6 इंदके मिमेट किरिस्तु येसुन सामि इंचि स्विकार कीतिर, अय्ते ओर बल्हा वेहतोर अल्हेने ताकाटु.
बोर अय्ते मीकुन दग्गेरा कींतोर, ओर नाकुन दग्गेरा कीतापे. बोर अय्ते नाकुन दग्गेरा कींतोर, ओर नाकुन लोहता पेनदुनगुडा दग्गेरा कीतापे.
नना निजम-निजम वेहासेक, नना लोहतोन, बोर अय्ते स्विकार कींतोर, ओर नाकुन इंका स्विकार कींतोर. नाकुन स्विकार कियानोर, ओर नाकुन लोहचीतोनगुडा स्विकार कींतोर,” इंचि येसु इत्तोर.
पजा येसु, “हर्रि, सत्तेम, आनि पिस्वर ननाने आंदुन. नाकुन होळसि बाबानगा बोरे एव्वा परोर.
पेनदाहेंदाले येसु किरिस्तुनलोप्पो मीवा पिस्वर मंता, किरिस्तुनाहेंदाल मनाकु तेल्वि, नीति, पवित्र आतोम आनि पापमता सिक्साताल पिसतोम.
बारित्ते मोमोट हूळसि आयो गानि सामिनपोर्रो विस्वासम कीसि ताकंतोम.
नाकुन किरिस्तुनतोनि क्रुसुनपोर्रो वेलाड वाटमळ जर्गता इत्ते, इंदके नावा पळाना पिस्वर हासोत्ता. गानि नावा लोप्पो किरिस्तु जीवाते मंतोर. इंदके नावा ई मेंदुलते मनना जीवा, नाकुन बच्चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.
येसु किरिस्तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.
मीकुन पेन दाना लोकुल्क आयानाहाटीं केयता, अय्ते दाना लोकुल्क बल्हा अय्ते पिसानो अल्हा मिमेट पिस्सट इंचि, सामिनाहाटीं जेलुंक होत्तोन नना मीकु विनंति कीसंतन.
बद बतले आयि, मीवा पिस्वर मात्रम किरिस्तुना बेसता कबुरते मत्ताप मनना. अस्के बतल आंता इत्ते, नना मिहगा वायिना, वायाकोन्ना मिमेट अंटोर उंदे आत्माते गट्टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.
इदुनहेंदाल, मिमेट अन्नि तीरुकुने सामिन कूस कियालय मीवा पिस्वर दानकु इस्टमाताप मनंता, मीक हरेक बेसता कबळते पलम दोर्किसि, पेनदा तेल्विते बेर्स्सेके दांतिट.
अचोने आयाका, पोल्ले आयि, कबळ आयि बतल किय्यिना मिमेट सामि येसुना पोरोलतेन कीम्टु. ओनाहेंदाले पेनबाबांक दन्यवाद कीम्टु.
विस्वासुल्कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्हेने मिमेट पिस्सेकगुडा मंतिट, इंकागुडा मुन्ने अल्हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्पिच्चि वेहासेक मंतोम.
बारित्ते, सुरुवने मनम इर्ता बरोसातुन मना पिस्वरता आकिरदाका गट्टिगा पीसि मत्तेन, मनम किरिस्तुना पालिगाह्क आंतोम.
बोर अय्ते, “नना पेनतोनि कलियसि पिस्सेक मंतन,” इंचि वेहंतोरो, ओर कुद्दु किरिस्तु पिसतसोंटा पिस्वर पिसागोम.
गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्ते मनम निजम पेनदुन एरपाट कियागोम इंचि. इत्ते, मनम पेनदा मर्रि येसु किरिस्तुनलोप्पो मंतोम. पेनबाबाले निजम पेन आंदुर आनि बस्केळ्क पिस्सना पिस्वर ओरे आंदुर.
पावरमगल्लोरिटा! मनाक अंटोर्क दोर्कता मुक्तिता बारेमते मीकु रासाना इंचि इनकुंचेके मत्तन, गानि इंदके विस्वासमता बारेमते रासि दाना सत्तेमतुन कापाळनाहाटीं मीक तेळियागोटसि वेहाना इंचि नाक अव्सरम अनपिस्ता. ई सत्तेमतुन पवित्र लोकुल्कुंक बस्केळ्ताहाटीं उंदे मल्का हियमळ जर्गता.