प्रेरितुल्‍कुना कबाह्‍क 9:4 - पवित्र पोल्‍ले

⁴ अल्हा आता आयमळ ओर बूमिपोर्रो अरतोर. पजा ओन्क, “साऊल, साऊल निमे नाकुन बारि तकलिप कीसंतिन?” इंचि इत्‍ताप उंदि अल्किर केंजावाता.

प्रेरितुल्‍कुना कबाह्‍क 9:4 Iomraidhean Croise

मत्‍तयाल 25:40

अस्‍के राजाल, “नना मीकु निजम वेहासेक मंतन, इगे मत्‍ता नावा कदर हिलुवा विस्वासुल्‍कुनाल बोन वरोन बेस हूळिना, नाकुन बेस हूळतापे,” इंचि ओर्कुन इनानुर.

लूकाल 10:41

अस्‍के सामि दानकु इल्‍हा जवाब हीतोर. “मार्ता, निमे वेल्‍लेन कबाह्‍कुना बारेमते विचारम कीसि गाबर आंतिन.

योहान 18:6

येसु ओर्कुन, “ओन ननाने आंदुन,” इंचि इत्‍तस्के, ओर पजोळ्क जरगिसि बूमिपोर्रो अरतुर.

योहान 20:16

अय्ते येसु, “मरियम,” इंचि दान केयतोर. अस्‍के मरियम ओनहेके तिरियसि हूळसि, दाना इब्रानि बासाते, “रबोनि” इंचि इत्‍ता.

योहान 21:15

अंटोरा तिनुळ आतास्के येसु सिमोन पत्रुन, “योहानुना मर्रि सिमोनु, ईर अंटोरकन्‍ना निमे नाकुन एक्‍को पावरम कींतिना?” इंचि पूसकीतोर. अस्‍के सिमोन, “हो सामि! नना नीकुन पावरम कींतन इंचि नीकु एर्के मंता,” इंचि इत्‍तोर. “अय्ते निमे नावा गोर्रे पोरिह्कुन मेहा,” इंचि येसु पत्रुंक वेहतोर.

प्रेरितुल्‍कुना कबाह्‍क 5:10

ओर अल्हा इत्‍ता इन्‍मळे अद ओना काल्‍कुन मुन्‍ने अर्सि अल्हेन जीवा होळसीता. पजा दाना मुय्दोन बोंदा दोस्ता लेय्युर्क लोप्पो वासि हूळतस्‍के अद मुरतळ हासि दिसता. ओर दान इंका तेहकुंचि ओसि दाना मुय्दोना पक्‍काते बोंदा दोस्तुर.

प्रेरितुल्‍कुना कबाह्‍क 9:5

अस्‍के, “सामि! निमे बोन आंदिन?” इंचि साऊल पूसकीतोर. अस्‍के, “निमे बोन अय्ते तकलिप कीसंतिनो नना आ येसुन आंदुन.

रोम सहरतोरहाटीं पौलुसना सिट्‍टि 11:22

नना वेहानद बेस केंजट. मिमेट पेनदा दयातुन, दाना होंगुन बेस एरपाट कीम्‍टु. बोर अय्ते विस्वासमताल पजोळ्क आतुर, ओरापोर्रो पेन होंग हुपिस्‍ता. गानि मिमेट विस्वासमते ताकसेकेन मंतिर इंचि मीवापोर्रो पेनदा दया मंता. हिलाकोंटे मीकुनगुडा कोम्मन नर्किसि पोहताप तेंडसि पोहंता.

1 कुरेंति 12:12

मना मेंदुल उंदे गानि अवने बागाल्क वेरे-वेरे मंतां. अवन्‍नि बागाल्क वेल्‍लेने मनना गानि उंदे मेंदुल्तव आंद, अल्‍हेने किरिस्‍तुगुडा मेंदुललेसीं मंतोर.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?