प्रेरितुल्‍कुना कबाह्‍क 8:12 - पवित्र पोल्‍ले

¹² गानि पेनदा राज्येम आनि येसु किरिस्‍तुना पोरोलता बारेमते पिलिपुस वेहता बेसता कबुर केंजसि मुर्ताह्क-मांडसा नम्मिसि बापतिस्मागुडा एततुर.

प्रेरितुल्‍कुना कबाह्‍क 8:12 Iomraidhean Croise

मत्‍तयाल 28:19

अदुनहाटीं मिमेट होंचि दुनियाता अन्‍नि देसेल्‍कुना लोकुल्‍कुन सिस्युल्क कीम्‍टु. ओर्कु बाबाना पोरोलते, मर्रिना पोरोलते आनि पवित्र आत्माता पोरोलते बापतिस्मा हीम्टु.

लूकाल 9:2

पजा येसु ओर्कुन, पेनदा राज्येम बारेमते बेसता कबुर वेहालय, बिमार मत्‍तोर्कुन बेस कियालय लोहतोर.

लूकाल 9:60

अस्‍के येसु ओन इत्‍तोर, “बोर अय्ते हाताप मंतुरो, ओरे ओरा हातोरा गति किय्‍यिर. निमे मात्रम होंचि पेनदा राज्येम बारेमता बेसता कबुर वेहा.”

प्रेरितुल्‍कुना कबाह्‍क 1:3

येसु हासोंचि तिरियसि तेदतस्‍के, “नना पिस्सि मंतन,” इंचि प्रेरितुल्कुंक गट्‍टिगा रुजुव कीसि हुपिस्तोर. ओर नल्‍पै रोजकुनदाका ओर्क दिस्सेक, पेनदा राज्येम बारेमते वेहासेक मत्‍तोर.

प्रेरितुल्‍कुना कबाह्‍क 11:20

ई विस्वासुल्कुनाले इच्‍चुर विस्वासुल्‍क साइप्रस आनि कुरेनि इनना सहरतोर मत्‍तुर. ओर अंताकियाक होंचि येसु सामिना बेसता कबुर युनानि लोकुल्‍कुंकगुडा वेहतुर.

प्रेरितुल्‍कुना कबाह्‍क 18:8

यहुदिल्कुना दर्मसास्‍त्रम कराहना लोतुक अदिकारि मत्‍ता वरोर क्रिसपुस पोरोलता मनकल, ओना लोतोर अंटोर सामिना पोर्रो विस्वासम कीतुर. अचोने आयका कुरेंति सहरतोर वेल्‍लेटुर लोकुल्‍क पौलुसना पोल्‍लें केंजसि, सामिनपोर्रो विस्वासम इर्सि, बापतिस्मा एततुर.

प्रेरितुल्‍कुना कबाह्‍क 19:5

इद केंजिस ओर येसु सामिना पोरोलते बापतिस्मा एततुर.

प्रेरितुल्‍कुना कबाह्‍क 2:38

अस्‍के पत्रु, “मिमेट कीता पापाल्क मापि आयगोम इंचि मनसु मार्सकुंचि पेनदाहेके तिरियट, मिमेट अंटोर येसु किरिस्‍तुना पोरोलते बापतिस्मा एतट. अल्हा कीतिरित्‍ते मीकु पवित्र आत्माता वरम दोर्कंता.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

प्रेरितुल्‍कुना कबाह्‍क 20:21

पापाल्कुनाल मनसु मार्सकुंचि पेनदाहाटीं पिस्‍सट, अल्‍हेने मना येसु सामिना पोर्रो विस्वासम कीम्‍टु इंचि नना यहुदिल्कुंक, युनानि लोकुल्‍कुंक गवाइ हीसि वेहुंदुन.

प्रेरितुल्‍कुना कबाह्‍क 20:25

नना मी अंटोरतोनि कलियसि मंचि मीकु पेनदा राज्येमता बारेमते कराहसेक तिरियतन. मीवाव्टेटाल बोरेगुडा नाकुन मर्रा बस्‍केने हूळा पर्रिर इंचि नाकु एर्के.

प्रेरितुल्‍कुना कबाह्‍क 28:31

वेरियाकोंटा, आगाकोंटा पेनदा राज्येम बारेमते वेहुंदुर, येसु किरिस्‍तुना बारेमते कराहुंदुर.

प्रेरितुल्‍कुना कबाह्‍क 5:14

अयना वेल्‍लेन मंदि मुर्ताह्क-मांडसा सामिन विस्वासम कीसि ओरगा वासि कलियुंदुर, इल्‍हा एक्‍कोते एक्‍को मंदि बेरस्सेक होत्‍तुर.

प्रेरितुल्‍कुना कबाह्‍क 8:4

गानि सिलर-सिलर आसि होत्‍ता विस्वासि लोकुल्‍क मात्रम बगा-बगा अय्ते होत्‍तुरो अगा-अगा ओर लोकुल्‍कुंक पेनदा बेसता कबुर वेहुंदुर.

रोम सहरतोरहाटीं पौलुसना सिट्‍टि 10:10

बारित्‍ते मनम मनसुनाल विस्वासम कीतोम इंचि मनाकुन पेन नीतिमंतुल्क कींता. तोळ्‍दाल ओप्कुत्‍तोम इंचि मनाकु पेन मुक्‍ति हींता.

1 कुरेंति 11:11

अय्नागानि पेनदा लोप्पो मांडसा हिल्वा मुरतळ मंदा पर्रो, मुरतळ हिल्वा मांडसा मंदा पर्रोर.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

1 पत्रु 3:21

आ एताल पिस्ता आनवल इत्‍तेने बापतिस्मा आंद. बापतिस्मा एतमळ इत्‍ते मेंदुलता मुर्कि होनालय आयो गानि येसु किरिस्‍तु हासि मर्रा जीवाते तेदताहेंदाल मनाकुन पिसागोटसि, विवेक बुद्‍दिताहाटीं पेनदुन विनंति कियाना करार आंद.