कुलुसि 1:7 - पवित्र पोल्‍ले

⁷ आ बेसता कबुर मावा पावरमगल्‍ला इपप्रासुनाहेंदाल मिमेट करियतिर. ओर मावातोनि कलियसि कबळ कियानोर आनि मीवाहाटीं किरिस्‍तुना विस्वासमलायक सेवक आंदुर.

कुलुसि 1:7 Iomraidhean Croise

मत्‍तयाल 18:29

पजा आ जीतागाल मुन्‍नेटा ओना दंटाता जीतागाना काल्कुना पोर्रो अर्सि विनंति कीसि, “निमे कोन्‍नि रोजकु ओप्के पीम, नना नीवा बाकीं नीकु हींतन,” इंचि इत्‍तोर.

मत्‍तयाल 24:45

मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक सेवक मालाकुंक गावाले. अय्ते असोंटा सेवक बोर मंतोर? बोर सेवक अय्ते, मालक मल्सि वातस्के वेहता कबळ बरोबर कीसेक मनांतोर, ओरे सेवक बेस आसिर्वाद दोर्कुतोर आंद.

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

1 कुरेंति 4:17

इदे पोल्‍ले वेहनाहाटीं नना पावरम कियानोर आनि सामिना लोप्पो नावा विस्वासमगल्‍ला मर्रिनसंटोर तिमोतिन मिहगा लोहतन. नना किरिस्‍तु येसुना बक्‍तिते बल्हा ताकसेक मंतानो, अल्‍हेने अन्‍नि जेगाना कलिसियाने नना कराहना बोदाता बारेमते ओर मीक मति कीसि हींतोर.

1 कुरेंति 4:2

अल्‍हेने पेनदा मर्ममता देकरेक कियानोर विस्वासम कियानालायक मनमळ गावाले.

1 कुरेंति 7:25

मरमिं आयववुना बारेमते सामि नाकु बतले आदेस हिया हिल्‍लोर, गानि नावा मनसुना पोल्‍ले मीक वेहसेक मंतन. सामिना दयाहेंदाल, नना दान बरोसा कींतन.

2 कुरेंति 11:23

ओर किरिस्‍तुना सेवाकुल्क आंदुरा? नना ओर्कन्‍ना एक्‍को किरिस्‍तुना सेवा कियानोन आंदुन इंचि पिस्‍सनलेसीं इंचेके मंतन. ओर्कन्‍ना एक्‍को कस्‍टम कीतन, ऊके-ऊके जेलुंक होनुंदुन, देब्बां तिनुंदुन, बच्‍चुंगो मल्कां हायाना वेला वासि मत्‍ता.

इपीसि 5:21

मनसुने किरिस्‍तुना वेर्रे इर्सि वरोंक-वरोर लोंगिस मंटु.

पिलिपिया 2:25

नाकु अव्‍सरम अरतस्के सहायम कियनाहाटीं मिमेट इपपरदिसुन नाहेके लोहतिर. बेसता कबुर वेहनेंके वरोर सिपाइन लेह्का ओर नावा तोळ मत्‍तोर आंदुर, ओर नावा तम्मुनसंटोर आंदुर. गानि ओन मर्रा मीहेके लोहना इंचि नावा मनसु मंता. मीकुन हूळालय ओर इरगा गाबर आसंतोर. ओर बिमार अरता संगति मिमेट केंजतिर इंचि ओन्क तेळियतस्के ओर वेल्‍लेन नाराज आतोर.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

कुलुसि 4:7

पावरमगल्‍ला तुकिकुस दादल विस्वासमलायक सेवक आंदुर. ओर नावा बारेमते अन्‍नि पोल्‍लें मीक वेहांतोर, ओर नावातोनि कलियसि सामिन लोप्पो सेवा कियानोर आंदुर.

कुलुसि 4:9

नना ओनतोनि मीवा लोप्पोटोरे विस्वासमलायक, पावरमगल्‍ला उनेसिम दादानगुडा लोहतन, ओर इग्‍गेटव अन्‍नि पोल्‍लें मीक वेहानुर.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

पिलेमोन 1:23

किरिस्‍तु येसुनाहाटीं जेलने अरता एपप्रास इनानोर इग्‍गे नातोनि मंतोर, ओर मीकु जोहार वेहचंतोर.

इब्रि 2:17

इदुनाहाटींगें येसुंक अन्‍नि तीरकुने ओना तम्मुह्‍क-हेलाह्‍कुनलेसीं रूपम येतमळ अव्‍सरम मत्‍ता. इल्‍हा रूपम येतते ओर पेनदा मुन्‍ने सेवा कियाना वरोर दयागल्‍लोड आनि विस्वासमलायक पेद्‍दा पेर्मल आंतोर. अस्‍केन ओर लोकुल्‍कुना पापाल्कुनाहाटीं मोक्‍कु हिय्या पर्रंतोर.

इब्रि 3:2

पेनदा पूरा कुटुंबमते मूसाल अन्‍नि कबाह्‍कुने विस्वासमलायक मत्‍तोर, अल्‍हेने येसुगुडा ओन निल्‍हाता पेनदाहाटीं विस्वासमलायक मत्‍तोर.