कुलुसि 3:16 - पवित्र पोल्‍ले

¹⁶ किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

कुलुसि 3:16 Iomraidhean Croise

मत्‍तयाल 26:30

पजा ओर, पेनदा स्‍तुति कियाना उंदि पाटा पारसि, जय्‍तुन मराकुना गुट्‍टापोर्रो होत्‍तुर.

लूकाल 2:51

पजा येसु ओना यावल-बाबानतोनि कलियसि नासरेत नार होत्‍तोर. तल्‍लुर-बाबो वेहता पोल्‍ले पोर्रेन ताकसेक मनुंदुर. ओना यावल इव अन्‍नि पोल्‍लें दाना मनसुने इरसि विचारम कीसेके मनुंदु.

योहान 15:7

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

रोम सहरतोरहाटीं पौलुसना सिट्‍टि 10:17

इल्‍हा किरिस्‍तुना बारेमता बेसता कबुरतुन बोरन्‍ना वेहतेने केंजांतुर, केंजतेने विस्वासम किया परांतुर.

रोम सहरतोरहाटीं पौलुसना सिट्‍टि 15:14

विस्वासुल्‍कुनिटा! मीलोप्‍पो वेल्‍ले बेसतनम आनि तेल्वि मंता. अदुनहाटीं मिमेट वरोंक-वरोर बुद्‍दि वेहकुना परांतिर इंचि नाक पुरागा बरोसा मंता.

1 कुरेंति 14:15

अय्ते नाक बतल कियमळ गावाले? नना नावा आत्माते पारतना कींतन, नना नावा बुद्‍दितेगुडा पारतना कींतन. नना नावा आत्माते पाटा पारंतन, नना नावा बुद्‍दितेगुडा पाटा पारंतन.

1 कुरेंति 14:26

विस्वासुल्‍कुनिटा! इंदके बतल कियाना? बस्के अय्ते मिमेट जमा आंतिर, अस्‍के वरोर पाटा पारालय, वरोर कराहलय, वरोर पेनदा पोल्‍ले बैय्यरा कीसि वेहालय, वरोर वेरे बासाते वळ्कालय, वरोर वेरे बासाता अर्तम वेहालय तयार मनंतुर. इवन्‍नि कलिसियातोर्कुना बक्‍ति बेर्सनाहाटीं आयमळ गावाले.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 5:17

अदुनहाटीं सामिना इच्‍चा बतल मंतानो, बेस एरपाट कीसि ताकट, बुद्‍दि हिल्‍वोरलेसीं मनमट.

इपीसि 5:19

इंकावरोनतोनि वरोर बस्‍केळ्‍क बक्‍ति पाटां, पेनदुन तल्‍सकुनना पाटां, पेनदा पाटां पारसेके, सामिन मीवा मनसुने बस्‍केळ्‍क मति कीसेके मंटु.

इपीसि 5:26

अस्‍के दान किरिस्‍तु, पेनदा पोल्‍लेतोनि सक्‍कगा साप नोर्सि पवित्र कींतोर.

कुलुसि 1:28

हरेक मनकन किरिस्‍तुनलोप्‍पो पूरा कीसि पेनदा मुन्‍ने निल्‍हागोम इंचि, मोमोट किरिस्‍तुना बारेमते हरेक मनकंक कडकते वेहांतोम, हरेक मनकंक पूरा तेल्‍विते करहंतोम.

कुलुसि 1:9

अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 4:6

हरेक मनकंक बेस जवाब हिया वायमळ गावाले इंचि मीवा पोल्‍ले बस्‍केळ्‍क कुर्पाते आनि होव्वोर वाटते रुसि मत्‍ताप मना पींता.

1 तेसलोनि 1:8

बारित्‍ते मीहेंदाल सामिना पोल्‍ले सिराप मेसिडोनिया आनि अकाया राज्येमतेन एवता इंचि आयो गानि पेनदापोर्रोटा मीवा विस्वासमता बारेमते अन्‍नि जेगाने तेळियसि होत्‍ता. अदुनहाटीं मोमोट मीक वेहाना बतल अव्‍सरम हिल्‍ले.

1 तेसलोनि 4:18

अदुनहाटीं इव पोल्‍लेनाल वरोंक-वरोर दैरनेम हीसेक मंटु.

2 तेसलोनि 3:15

अयना ओन पगातोनलेसीं हूळमट, गानि तम्मुनालेसीं ओन्क वेर्रे वेहाट.

1 तिमोति 6:17

ई दुनियाते मनना सिरमंत लोकुल्‍क, गर्रा कियामन्‍नि. नासडेम आसि होनना दनम पोर्रो आसे इर्राकोंटा, जीवाते मनना पेनदापोर्रो विस्वासम इर्राना. आ पेने मना आनंदमहाटीं गावाले मत्‍तव आ अन्‍नि बेसतवुन इरगा हींता, इंचि ओर्क आदेस हीम.

2 तिमोति 3:15

अचोने आयका, निमे सिन्‍नास्केटाल पवित्र दर्मसास्‍त्रमता पोल्‍लेन करियतोन आंदिन. अव नीकु किरिस्‍तु येसुनपोर्रो विस्वासम इरते दोर्कना मुक्‍तितुन दोर्किच्‍कुननाहाटीं बुद्‍दि, तेल्वि हींतां.

तीतु 3:6

ई पवित्र आत्मातुन, मनाकुन पिसागोटना येसु किरिस्‍तुनाहेंदाल ओर मनापोर्रो इरगा वळियतोर.

याकोब 1:5

गानि मीवा लोप्पोटाल बोनकन्‍ना बुद्‍दि तक्‍को मत्‍ते पेनदुन तल्‍कट, अस्‍के पेन हींता. बारित्‍ते अद बतले तप्‍पु दोस्‍साका, तल्कतोर अंटोर्कुंक वेल्‍लेने हींता.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.

याकोब 5:13

मीवा लोप्‍पोगिंटा बोरन्‍ना दुक्‍कमते मत्‍ते ओर पारतना कियाना, आनंदमते मत्‍ते पेनदा स्‍तुति कीसेक पाटां पाराना.

1 योहान 2:14

बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट गट्‍टिपळतिर. पेनदा पोल्‍ले मीलोप्‍पो निल्‍सि मनंता. मिमेट सेड्‍डातनमतुन गेल्‍सतिर, इंचि नना मीकु रासेक मंतन.

1 योहान 2:24

मोदोलताल मिमेट बतल अय्ते केंजतिरो, अदुन मीलोप्‍पो बस्‍केळ्‍ताहाटीं इर्राट. अल्हा इर्रानय्ते, मिमेट मर्रि आनि बाबोनतोनि उंदासि मंदकिट.

1 योहान 2:27

गानि बदुनतोनि अय्ते मीवा अबिसेकम आता, अद मीलोप्‍पो निल्‍सि मनंता. अदुनहाटीं बोर मीकु कराहना अवसरम हिल्‍ले. मीलोप्‍पो मनना अबिसेकम, मीकु अन्‍निटवुना बारेमते कराहंता. अद सत्‍तेम आंद, दाना कराहमळ आबद्‍दमतद आयो. अद मीकु बल्हा कराहंता, अल्हा मिमेट किरिस्‍तुना लोप्पो निल्‍सि मंटु.

पेन हुपिस्‍ता पोल्‍लें 14:3

आ उंदि लक्‍सा नल्‍पै नालुं वेय्‍कुना मंदि राजगद्‍देता मुन्‍ने, नालुं जिवरासिना मुन्‍ने आनि पेद्‍दाल्कुना मुन्‍ने पूना पाटा पारसेके मत्‍तुर. बूमिपोर्रोटाल पेन अस्‍कुत्‍ता लोकुल्‍कुनाल ईर तप्‍पा बोरे आ पाटा पारा पर्राहिल्‍लुर.

पेन हुपिस्‍ता पोल्‍लें 15:3

पेनदा सेवाकुड मूसाना पाटा आनि गोर्रे पोरिना पाटा पारसेके ओर इल्‍हा इनुंदुर, “ए अन्‍निटकन्‍ना एक्‍को सक्‍तिमंतुन आता मावा सामि पेनदुना, नीवा कबाह्‍क पेद्‍देय आनि इचंत्रमतव आंदुं, निमे बस्‍केळ्‍क मंदना राजान आंदिन, नीवा हर्रि नीतितद, आनि सत्‍तेमतद आंदु,

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”