मुन्‍ने मनम मना इस्‍ट परकारम ताकुंदुम अस्‍के मना मेंदुलतुन मनालोप्‍पो मत्‍ता पापि आसें वाळकुनुंदुं, मूसाना नियम मनाकु तेळियतस्के आ आसें इंका बेरस्सेक होत्‍तां. दीनहेंदाल मनाकु हामुर दोर्कता.

रोम सहरतोरहाटीं पौलुसना सिट्‍टि 8:13

बारित्‍ते मिमेट पापि गुनाल्‍कुने पिसानय्ते तप्‍पाकोंटा हांतिर. गानि आत्माता सहायमतोनि मीवा पापि गुनाल्‍कुन हव्कानय्ते मिमेट पिस्संतिर.

1 कुरेंति 5:1

मीवा नड्‍डुम वरोर बोगमतनम कीतोर इंचि नाक केंजावाता. ओर ओना बाबोना मुत्‍तो इत्‍ते सिन्‍ना यावान इरकुत्‍तोर अले! इसोंटा तप्‍पुड कबळ अविस्वासुल्‍कगुडा किय्युर.

1 कुरेंति 6:11

मुन्‍ने मीवा नड्‍डुम इच्‍चुर इल्हे मत्‍तिर. गानि मिमेट येसु किरिस्‍तुना पोरोलते आनि पेनदा आत्माते नोर्कुंचि, पवित्र आसि नीतिमंतुल्क आतिर.

1 कुरेंति 6:13

गाटो पीटाहाटीं, पीर गाटोताहाटीं मंता इंचि मिमेट इंतिर, गानि पेन इव रोंडुन इंका नासडेम कींता. मेंदुल बोगमतनम कियालय आयो सामिनाहाटीं मंता, सामि मना मेंदुलताहाटीं मंतोर.

1 कुरेंति 6:18

व्यबिचारमताल लक्‍कु मंटु. मेंदुल्ता पलाताल वायना पापाल्क अच्‍चोर बतल किय्यों, गानि बोर अय्ते व्यबिचारम कींतोर, ओर ओनादे मेंदुल्क अड्‍डम पापम कींतोर.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

गलातिया 5:24

बोर अय्ते येसु किरिस्‍तुन विस्वासम कीतोर मंतुर, ओर ओरा पापि विचाराल्कुन, पापि आसेन क्रुसुनपोर्रो वेलाड वाटताप अवुंक लक्‍कु आतुर.

इपीसि 4:19

ओर्कु सिग्गु इत्‍तद बतले हिलुवाहेंका अन्‍नि तीरकुना कराब कबाह्‍क कियाना लालचतेन ओर कूस मनंतुर.

कुलुसि 2:11

मीवा मेंदुल्ता पापाल्क पायताहाटीं ओनालोप्‍पो मीकुन कतना कियमळ जर्गता. अद कतना कय्‍दे कीतद आयो गानि किरिस्‍तुनलोप्‍पो कीतद आंद.

1 तेसलोनि 4:3

बारित्‍ते मिमेट बोगमतनमताल लक्‍कु मत्‍ते पवित्र मनंतिर, इदे पेनदा इच्‍चा आंद.

1 तेसलोनि 4:5

लालचते मनानोर पेनदुन एरपाट किय्युर, असंटोरतोनि इल्‍हा मनमळ आयापर्रो.

1 तिमोति 6:10

बारित्‍ते कोत्‍तन पोर्रोटा पावरम, अन्‍नि रकाल्कुना सेड्‍डातनाल्कुंक हर्रि पुट्‍टिचंता. बचुटूरो लोकुल्‍क ओरा इच्‍चान दोर्किच्‍कुननाहाटीं विस्वासमताल तप्‍सोत्‍तुर आनि ओरा पिस्वरते वेल्‍लेन दुक्‍कमतुन संपादिंच्‍कुंतुर.

इब्रि 12:16

मीवा नड्‍डुम बोरे व्यबिचारम कियानोर हिलाकोंटे, एसावुनलेसीं नीति हिलुवा मनकल मनामन्‍नि. उंदि पूटाता गाटोहाटीं ओर ओना जेस्‍टम पालुंक विलुवा हिय्याकोंटा तम्मुंक अम्मुकुत्‍तोर.

इब्रि 13:4

मरमिन आनि मुत्‍तो-मुय्दोना संबंदमतुन कदर कियाना, ओर वरोनपोर्रो विस्वासम कीसि बदनाम आयाकोंटा मंदना. व्यबिचारम कियानोर्कुन आनि बोगमतनम कियानोर्कुन पेन न्‍यायम कींता, इदुन मतिते इर्राट. अदुनहाटीं मुत्‍तो-मुय्दो वरोनपोर्रो वरोर विस्वासम कीसि बदनाम आयाकोंटा मंदना.

इब्रि 13:5

दनमताहाटीं मिमेट आसे पडानायो. मिहगा बतल अय्ते मंता अव्टेन कूस मंटु. बारित्‍ते पेने कुद्‍दु इल्‍हा इत्‍ता: “नना नीकुन बस्‍केने होळ्‍सोन, नना नीकुन बस्‍केने दिक्‍कु हिल्वोन किय्योन,” इंचि वेहता.

याकोब 4:1

मीलोप्‍पो लडाईं, जगडाल्‍क, आयाना कारनम बतल? मीलोप्‍पो मंदना कराब आसेना लडाइताहेंदाले गदा.

1 पत्रु 2:11

नावा पावरमगल्‍लोरिटा, मिमेट वेरे देसेमतोर, वेरे नाटेनोर आसि मंतिर. अदुनहाटीं मी आत्माकु अड्‍डम मनानव दुनियातां अन्‍नि सेड्‍डा आसेनाल लक्‍कु मंटु इंचि विनंति कीसेके मंतन.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.