कुलुसि 3:1 - पवित्र पोल्‍ले

¹ मिमेट किरिस्‍तुनतोनि जीवाते तेदसि मंतिट, किरिस्‍तु स्वर्गमते पेनदा तिना बाजुंक उदसि मंतोर, अय्ते अगाटा पोल्‍लेन दोर्किच्‍कुनना कोसिस कीम्‍टु.

कुलुसि 3:1 Iomraidhean Croise

मत्‍तयाल 26:64

अस्‍के येसु ओन इल्‍हा इत्‍तोर. “निमे इत्‍तिन अद निजमे! गानि नना मीकु वेहांतन, इंका मुन्‍ने मिमेट मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनपोर्रो उद्‍दिसि वायानेंके हूळकिर,” इत्‍तोर.

मत्‍तयाल 6:20

गानि मिमेट मीवाहाटीं स्वर्गमते दनम जमा कीम्‍टु, अगा अवुन सेदेल तिन्‍नो, सिलुम पिय्यो, दोंगाल्कगुडा दोसकुंचि ओयुर.

मत्‍तयाल 6:33

अदुनहाटीं मिमेट मुन्‍ने स्वर्ग राज्येमतुन आनि पेनदा नीतितुन पह्कट, अस्‍के इव अन्‍निगुडा मीकु दोर्कनुं.

मरकुस 12:36

इद पोल्‍लेतुन कुद दाविद पवित्र आत्माते निंडसि इल्‍हा इत्‍तोर, “बदवेरदाका अय्ते नीवा पगातोर्कुन, नीवा काल्कुनगा तर्रोन, अदवेरदाका नावा तिना बाजुंक उद्‍दिसि मन, इल्‍हा सामि, नावा सामिन इत्‍तोर.”

मरकुस 14:62

अस्‍के येसु इत्‍तोर. “हो, ननाने आंदुन. आनि मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनतोनि वायानद मिमेट हूळकिर,” इत्‍तोर.

मरकुस 16:19

येसु सामि ओना सिस्युल्कुनतोनि इव पोल्‍लें वेहता पजा, पेन ओन स्वर्गमते तेहकुत्‍ता. अस्‍के ओर दाना तिना बाजुंक उद्तोर.

लूकाल 12:33

अय्ते मिमेट मिहगा मत्‍ता आस्तिनअंता अम्मिसि, गरिबोर्कुंक दान-दर्मम कीसि, बस्‍केने पडन आयाकोंटा मनना कोत्‍ताना संचितुन दोर्किच्‍कुंट. इंका मिमेट मीवाहाटीं स्वर्गमते दनम जमा कीम्‍ट. अगा बोर दोंगलगुडा वायोर, दानकु सेदेलगुडा पिय्यो.

लूकाल 20:42

कुद्‍दु दाविदे ओना बजन संहिता पुस्तकमते इल्‍हा रासतोर. ‘सामि, नावा सामिन इत्‍तोर, बदवेरदाका अय्ते नीवा पगातोर्कुन, नीवा काल्कुनगा तर्रोन, अदवेरदाका नावा तिना बाजुंक उद्‍दिसि मन, इत्‍तोर.’

लूकाल 22:69

गानि इंदकेटाल, गडसेम मत्‍तंका मनकना रूपमते पुटतोन नना ताकतवर पेनदा तिना बाजुंक उद्‍दंतन,” इत्‍तोर.

प्रेरितुल्‍कुना कबाह्‍क 2:34

बारित्‍ते दाविद राजाल स्वर्गमते होना हिल्‍लोर, गानि दीना बारेमते ओर कुद वेहतोर: “पेन नावा सामिनतोनि इत्‍ता गदा, नना नीवा पगातोर्कुन नीवा काल्कुनगा तर्रनदाका, निमे नावा तिना बाजुंक उदसि मन.”

प्रेरितुल्‍कुना कबाह्‍क 7:55

गानि पूरा पवित्र आत्मातोनि निंडिस मत्‍ता आ स्‍टिपन स्वर्गमताहेके हूळतोर. अस्‍के ओर पेनदा महिमाता वेल्‍गुन आनि पेनदा तिना बाजुंक नित्‍तिसि मत्‍ता येसुन हूळतोर.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

रोम सहरतोरहाटीं पौलुसना सिट्‍टि 8:6

इंका बोर मनकल अय्ते पापि गुनाल्‍कुने पिस्सेक मनंतोरो, ओना हामुर तप्‍पो. बोर मनकल अय्ते आत्मा वेहताप कींतोरो, ओन्क पिस्वर, सांति दोर्कंता.

2 कुरेंति 4:18

अय्ते इंदके मोमोट दिस्‍साना वस्‍तुकुन पोर्रो आयो, गानि दिस्‍सुवा वस्‍तुकुन पोर्रो नदर वाटंतोम. दिस्‍सना वस्‍तुक गळसेम मनंतां, दिस्‍सुवा वस्‍तुक बारे बस्‍केळ्‍क मनंतां.

इपीसि 4:10

बोर अय्ते हिळु रेय्‍सि वातोरो, ओरे बतले तक्‍को मनाकोंटा अन्‍निटतुन पुरागा कियानाहाटीं अन्‍नि मब्‍बुकुंकन्‍ना एत्‍तु जेगाते एक्‍किसि होत्‍तोर.

इपीसि 5:22

मरमिं आता मुरताह्‍कुनिटा, बल्हा अय्ते मिमेट सामिंकु लोंगिस मंतिटो, अल्हेन मिमेट मीवा मुय्‍दुर्कुंकगुडा लोंगिस मंटु.

कुलुसि 2:20

गानि इंदके मिमेट दुनियाता पोल्‍लेनाल किरिस्‍तुनतोनि हासि होत्‍तिर, अय्ते “अद इटमट, अदुन तिनमट, अदुन पियमट” इंचि दुनियातोरालेसीं नियमकुने बारि ताकसेक मंतिट?

कुलुसि 3:2

इंदके मीवा पडाना पिस्वर हासि होत्‍ता आनि मीवा पूना पिस्वर किरिस्‍तुनतोनि पेनदा लोप्पो मक्‍किचि मंता. अदुनहाटीं मिमेट बूमिपोर्रोटा पोल्‍लेने आयो गानि स्वर्गमता पोल्‍लेने मनसु इर्रट.

इब्रि 1:13

मर्रा, “बदवेरदाका अय्ते नीवा पगातोर्कुन नीवा काल्कुना हिळु तर्रोन अदवेरदाका, निमे नावा तिना बाजुंक उद्‍दिसि मन्‍नु, इंचि बद्‍दे दूतातुन बस्‍केने पेन इना हिल्‍ले.”

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 10:12

गानि किरिस्‍तु अय्ते मना पापाल्कुन लक्‍कु कियालय, हमेसाताहाटीं उंदे मल्का ओना मेंदुल्तुन मोक्‍कु हीतोर. हीसि पेनदा तिना बाजुंक होंचि उद्‍दिसि मंतोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 8:1

इदवेरदाका वेहासेक वाता पोल्‍लेता मेन पोल्‍ले बतल इत्‍ते, स्वर्गमते अन्‍निटकन्‍ना पेद्‍दा पेनदा तिना बाजुंक राज्येम कियालय बोर अय्ते उद्‍दिसि मंतोरो, ओरे मावाहाटीं पेद्‍दा पेर्मल आतोर.

1 पत्रु 3:22

इंदके येसु किरिस्‍तु स्वर्गमते होंचि पेनबाबाना तिना बाजुंक उद्तोर. अगा पेनदा दूतां, अदिकाराल्‍क, सक्‍तिं ओना कय हिळु मंतां.