कुलुसि 1:5 - पवित्र पोल्‍ले

⁵ मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

कुलुसि 1:5 Iomraidhean Croise

लूकाल 12:33

अय्ते मिमेट मिहगा मत्‍ता आस्तिनअंता अम्मिसि, गरिबोर्कुंक दान-दर्मम कीसि, बस्‍केने पडन आयाकोंटा मनना कोत्‍ताना संचितुन दोर्किच्‍कुंट. इंका मिमेट मीवाहाटीं स्वर्गमते दनम जमा कीम्‍ट. अगा बोर दोंगलगुडा वायोर, दानकु सेदेलगुडा पिय्यो.

प्रेरितुल्‍कुना कबाह्‍क 10:36

येसु किरिस्‍तु अंटोरा सामि आंदुर. ओनहेंदाल पेन दाना सांतिता बेसता कबुर इस्राएलता लोकुल्‍कुंक हीता, अद कबुर इदे आंदु.

प्रेरितुल्‍कुना कबाह्‍क 13:26

मावा दादालोरिटा, अब्राहामुना वंसमतोरिटा आनि पेनदुक वेरियना वेरे जातितोरिटा! मुक्‍ति हियना बेसता कबुरतुन पेन मनागा लोहचीता.

प्रेरितुल्‍कुना कबाह्‍क 23:6

अगा यहुदिल्कुना पंचादिते उद्‍दिसि मत्‍ता लोकुल्‍कुने इच्‍चुर सदुकिर आनि इच्‍चुर परिसिल्कु मंतुर इंचि पौलुसुंक तेळियतस्के, ओरा मुन्‍ने जोरसे वरगेय्‍सि, “दादालोरिटा! नना परिसिन आंदुन. नावा तादल-बाबोगुडा परिसिल्कु आंदुर. हातोर मर्रा जीवाते तेदांतुर इत्‍ता ओरा आसेतुन नना विस्वासम कीताहाटीं मीवा मुन्‍ने निल्‍सि मंतन,” इंचि इत्‍तोर.

प्रेरितुल्‍कुना कबाह्‍क 24:15

नीतिते ताकानोर, नीतिते ताकवोर इव्वुरगुडा हातोरा लोप्पोटाल मर्रा जीवाते तेदांतुर इंचि ईर आसे इरताप, ननागुडा पेनदापोर्रो आसे इरंतन.

1 कुरेंति 13:13

इंदके विस्वासम, आसे, पावरम इव मूड पोल्‍लें बस्‍केळ्‍क मनानवे आंदुं, गानि इव्टेटाल पावरम अन्‍निंकन्‍ना पेद्‍दा पोल्‍ले आंद.

1 कुरेंति 15:19

सिराप इद बूमिपोर्रोटा पिस्वरहाटींगे किरिस्‍तुनपोर्रो मना आसे इरते, मना गति अंटोर मनकालोर्कुंकन्‍ना एक्‍को गोसातद आयार.

2 कुरेंति 5:19

अद बल्हा इत्‍ते, लोकुल्‍कुना पापाल्क लेक्‍का पिय्याकेन, ओर्कुन किरिस्‍तुना हामुरताहेंदाल दानतोनि कल्‍पता. इल्‍हा कल्‍पना पोल्‍लेतुन लोकुल्‍कुनगा ओयालय माकुन निल्‍हाता.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

गलातिया 2:14

पजा ओर बेसता कबुरता सत्‍तेमतुन एरपाट कीसि ताकसेक हिल्‍लुर इंचि नाकु तेळियतस्के नना केपन, “निमे यहुदि जातितोन आसिगुडा यहुदिल्कुना रीति-रिवाजकुन पीसि ताकसेक हिल्‍लिन. असोंटस्के यहुदि आयवोर्कुन यहुदिल्कुना रीति-रिवाजकुन पीसि ताकालय बारि जबरदस्‍ति कीसंतिन?” इंचि अंटोर मुन्‍नेन पूसकीतन.

गलातिया 2:5

गानि येसु सामिना बेसता कबुरता सत्‍तेम बस्‍केळ्‍क मीलोप्‍पो मनना इंचि मोमोट मात्रम ओरा पोल्‍लेन असले नम्मा हिल्‍लोम.

गलातिया 5:5

बारित्‍ते मनम विस्वासमताहेंदाल पेनदा मुन्‍ने नीतिमंतुल्क आतोम इंचि आसे इरतोम. अदे आसेताहाटीं आत्मा बलमते दाना एदुर हूळसेक मंतोम.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

इपीसि 4:21

मिमेट निजमे किरिस्‍तुना बारेमता पोल्‍लें केंजतिर. अचोने आयाका येसुना बारेमता सत्‍तेमतुन, बल्हा मत्‍तद अल्हे करियतिर.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

1 तिमोति 1:15

पापिर्कुन पिसागोटनाहाटीं येसु किरिस्‍तु इद दुनियाते वातोर. ई पोल्‍ले सत्‍तेम आनि पूरा ओप्कुननालायक मंता. अंटोर्कन्‍ना पेद्‍दा पापिन नना आंदुन.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

1 पत्रु 2:2

इंदके पुटता पसिबाला बल्हा पाल उन्‍नालय तनलाळंता, अल्‍हेने मिमेटगुडा बेसता पाललेसीं मनना पेनदा पोल्‍लेताहाटीं तनलाळट. अल्हा तनलाळते मिमेट मुक्‍तिहाटीं पेनदा पोल्‍ले परकारम बेरस्सेक दांतिट.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.

2 पत्रु 1:12

अदुनहाटींगे, इव पोल्‍लें मीक तेळियसि मनिना, मीकु दोर्कता सत्‍तेमते मिमेट गट्‍टिगा निल्‍सि मनिना, नना मीकु बस्‍केळ्‍क मति कीसि हीसेक मनंतन.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.