कुलुसि 2:4 - पवित्र पोल्‍ले

⁴ बोरन्‍ना तिय्यटा पोल्‍लेनतोनि मीकुन पसांचामन्‍नि इंचि नना इद वेहासेक मंतन.

कुलुसि 2:4 Iomraidhean Croise

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 24:4

अस्‍के येसु ओर्कु इल्‍हा जवाब हीतोर. “मीकुन बोर पसांचकोंटा मिमेट उसारते मंटु.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

1 कुरेंति 2:4

नावा वळ्‍कमळ आनि नना वेहता कबुर, नावा तेल्‍विता पोल्‍लेने मनाहिल्‍ले, गानि पेनदा आत्मा आनि ताकतते निंडसि मत्‍ता.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

गलातिया 2:4

गानि मावा लोप्पो इच्‍चुर लोकुल्‍क विस्वासुल्‍कुनलेसीं आसि मक्‍किस होळियतुर. येसु किरिस्‍तु माकुन यहुदिल्कुना नियमाल्कुना गुलामगिरिताल पलाते पेचाह्तदुन चुपचाप हूळसि, माकुन मर्रा गुलामगिरिते अरहचि नासडेम कियना उद्‍देसमते ओर वातुर.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

इपीसि 4:17

अदुनहाटीं सामिना पोरोलते नना मीकु विनंति कीसि वेहानद बतल इत्‍ते, यहुदि आयवोर बल्हा ओरा बत्‍तक ओज्जुवा विचाराल्कुन परकारम ताकंतुरो, अल्हा मिमेट इंदकेटाल मर्रा ताकमट.

इपीसि 5:6

उत्‍तुत्‍ता पोल्‍लें वळ्‍किसि मीकुन बोरन्‍ना पोक्‍कते अरहानायो हुळाट. बारित्‍ते इसोंटा कबाह्कुनहेंकेन पेन दाना आदेस परकारम ताकवोरपोर्रो होंग हुपसंता.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

2 तिमोति 2:16

बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

2 तिमोति 3:13

गानि कराब कियानोर, मुळाहनोर, वेरेतोर्कुंक दोका हीसेक, ओर दोकाते अरसेक इंकिच्‍चो कराब आंतुर.

1 योहान 2:18

पिलाल्‍कुनिटा! इद आकिरता वेला आंद, किरिस्‍तुना पगातोर वायानुर इंचि मिमेट केंजसि मत्‍तिर. अल्‍हेने इंदके किरिस्‍तुना वेल्‍लेटोरे पगातोर वातुर. इदुनहेंदाल, इद आकिरता वेला आंद इंचि मनाकु तेळियंता.

1 योहान 2:26

मीकुन पसांचालय हूळना लोकुल्‍कुना बारेमते नना इव पोल्‍लें मीकु रासेक मंतन.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 20:3

पजा, वेय वर्सां निंडनदाका वेरे-वेरे देसेल्‍कुनोर्कुन बोंकिच्‍चा मन्‍नि इंचि आ दूता दान वेल्‍लेन लोत पोक्‍काते वाटसि बंद कीसि दानपोर्रो सिक्‍कां तंता. वेय वर्सां निंडतस्के जेरासेपताहाटीं दान होळसा पिय्यार.

पेन हुपिस्‍ता पोल्‍लें 20:8

अस्‍के आ देय्यम पलाते वासि, बूमिपोर्रो नालुं मूलाने मनना अन्‍नि देसेल्‍कुनोर्कुन इत्‍ते, गोग, मागोग इनना लोकुल्‍कुन नडेह कीसि लडाइहाटीं जमा कींता. समुद्रमता उस्केलेसीं लेक्‍का परवच्‍चोन लोकुल्‍क ओर मंतुर.