कुलुसि 1:9 - पवित्र पोल्‍ले

⁹ अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 1:9 Iomraidhean Croise

योहान 7:17

मीवा लोप्पोटाल बोरे आयिर, पेनदा इच्‍चा मत्‍ताप ताकंतन इनकुनानय्ते, नना कराहना पोल्‍लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.

प्रेरितुल्‍कुना कबाह्‍क 12:5

इल्‍हा पत्रुन ओर जेलने वाटसि इरतोर. गानि ओनाहाटीं कलिसियातोर मात्रम आगाकोंटा उंदेतीर पेनदुक पारतना कीसेके मत्‍तुर.

रोम सहरतोरहाटीं पौलुसना सिट्‍टि 12:2

मिमेट इद दुनियातोर पिसताप पिस्‍सामन्‍नि गानि मिमेट मीवा मनसु मार्सकुंचि पेनदुक नच्‍चना पिस्वर पिस्‍सट. अस्‍के पेनदा इच्‍चा बतलो एरपाट कींतिर. एरपाट कीसि, “अद इच्‍चा वेल्‍लेन बेसतद, कुसि हियानद, बतले तप्पु हिलवद,” इंचि मीकु तेळियंता.

1 कुरेंति 1:5

किरिस्‍तुना गवाइ मीलोप्‍पो गट्‍टिगा मत्‍ता इंचि, मिमेट अन्‍नि तीरुकुने वळ्कुमळते आनि बुद्‍दिते निंडिस होत्‍तिर.

इपीसि 1:8

अद मना बुद्‍दिक, तेल्‍विक हालानाल दाना दया हियमळ जर्गता.

इपीसि 5:10

इंका बतल कीते सामिंकु कुसि दोर्कार, इंचि सामिन कूस कियाना विचारमतेन बस्‍केळ्‍क मंटु.

इपीसि 5:17

अदुनहाटीं सामिना इच्‍चा बतल मंतानो, बेस एरपाट कीसि ताकट, बुद्‍दि हिल्‍वोरलेसीं मनमट.

इपीसि 6:6

सिराप लोकुल्‍क कूस आयगोम इंचि हुप्‍सालय सेवा कियानोरलेसीं मिमेट कियमट. दानकु बदुल, पेनदा इच्‍चा परकारम किरिस्‍तुना सेवा कियाना दासुल्‍कुनलेसीं मनसु तासि कबळ कीम्‍टु.

पिलिपिया 1:4

बेसता कबुर केंजसि विस्वासम कीता रोजुनाल अय्ते इदवेरदाकागुडा बेसता कबुरतुन वेहना नावा कबळते मिमेट नाकु तोळ मंतिर. अदुनहाटीं नना बस्के-बस्के अय्ते पारतना कींतन अस्‍के-अस्‍के वेल्‍लेन कुसिते मीवाहाटीं पारतना कींतन.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 5:17

बस्‍केळ्‍क पारतना कीसेके मंटु.

2 तेसलोनि 1:11

इदुनहाटीं, मना पेन मीकुन बताहाटीं अय्ते केयता अदुनलायक मिमेट मनालय, अन्‍नि बेसता कबाह्‍क पूरा कियालय आनि विस्वासमतव पूरा कबाह्‍क पेनदा ताकततोनि पूरा आयालय मोमोट मीवाहाटीं बस्‍केळ्‍क पारतना कीसेके मंतोम.

पिलेमोन 1:4

पिलेमोन, सामि येसुना पोर्रोटा नीवा विस्वासम बारेमते, अल्‍हेने पेनदा लोकुल्‍कुनपोर्रो निमे हुप्‍सना पावरम बारेमते नना केंजतन. अदुनहाटीं नना पारतना कियनेंके बस्‍केळ्‍क नीकुन मति कीसि पेनदुक दन्यवाद वेहंतन.

पिलेमोन 1:6

येसु किरिस्‍तुना अन्‍नि बेसता पोल्‍लेना तेल्वि, नीकु दोर्कताहाटीं वेरेतोरगुडा नी विस्वासमते पोत्‍तु आयागोम इंचि नना पारतना कीसेक मंतन.

इब्रि 10:36

मिमेट दैरनेमते सहन कियमळ अव्‍सरमे मंता, अल्हा मत्‍तेन मिमेट पेनदा इच्‍चातुन पुरागा किया परकिट आनि पेन मीकु बतल अय्ते हींतन इंचि पोल्‍ले हीतानो अद मीकु दोर्कार.

याकोब 1:5

गानि मीवा लोप्पोटाल बोनकन्‍ना बुद्‍दि तक्‍को मत्‍ते पेनदुन तल्‍कट, अस्‍के पेन हींता. बारित्‍ते अद बतले तप्‍पु दोस्‍साका, तल्कतोर अंटोर्कुंक वेल्‍लेने हींता.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.

1 पत्रु 2:15

बारित्‍ते, मीवां बेसता कबाह्‍कुन हूळसि, तेल्वि तक्‍को लोकुल्‍कुना तोड्‍डि बंद कियाना इंचि पेनदा इच्‍चा मंता.

1 पत्रु 4:2

ओर वायाना रोजकुने मेंदुल्ता इच्‍चाना परकारम आयो गानि पेनदा इच्‍चा परकारम पिस्संतोर.

1 योहान 2:17

ई दुनिया, दुनियाताल वाता इच्‍चां, इव रोंडगुडा माय्‍सि होनानुं, गानि बोर अय्ते पेनदा पोल्‍लेपोर्रो ताकंतोरो, ओर मात्रम बस्‍केळ्‍क पिस्सि मनानुर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.