कुलुसि 3:2 - पवित्र पोल्‍ले

^2-3 इंदके मीवा पडाना पिस्वर हासि होत्‍ता आनि मीवा पूना पिस्वर किरिस्‍तुनतोनि पेनदा लोप्पो मक्‍किचि मंता. अदुनहाटीं मिमेट बूमिपोर्रोटा पोल्‍लेने आयो गानि स्वर्गमता पोल्‍लेने मनसु इर्रट.

कुलुसि 3:2 Iomraidhean Croise

मत्‍तयाल 16:23

गानि येसु पत्रुनहेके तिरियसि हूळसि, “अरे देय्यम, नावा मुन्‍नेटाल पेय्सि होन. निमे मनकालोरा तेल्‍विते वळ्‍कसंतिन, पेनदा विचारमते वळ्कसेक हिल्‍लिन. निमे नावाहाटीं उंदि आपत आंदिन.” इंचि इत्‍तोर.

मत्‍तयाल 6:19

मिमेट बूमिपोर्रो दनम जमा कीते अदुन सेदेल तिंचि, सिलुम पीसि नासडेम आंता आनि दोंगाल्क दोसकुंचि ओंतुर. अदुनहाटीं ई बूमिते दनम जमा कियमट.

लूकाल 12:15

पजा येसु ओरतोनि, “बेस जेगर्ता मंचि, अन्‍नि लालचकुनाल मीवद मिमेटे लक्‍कु मंटु! बारित्‍ते मनकना पिस्वर वेल्‍लेन आस्‍ति मत्‍तेन बेस मनंता इंचि इनकुन्‍मट,” इंचि इत्‍तोर.

लूकाल 16:11

अदुनहाटीं ओक्‍कला मिमेट दुनियाते संपलिच्‍ता दनमतगा विस्वासमलायक हिलाकोंटे, पेन दाना राज्येमता निजम दनमतुन मीवा कय्‍दे बल्हा हिय्यार?

कुलुसि 3:1

मिमेट किरिस्‍तुनतोनि जीवाते तेदसि मंतिट, किरिस्‍तु स्वर्गमते पेनदा तिना बाजुंक उदसि मंतोर, अय्ते अगाटा पोल्‍लेन दोर्किच्‍कुनना कोसिस कीम्‍टु.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.