कुलुसि 3:4 - पवित्र पोल्‍ले

⁴ मनाकु पिस्वर हीता किरिस्‍तु बस्के अय्ते मर्रा दिस्‍सानुर, अस्‍के मिमेटगुडा ओनतोनि ओना महिमाते दिस्‍किर.

कुलुसि 3:4 Iomraidhean Croise

मत्‍तयाल 13:43

अस्‍के नीतिमंतुल्क बोर अय्ते मंतुरो ओर ओरा पेनबाबाना राज्येमते पोळ्‍दुन लेह्का मेर्सेके मनांतुर. बोर्कु केंजालय केव्क मंतां ओर केंजट.”

लूकाल 17:30

अय्ते मनकना रूपमते पुटतोन नना वायाना रोजुनेगुडा अल्हे आयार.

योहान 11:25

अद केंजसि येसु, “हातोर्कुन तेहानोन आनि पिस्वरतुन ननाने आंदुन. नापोर्रो विस्वासम कीतोर, हायिनागानि मर्रा जीवाते तेदांतुर.

योहान 14:3

नना होंचि अवुन सदुरतंका, मल्सि वासि मीकुन ओंतन. अस्‍के नना मनानगेन, मिमेटगुडा मंदकिट.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

रोम सहरतोरहाटीं पौलुसना सिट्‍टि 8:18

नना मीकु इद बारि वेहचंतन इत्‍ते, मनाकु इंदके तकलिपकु, दुक्‍काल्क वांतंगे, गानि वायाना कालमते पेन दाना महिमाता वेलगुन हीसि बच्‍चोन मनाकु कदर हिय्यार, दाना मति कीते इंदकेटा तकलिपकु बग्‍गेन दल्‍गों इंचि नना इनकुंचंतन.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

1 कुरेंति 1:7

अदुनहाटीं मिमेट पेनदा बद्‍दे आत्माता वरमते तक्‍को हिल्‍लिर, मिमेट मना सामि येसु किरिस्‍तु मर्रा वायानद एदुर हूळसेक मंतिर.

1 कुरेंति 15:43

मेंदुल बूमिते दोस्सनेंके दाना कदर मन्‍नो, गानि अद मर्रा जीवाते तेदानेंके दानकु वेरेने कदर दोर्कंता. मेंदुल बूमिते दोस्सनेंके दानकु ताकत मन्‍नो, गानि अद मर्रा जीवाते तेदानेंके वेल्‍लेने ताकतते तेदंता.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

पिलिपिया 3:21

अन्‍निटवुन ओना कय्‍दा हिळु इर्रना ताकत ओनगा मंता. ओर वातस्के आ ताकततोने मना नासडेम आयाना इद मेंदुलतुन बदलांचि ओर हासि तेदतस्‍के ओन्क दोर्कतसोंटा महिमाता मेंदुललेसीं कियानुर.

1 तेसलोनि 4:17

पजा ओरतोनि पिस्सि मत्‍ता मनाकुनगुडा, मब्बु तेर्पेनपोर्रो वळिते किरिस्‍तुनतोनि कलियालय तेहकुंचि ओयमळ जर्गंता. इल्‍हा मनम बस्‍केळ्‍क सामिनतोनि मनंतोम.

2 तिमोति 1:1

पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 9:28

अल्हेन किरिस्‍तु, वेल्‍लेटोरा पापाल्कुन नासडेम कियानाहाटीं उंदे मल्का ओना सतता जीवातुन मोक्‍कु हीतोर. ओर मरुंदि मल्का मल्सि वायना मंतोर. अय्ते ई मल्का ओर पापमतुन नासडेम कियालय आयो, गानि ओनाहाटीं बच्‍चोनो ओप्‍केते बस्के वांतोर इंचेके एदुर हूळसेक मनानोर्कुन पिसागोटनाहाटीं वायानुर.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 5:4

इल्‍हा मत्‍तिर इत्‍ते अंटोर्कुंकन्‍ना पेद्‍दा कोहानोर किरिस्‍तु वायानुर अस्‍के, बस्‍केने कळियसि होनवसोंटा पेद्‍दातनमता किरिटम मीकु दोर्कार.

1 योहान 2:28

अदुनहाटीं नावा पिलाल्‍कुनिटा! मिमेट किरिस्‍तुने निल्‍सि मंटु. अल्हा मत्‍ते, ओर बस्के अय्ते इद बूमिते मल्सि वायानुर अस्‍के, मनम वेर्रे हिल्‍वोरम आसि ओर वातंका ओना मुन्‍ने सिग्गु वायाकोंटा मंदा परकोम.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

1 योहान 5:12

बोरय्ते पेनदा मर्रिन स्विकार कींतोर, ओनाकु ई पिसवर दोर्कंता गानि बोनगा अय्ते पेनदा मर्रि हिल्‍लोर, ओनगा ई पिसवर हिल्‍ले.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.

पेन हुपिस्‍ता पोल्‍लें 22:14

बोर अय्ते ओरा कपडिं हुक्‍सि बेस साप कीतुर ओर आसिर्वाद दोर्कतोर आंदुर. ओर्क पिस्वर हियना मराता पंडि तिनालय आनि आ गल्‍माताल सहरते होळियालय अदिकारम दोर्कार.