कुलुसि 2:7 - पवित्र पोल्‍ले

⁷ मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

कुलुसि 2:7 Iomraidhean Croise

लूकाल 6:48

ओर बसंटोर इत्‍ते, लोन दोहनेंके पायवा लोत तव्विसि, बंडातोनि पुनादि दोहचि लोन दोहतोर. बस्के अय्ते कम्मुड वाता, एता तडां वासि लोतुक दल्‍गतां. अय्नागानि अद लोन कूला हिल्‍ले. बारित्‍ते, अद लोन गट्‍टिगा दोहचि मत्‍ता.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

2 कुरेंति 1:21

मीवातोनि अबिसेकम कीसि, किरिस्‍तुनलोप्‍पो गट्‍टिगा निलाहनोर पेने आंदु.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

इपीसि 4:21

मिमेट निजमे किरिस्‍तुना बारेमता पोल्‍लें केंजतिर. अचोने आयाका येसुना बारेमता सत्‍तेमतुन, बल्हा मत्‍तद अल्हे करियतिर.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 3:17

अचोने आयाका, पोल्‍ले आयि, कबळ आयि बतल किय्‍यिना मिमेट सामि येसुना पोरोलतेन कीम्‍टु. ओनाहेंदाले पेनबाबांक दन्यवाद कीम्‍टु.

1 तेसलोनि 5:18

अन्‍नि परिस्तितिने मिमेट पेनदुक दन्यवाद कीम्‍टु, बारित्‍ते मिमेट येसु किरिस्‍तुनलोप्‍पो इल्हे मंदना इंचि पेनदा इच्‍चा मंता.

2 तेसलोनि 2:17

मीवा हरेक बेस कबळते, हरेक पोल्‍लेते पेन मीकुन गट्‍टिगा किय्‍यिकांटी, इंका मीवा मनसुने सांति हिय्यिकांटी.

इब्रि 13:15

अदुनहाटीं, येसु मनाहाटीं कीतदुन मति कीसि, बस्‍केळ्‍क मना तोळ्‍दाल पेनदा पोरोल येतसि, पारतना-दन्यवादाल्कुना मोक्‍कुल्क हीसेक मंदकोम.

इब्रि 13:9

अदुनहाटीं, वेरेतोर वासि कराहना रका-रकाल्कुना बोदां केंजसि मिमेट गयबेत आयमट. बोनके बतल पायदा वायवा, तिंदाना नियमकुन पीसि तनलाळसेक मत्‍ते मना मनसुंकु ताकत दोर्को, गानि पेनदा कुर्पातेन मनसुंकु ताकत वांता.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

यहुदा 1:12

ईर, मिमेट कलियसि-मेलियसि तिंदना बोजनाल्‍कुन हेळाह्‍नोर आंदुर, इंका मीवातोनि उद्‍दिस सिग्गु हिलाकोंटा तिंचि पीर निहकुंतुर. ओर वळितोनि वित्‍ताना मब्बुनसंटोर आंदुर. आकिं रालाना कालमते कायां हिलाका रोंडु मल्कां हासि पीकिसि पोहता मराकुनसंटोर आंदुर.

यहुदा 1:20

गानि पावरमगल्‍लोरिटा! पवित्र आत्माते पारतना कीसेके वेल्‍ले पवित्र विस्वासमते मीवद मिमेट बेर्सेक होंटु.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,