प्रेरितुल्‍कुना कबाह्‍क 9:18 - पवित्र पोल्‍ले

¹⁸ अस्‍केने ओना कळ्‍कुनाल बतलो पोर्रानसंटव रालसि, ओर हूळालय दल्‍गुतोर. पजा तेदसि बापतिस्मा एततोर.

प्रेरितुल्‍कुना कबाह्‍क 9:18 Iomraidhean Croise

प्रेरितुल्‍कुना कबाह्‍क 2:38

अस्‍के पत्रु, “मिमेट कीता पापाल्क मापि आयगोम इंचि मनसु मार्सकुंचि पेनदाहेके तिरियट, मिमेट अंटोर येसु किरिस्‍तुना पोरोलते बापतिस्मा एतट. अल्हा कीतिरित्‍ते मीकु पवित्र आत्माता वरम दोर्कंता.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

प्रेरितुल्‍कुना कबाह्‍क 22:13

ओर नाहेके वासि, नावा दग्‍गेरा नित्‍तिसि, “साऊल दादा! नीवा कळकु मर्रा दिस्सींकांटी,” इंचि इत्‍तोर. ओर अल्हा इत्‍ता इन्‍मळे नावा कळकु दिसालय दल्‍गतां. नना ओन हूळतन.

प्रेरितुल्‍कुना कबाह्‍क 22:16

अय्ते इंदके आलसेम बारि कीसंतिन? तेदसि बापतिस्मा एतसि, सामिना पोरोलते पारतना कीम, अस्‍के ओर नीवा पापाल्कुन नोर्रांतोर,” इंचि इत्‍तोर.

प्रेरितुल्‍कुना कबाह्‍क 9:17

अस्‍के हनन्‍याल अगटाल पेय्सि साऊल बद लोते मत्‍तोरो अद लोन होत्‍तोर. होंचि ओनपोर्रो कय इर्सि, “साऊल दादा, निमे हर्रि पीसि वायानेंके नीकु दिसतोर हूळा! आ येसु सामिए नीकु मर्रा कळकु दिसगोम, निमे पवित्र आत्माते पुरागा निंडिस होनगोम इंचि नाकुन लोहतोर,” इल्‍हा वेहतोर.

प्रेरितुल्‍कुना कबाह्‍क 9:19

गाटो तित्‍तस्के ओन्क ताकत वाता. इल्‍हा ओर कोन्‍नि रोजकु दमिस्‍कते मत्‍ता सिस्युल्कुनतोनि अग्गेन मत्‍तोर.

प्रेरितुल्‍कुना कबाह्‍क 9:8

अस्‍के साऊल बूमिपोर्रोटाल तेदसि कळ्‍क उस्मिसि हूळते अगा ओन्क बतले दिसा हिल्‍ले. पजा ओनतोनि मत्‍तोर ओना कय पीसि दमिस्‍कते ताकिच्‍चेके ओतुर.

2 कुरेंति 3:14

इस्राएल लोकुल्‍कुना मनसुक गट्‍टिगा आसि होत्‍तां. इव रोजकुनेगुडा बस्के अय्ते ओर पळाना नियम हदवंतुर, अस्‍के अदे मुस्‍कु ओरा मनसुन मुच्‍चंता. सिराप किरिस्‍तुनपोर्रो विस्वासम इरते, किरिस्‍तुए ओरा मुस्‍कुन तेंडा परांतोर.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.