प्रेरितुल्‍कुना कबाह्‍क 6:1 - पवित्र पोल्‍ले

¹ इल्‍हा विस्वासुल्‍क वेल्‍लेन बेर्स्‍सेक होत्‍तुर. अय्ते अवे रोजकुने युनानि बासा वळ्‍काना यहुदिल्कु, इब्रानि बासा वळकाना यहुदिल्कुनतोनि, “रोज हिय्यना गाटोता बारेमते मावा मुंडामोस्ता मुरताह्कुनहेके बेस हूळसेक हिल्‍लिर,” इंचि जगडम दोस्तुर.

प्रेरितुल्‍कुना कबाह्‍क 6:1 Iomraidhean Croise

मत्‍तयाल 23:13

अरे डोंगि परिसिल्क आनि दर्मसास्‍त्रम कराहना गुरुल्कुनिटा, मीक गोसा तप्‍पो. स्वर्ग राज्येमते होनानोरा हर्रि मिमेट बंद कीतिर. मिमेट अय्ते होन्‍निर, होनानोर्कुनगुडा होन्‍ना हिय्यिर.

प्रेरितुल्‍कुना कबाह्‍क 11:20

ई विस्वासुल्कुनाले इच्‍चुर विस्वासुल्‍क साइप्रस आनि कुरेनि इनना सहरतोर मत्‍तुर. ओर अंताकियाक होंचि येसु सामिना बेसता कबुर युनानि लोकुल्‍कुंकगुडा वेहतुर.

प्रेरितुल्‍कुना कबाह्‍क 11:26

अगा ओन दोर्किच्‍कुंचि अंताकियाक पीसि वातोर. अगा ओर इव्वुर अगाटा कलिसियातोर्क कलियसेके, वेल्‍लेन लोकुल्‍कुंक कराहसेके मत्‍तुर. इल्‍हा ओर इव्वुर उंदि एडादिमेड अंताकियातेन मत्‍तुर. अय्ते मोट्‍टा मोदाला सिस्युल्कुन “किरिस्‍तुनोर” इंचि इन्‍मळ ई अंताकियातेन जर्गुता.

प्रेरितुल्‍कुना कबाह्‍क 11:29

अस्‍के अंताकियाते मत्‍ता अंटोर सिस्युल्क ओरा-ओरा एलवान परकारम यहुदियाते मनना विस्वासुल्कुंक सहायमहाटीं बतलन्‍ना लोहना इंचि निरनायम एततुर.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

प्रेरितुल्‍कुना कबाह्‍क 2:45

अचोने आयका ओरा सम्‍सारमतुन, सामानतुन अम्मिसि अव्‍सरम मत्‍तोर्कुंक तूसि हियुंदुर.

प्रेरितुल्‍कुना कबाह्‍क 2:47

ओर रोज पेनदा स्‍तुति कियुंदुर, अंटोर ओरतोनि कूस मत्‍तुर. पापमताल मुक्‍ति दोर्कतोर्कुन, सामि विस्‍वासुल्‍कुने कल्‍पुंदुर.

प्रेरितुल्‍कुना कबाह्‍क 4:4

गानि बोर अय्ते ओरा पोल्‍लें केंजतुरो, ओराव्टेटाल वेल्‍लेन मंदि येसुनपोर्रो विस्वासम कीतुर. विस्वासम कीतोरा लोप्पोटाल मांड्‍सा दग्‍गेर-दग्‍गेरा हेय्युं वेयकुनदाका आतुर.

प्रेरितुल्‍कुना कबाह्‍क 5:14

अयना वेल्‍लेन मंदि मुर्ताह्क-मांडसा सामिन विस्वासम कीसि ओरगा वासि कलियुंदुर, इल्‍हा एक्‍कोते एक्‍को मंदि बेरस्सेक होत्‍तुर.

प्रेरितुल्‍कुना कबाह्‍क 5:28

“ई येसुना पोरोलते करुहमट इंचि मोमोट मीकु कडक आदेस हिय्‍यिना गानि मिमेट पूरा येरुसलेम अंता ओना पोरोलते कराहतिर. अचोने आयाका ओन मोमोटे हव्कतोम इंचेके मावा पोर्रो तप्पु दोसालय हूळसेक मंतिर,” इंचि इत्‍तोर.

प्रेरितुल्‍कुना कबाह्‍क 6:2

अस्‍के आ पन्‍नेंड मंदि प्रेरितुल्क अंटोर विस्‍वासुल्‍कुन उंदगा केय्‍सि, “पेनदा पोल्‍लें कराहमळ पक्‍कक इरसि गाटो पंचि तासेक मनमळ मावाहाटीं बेस आयो.

प्रेरितुल्‍कुना कबाह्‍क 6:7

इल्‍हा पेनदा पोल्‍ले वेल्‍लेन मंदिक एवसेक होत्‍ता. येरुसलेमते विस्वासुल्कगुडा वेल्‍लेन आतुर. अचोने आयका वेल्‍लेन मंदि यहुदि पेर्मालोर्कगुडा विस्वासमते वातुर.

प्रेरितुल्‍कुना कबाह्‍क 9:29

ओर युनानि बासा वळ्‍काना यहुदिल्कुनतोनि सामिना बारेमते वळ्‍कुंदुर, चर्चा कियुंदुर. गानि ओर मात्रम ओन हव्कालय हूळतुर.

प्रेरितुल्‍कुना कबाह्‍क 9:39

अस्‍के पत्रु बिराना तयार आसि ओरतोनि होत्‍तोर. ओर अगा एव्ता-एव्‍वुडे ओन मिद्‍दे पोर्रोटा अर्राते ओतुर. अगा ओर होत्‍तस्के अगा मत्‍ता मुंडामोस्ता मुर्ताह्क, दोरकस अवुनतोनि मननेंके कुट्‍ता अंगिं आनि कपडिं पत्रुंकु हूपिच्‍चेके ओन सुट्‍टु आसि अळालय दल्‍गतां.

प्रेरितुल्‍कुना कबाह्‍क 9:41

पजा अद दाना काल्कुनपोर्रो नित्‍तालय कय हीसि सहायम कीतोर. पेनदा लोकुल्‍कुन, मुंडामोस्ता मुर्ताह्‍कुन केय्‍सि जीवाते मत्‍ता तबितान ओर्कु हुपिस्तोर.

रोम सहरतोरहाटीं पौलुसना सिट्‍टि 12:7

सेवा कियना वरम दोर्कतोर ओर विस्वासमते सेवा कियगोम, पेनदा पोल्‍लें कराहना वरम दोर्कतोर ओर विस्वासमते पेनदा पोल्‍लें कराहना कबळ कियगोम.

1 कुरेंति 10:10

ओरागटाल इच्‍चुर गुल्‍गुंदुर, नासडेम कियाना दूता हेंदाल ओर नासडेम आतुर. ओरालेसीं मिमेट गुल्‍गमट.

2 कुरेंति 11:22

ओरद-ओर इब्रि जातितोर्कुम इंचि इंतुर, ननागुडा इब्रि जातितोने. ओर इस्राएल मनकालोर्कुम इंतुर, ननागुडा इस्राएल मनकने. ओर अब्राहामुना वंसमतोर्कुम इंतुर, ननागुडा अब्राहामुना वंसमतोने.

पिलिपिया 3:5

अद बल्हा इत्‍ते, नना पुट्ता एनिमिदि रोजकुंके नावा कतना आता, नना इस्राएल देसेमते पुट्ता पिव्‍वर यहुदि जातितोन, बेंजामिनना गोत्रमतोन आंदुन, मूसाना नियमकुन उंदि पोल्‍लेगुडा तप्‍पाकोंटा पीसि ताकाना परिसिल्कुना गुंपुनोन आंदुन, इब्रानि कुंटुबते पुट्ता इब्रानि मनकन आंदुन.

1 तिमोति 5:3

बव मुर्ताह्क अय्ते निजम मुंडामोसि मंतां, अवुना निमे कदर कीम.

1 तिमोति 5:9

मुंडामोस्ता मुरतटा वय्सु अरवै वर्सांकन्‍ना तक्‍को मनानय्ते, आ मुरतटा पोरोल मुंडामोस्ता मुरताह्कुना रजिस्‍टरते रासानायो. अचोने आयका आ मुरतळ मुन्‍ने वरोने मुय्दोन मरमिं आसि मत्‍तद आयगोम.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.

याकोब 4:5

दर्मसास्‍त्रमते वेहता पोल्‍लें एर्तमे इंचि मिमेट इनकुंचंतिरा? बद पवित्र आत्मातुन अय्ते पेन मनालोप्‍पो इरता, अद मना नुकसान आयगोम इंचि कोरंतना?

याकोब 5:9

विस्वासुल्‍कुनिटा! वरोनपोर्रो वरोर चुगलीं वेहमट, अल्हा वेहतिर इत्‍ते मी पोर्रोने दोसेम दोसमळ जर्गंता. हुळाट, न्‍यायम कियानोर गलमातगा नित्‍तिसि मंतोर.