कुलुसि 2:12 - पवित्र पोल्‍ले

¹² अचोने आयाका, मिमेट बापतिस्मा एतताहेंका किरिस्‍तुनतोनि बोंदा दोस्‍ताप आतिट. हातोरव्टेटाल ओन जीवाते तेहाता पेनदा सक्‍ति पोर्रो मिमेट विस्वासम इरताहाटीं ओनतोनि जीवातेगुडा तेदतिट.

कुलुसि 2:12 Iomraidhean Croise

लूकाल 17:5

इल्‍हा येसु वेहतद केंजसि, “मावा विस्वासमतुन बेर्सागोटा सामि,” इंचि ओना प्रेरितुल्क इत्‍तुर.

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

प्रेरितुल्‍कुना कबाह्‍क 2:32

आ येसुन पेने मर्रा जीवा तेहता इंचि मोमोट अंटोरम गवाइ मंतोम.

रोम सहरतोरहाटीं पौलुसना सिट्‍टि 4:24

गानि अद मनाहाटींगुडा मंता. हातोरव्टेटाल येसु सामिन मर्रा जीवाते तेहता पेनदुन मनम विस्वासम कीतोम, इंचि अद मनाकुनगुडा नीतिमंतुल्क इंता.

रोम सहरतोरहाटीं पौलुसना सिट्‍टि 7:4

अय्ते विस्वासुल्‍कुनिटा, इल्हेन मिमेटगुडा बस्के अय्ते किरिस्‍तुनतोनि हातिर अस्‍के मूसाना नियमताल इळबळतिर. इंदके बोर अय्ते हातोरव्टेटाल मर्रा जीवाते तेदतोर आ किरिस्‍तुनतोनि मिमेट कलिया परंतिर. दीनहेंदाल मनम पेनदा सेवाताहाटीं बेसता कबाह्‍क किया परांतोम.

1 कुरेंति 12:13

बारित्‍ते, मनम अंटोरम यहुदिल्क आयिना, युनानि आयिना, दासुल्क आयिना, दासुल्क आयाकोन्‍ना उंदे आत्माहेंदाल, उंदे मेंदुल आयालय बापतिस्मा एततोम, मना अंटोर्क उंदे आत्मा उहमळ जर्गता.

1 कुरेंति 15:20

गानि निजम बतल इत्‍ते, किरिस्‍तु हामुरताल जीवाते तेदतोर. बोर अय्ते विस्वासुल्‍क हासि होत्‍तुर, ओरव्टेटाल जीवाते तेदतोर ओरे मुन्‍नेटोर आंदुर.

गलातिया 3:27

अद बल्हा इत्‍ते, बोर अय्ते किरिस्‍तुना पोरोल्ते बापतिस्मा येतंतुरो, ओर अंटोर किरिस्‍तुने कलियसोत्‍तुर.

इपीसि 2:8

पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

इपीसि 3:17

दीनहेंदाल मीवा विस्वासम परकारम किरिस्‍तु मीवा मनसुने जेगा पीसि मनंतोर. अस्‍के मरा हिह्‍कु बल्हा बूमिते लोप्‍पोळ्‍क होंचि मरातुन गट्‍टिगा पीसि मनंतंगो, अल्हेन मिमेटगुडा पेनदा पावरमता पुनादिपोर्रो हिह्‍कुनलेसीं गट्‍टिगा निल्‍सि मंदकिट.

इपीसि 3:7

पेन दाना कुर्पाता वरम परकारम अद नाकु हीता ताकतहेंदाले नना ई बेसता कबुर वेहाना सेवाकुन आतन.

इपीसि 4:5

मना अंटोरा सामि वरोरे, मनम अंटोरम उंदे विस्वासम कींतोम आनि बापतिस्मागुडा उंदे बापतिस्मा एततोम.

इपीसि 5:14

अदुनहाटींगे मरि, “अरे निद्राते मनानोना, हातोराव्टेटाल तेदसि उद्‍दा. किरिस्‍तुना वेलगु नीपोर्रो मेर्संता,” इंचि रासि मंता.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

कुलुसि 1:29

इदुनहाटीं किरिस्‍तुना पूरा ताकत नावा लोप्पो गट्‍टिगा कबळ कीसेके मंता, दानाहेंदाल नना मनसु दोस्‍सि बागा कस्‍टम कीसेके मंतन.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 6:2

बापतिस्माता बारेमते करियमळ, तल्‍लापोर्रो कय इरमळ, हासि मर्रा जीवाते तेदमळ आनि बस्‍केळ्‍ताहाटीं मनना न्‍यायम बारेमते करियमळ, इसोंटा किरिस्‍तुना बारेमते सुरुवने करियता बोदाना बारेमते मीकु मर्रा-मर्रा वेहाना अव्‍सरम हिल्‍ले.

1 पत्रु 3:21

आ एताल पिस्ता आनवल इत्‍तेने बापतिस्मा आंद. बापतिस्मा एतमळ इत्‍ते मेंदुलता मुर्कि होनालय आयो गानि येसु किरिस्‍तु हासि मर्रा जीवाते तेदताहेंदाल मनाकुन पिसागोटसि, विवेक बुद्‍दिताहाटीं पेनदुन विनंति कियाना करार आंद.