प्रेरितुल्‍कुना कबाह्‍क 5:16 - पवित्र पोल्‍ले

¹⁶ अचोने आयका येरुसलेम सहरता पक्‍का पीसि मत्‍ता नाहकुनाल वेल्‍लेटुर बिमार मत्‍तोर्कुन, देय्याल्क पीतोर्कुन अगा पीसि वायुंदुर. ओर अंटोर प्रेरितुल्कुना कय्‍दे बेस आयुंदुर.

प्रेरितुल्‍कुना कबाह्‍क 5:16 Iomraidhean Croise

मत्‍तयाल 2:16

आ पंचांगम हूळना लोकुल्‍क ओन नाडहे कीतद एरपाट कीसि, हेरोद राजांक इरगा होंग वाता. आ पंचांगम हूळानोराहेंदाल आ पेडल पुटता वेला एर्का कीकुंचि मत्‍ताहेंका बेतलहेम आनि पकापीसि मत्‍ता नाटेने मनना रोंडु वर्सानोर, इंका रोंडु वर्सांकन्‍ना सिन्‍नोर्क अंटोर मांड्‍सा पिलाल्कुन हव्कट इंचि हेरोद राजाल आदेस हीतोर.

मत्‍तयाल 4:24

येसु कियना कबळ पूरा सिरिया देसेमंता तेळियसि होत्‍ता. दानहाटीं तीरतीराता रोगाल्कुनोर, नोप्पिनोर, देय्याल्क पीतोर, कुंदेल रोगमतोर आनि लकवा बिमारतोर इसंटा लोकुल्‍कुन ओनगा तत्‍तुर. येसु ओर अंटोर्कुन बेस कीतोर.

मत्‍तयाल 8:16

पजा पोळ्‍द होंचि लोकुल्‍क देय्याल्क पीतोर्कुन वेल्‍लेन मंदितुन येसुनगा पीसि वातस्के ओर उंदे पोल्‍लेते देय्याल्कुन गेदमिसि, बिमार मत्‍ता अंटोर्कुन बेस कीतोर.

लूकाल 5:17

येसु उंदि रोज वरोन लोन पेनदा पोल्‍लें वेहनेंके, अगा परिसिल्क, आनि दर्मसास्‍त्रम कराहना गुरुल्क उदिस मत्‍तुर. ओर गालिल आनि यहुदिया एरियाना अन्‍नि नाहकुनाल, अल्‍हेने येरुसलेम सहरताल वासि मत्‍तुर. पेनदा ताकत येसु सामिनगा मत्‍ताहेंके बिमारतोर्कुन बेस कियुंदुर.

लूकाल 6:18

ओर अंटोर येसु वेहता पोल्‍लें केंजालय, बिमारकुनाल बेस आयालय वासि मत्‍तुर. बोर्कु अय्ते देय्याल्क पीसि मत्‍तंगो ओरगुडा वासि बेस आतुर.

लूकाल 9:11

गानि येसु बगा मंतोर इंचि लोकुल्‍कुंक तेळियतस्के ओर ओन दोर्काबेटसि ओना पज्जो होत्‍तुर. अय्ते येसु कुसिते ओरतोनि कलियसि ओर्कु पेनदा राज्येमता बारेमते वेहतोर. पजा ओरागटाल बोर्क बेस आयानद मत्‍ता ओर्कुन बेस कीतोर.

योहान 14:12

नना मीकु निजम-निजम वेहासेक, बोर अय्ते नाकुन नम्मंतुर, ओरगुडा नना कियनसोंटा कबाह्‍क कियानुर. अचोने आयका नना कियना कबाह्कुंकन्‍ना पेद्‍दा-पेद्‍दा कबाह्‍क कियानुर. बारित्‍ते नना नावा बाबानाहेके होंचंतन.

प्रेरितुल्‍कुना कबाह्‍क 4:30

रोगाल्क बेस कियालय, नीवा पवित्र सेवक येसुना पोरोलते चिन्‍हां, इचंत्रमता कबाह्‍क किया परालय नीवा कय हाहचि बलम हीम,” इंचि पारतना कीतुर.

प्रेरितुल्‍कुना कबाह्‍क 5:15

प्रेरितुल्कुना कबाह्‍कुन हूळसि लोकुल्‍क बिमार मत्‍तोर्कुन कटुल्‍कुने, केत्‍तिने पत्रु होनना हर्दागा तच्‍चि इर्रुंदुर. पत्रु होननेंके ओना नीडाय्‍ना बिमारतोरा पोर्रो अरते ओर बेस आयनुर इंचि लोकुल्‍कुना आसे मनुंदु.

प्रेरितुल्‍कुना कबाह्‍क 5:17

अस्‍के पेद्‍दा पेर्माल, ओनातोनि मत्‍ता सदुकिर्क, प्रेरितुल्कुन हूळसि ओरा मनसु मसुलुंदु.

1 कुरेंति 12:9

अदे आत्माताहेंदाल वरोर विस्वासमते गट्‍टिगा मनंतोर, अदे आत्माताहेंदाल इंकावरोंक बिमार्क बेस कियाना वरम हियमळ जर्गंता.

याकोब 5:16

अदुनहाटीं मिमेट वरोना मुन्‍ने वरोर मीवा पापाल्कुन ओप्‍कुंटु, वरोनाहाटीं वरोर पारतना कीम्‍टु, अस्‍के मिमेट बेस आकिट. नीति मनकना पारतनाते वेल्‍लेने ताकत मनंता.