कुलुसि 3:12 - पवित्र पोल्‍ले

¹² पेन मीकुन पवित्र आनि पावरमगल्‍ला लोकुल्‍कुनलेसीं पेर्कुत्‍ता. अदुनहाटीं दया कियमळते, पायदा कियमळते, सिन्‍नागासि मनमळते, सादा-सिंपल मनमळते ओप्के पीसि ताकट.

कुलुसि 3:12 Iomraidhean Croise

मत्‍तयाल 24:22

ओक्‍कला पेन अव रोजकुन तक्‍को कियाकोंटा मंचि मत्‍ते, बोरे पिसाकोन्‍नेर. गानि पेर्कुत्‍ता लोकुल्‍कुनाहाटीं पेन अव रोजकुन तक्‍को किय्‍यार.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 24:31

अस्‍के तूताकोमता पेद्‍दा आवाजुनतोनि, नना नावा दूतन बूमिपोर्रो लोहांतन. आ दूतां बूमिपोर्रो नालुं मूलानाल, मब्बुना ई कोस्‍साताल अय्ते आ कोस्‍सादाका नना पेर्कुत्‍ता लोकुल्‍कुन जमा कींतां.

मरकुस 13:20

ओक्‍कला सामि अव रोजकुन तक्‍को कियाकोंटा मंचि मत्‍ते, बोरे पिसाकोन्‍नेर. गानि बोर्कुनय्ते पेन पेरता, ओराहाटीं अव रोजकुन तक्‍को कीता.

मरकुस 13:27

अस्‍के नना नावा दूतन बूमिपोर्रो लोहांतन. आ दूतां बूमिपोर्रो नालुं मूलानाल, मब्बुना ई कोस्‍साताल अय्ते आ कोस्‍सादाका नना पेर्कुत्‍ता लोकुल्‍कुन जमा कींतां,” इत्‍तोर.

लूकाल 1:78

बारित्‍ते पेन दाना पेद्‍दा दया मनापोर्रो हुप्पिचि, स्वर्गमताल वरोर पोळ्‍दुनसंटोन लोहंता.

लूकाल 18:7

पेन पेरकुत्‍ता लोकुल्‍क न्‍यायम आयागोम इंचि नर्का-पल्‍हिं पेनदुन पारतना कीसेक मनांतुर, पेन ओर्क सहाय्यम कियालय आलसेम किय्‍यारा?

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

रोम सहरतोरहाटीं पौलुसना सिट्‍टि 9:11

गानि आ पिलाल्क पुट्‍टका मुन्‍नेन, ओर बद्‍दे मंचि-सेड्‍डा किय्यका मुन्‍नेन पेन रेबेकांकु, “मुन्‍ने पुट्‍टना पेडल पज्जो पुट्‍टनोना सेवा कियानुर,” इंचि वेहचि मत्‍ता. पेन मनकालोर्कुन ओर कीता कबाह्‍कुन पोर्रोटाल केयो, गानि दाना इच्‍चा मत्‍ताप ओर्कुन केयंता, इंचि मनाकु दीनहेंदाल तेळियता.

1 कुरेंति 13:4

पावरमते ओप्के मंता, दया मंता. पावरम इंकावरोन पोर्रो कळ्‍क पोत्‍ता हिय्यो, पावरम पोमाडेंगि किया हिय्यो, पेद्‍दिरकेम किया हिय्यो.

2 कुरेंति 6:6

पवित्र मनमळते, तेल्‍विते, ओर्सकुनमळते, दयाते, पवित्र आत्माते, कपटम इर्राका पावरम कियमळते,

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 4:2

दीना अर्तम बतल इत्‍ते, मिमेट सादा सिंपल मनना, बोर बतल इनिनागानि ओप्के पीसि मनना, वरोंक-वरोर ओर्सकुंचेके पावरमते पिस्‍सट.

इपीसि 4:24

पूना गुनाल्‍कुन पेन दानालेह्‍का सत्‍तेमते तयार कीता, पवित्र कीता. अदुनहाटीं मीवा पडाना गुनाल्‍कुन होळसिसि पेन हियाना पूना गुनाल्‍कुने ताकट.

इपीसि 4:32

वरोनपोर्रो वरोंक जीवा नोसि बेस दया हुपिच्‍चेक, पेन बल्हा किरिस्‍तुनाहेंदाल मीवा तप्‍पुकुन मापि कीता, अल्हेन मिमेटगुडा वरोना तप्पुक वरोर मापि कीम्‍टु.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

1 तेसलोनि 5:15

मीलोप्‍पो बोरन्‍ना सेड्‍डातनमता बदला सेड्‍डातनम कियाकोंटा हूळकुंटु. गानि बस्‍केळ्‍क वरोंक-वरोर आनि अंटोराहाटींगुडा बेस कियालय कोसिस कीम्‍टु.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

तीतु 1:1

नना पौलुस, पेनदा दासुन आनि येसु किरिस्‍तुना प्रेरित आंदुन. पेन पेरता लोकुल्‍कुना विस्वासमतुन बेर्सागोटलय, ओर्क सत्‍तेमता बारेमते तेळियागोट्‍सि वेहालय नाकुन लोहमळ जर्गता.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

2 पत्रु 1:10

अदुनहाटीं विस्वासुल्‍कुनिटा! पेन मीकुन केय्‍सि पेरता इत्‍ता पोल्‍लेतुन पक्‍का कियालय बस्‍केळ्‍क आतच्‍चोन कोसिस कीम्‍टु, अल्हा कीते मिमेट बस्‍केने विस्वासमताल अर्सि होन्‍निर.

1 योहान 4:19

मनम पावरम कींतोम, बारित्‍ते मुन्‍ने मनाकुन पेन पावरम कीता.

2 योहान 1:13

पेन पेरता मीवा अक्‍कना पिलाल्क, मीकु जोहार वेहासेक मंतुर.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.