प्रेरितुल्‍कुना कबाह्‍क 4:34 - पवित्र पोल्‍ले

^34-35 ओरा लोप्पो बोनके बतल तक्‍को मनाहिल्‍ले. बूमि, लोहकु मत्‍तोर, अवुन अम्मिसि वाता कोत्‍तन तच्‍चि प्रेरितुल्कुंक हियुंदुर. बोन्क बच्‍चोर गरज मंता अच्‍चोर तूसि हियुंदुर.

प्रेरितुल्‍कुना कबाह्‍क 4:34 Iomraidhean Croise

मत्‍तयाल 19:21

अस्‍के येसु इत्‍तोर. “ओक्‍कला नीकु सत्‍तेमते पुरागा आयानद मत्‍ते, होन, निहगा बतल अय्ते मंता अदुन पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार. पजा नहगा वासि ना पज्जो ताका,” इत्‍तोर.

मरकुस 10:21

येसु ओनहेके हूळतोर. पावरम अनपिच्‍चि, ओन इल्‍हा इत्‍तोर. “निहगा उंदि पोल्‍ले तक्‍को मंता. होन, निहगा बतल अय्ते मंता अदुन पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

लूकाल 12:33

अय्ते मिमेट मिहगा मत्‍ता आस्तिनअंता अम्मिसि, गरिबोर्कुंक दान-दर्मम कीसि, बस्‍केने पडन आयाकोंटा मनना कोत्‍ताना संचितुन दोर्किच्‍कुंट. इंका मिमेट मीवाहाटीं स्वर्गमते दनम जमा कीम्‍ट. अगा बोर दोंगलगुडा वायोर, दानकु सेदेलगुडा पिय्यो.

लूकाल 16:9

नना वेहानद बतल इत्‍ते, इद दुनियाते मिमेट संपलिच्‍ता दनमतुन कर्च कीसि, दंटातोर्कुन दोर्किचकुंटु, बारित्‍ते अद दनम बस्के अय्ते मारंता अस्‍के, बस्‍केळ्‍क मनना लोह्कुने मीक जेगा दोर्कंता.

लूकाल 22:35

पजा येसु ओना सिस्युल्कुन, “उंदि मल्का नना मीकुन कोत्‍तना पाकिट, जोरा इंका हेरपुह्क हिलाकोंटेन लोहचि मत्‍तन. अस्‍के मीकु बतलन्‍ना तक्‍को होंचि मत्‍तना?” इंचि पूसकीतोर. अस्‍के सिस्युल्कु, “हिल्‍ले, बतले तक्‍को होना हिल्‍ले,” इंचि इत्‍तुर.

प्रेरितुल्‍कुना कबाह्‍क 2:45

अचोने आयका ओरा सम्‍सारमतुन, सामानतुन अम्मिसि अव्‍सरम मत्‍तोर्कुंक तूसि हियुंदुर.

प्रेरितुल्‍कुना कबाह्‍क 4:37

ओर ओना नेलितुन अम्मिसि वाता कोत्‍तन अंता प्रेरितुल्कुंक हीतोर.

2 कुरेंति 8:14

इंदकेटा वेलाते मिहगा अन्‍नि मंता, अय्ते हिल्‍वोरा अव्‍सराल्‍कुने कबळ्‍क वायमळ गावाले. पजा उंदि वेला मिहगा हिल्वस्के ओर मीवा अव्‍सराल्‍कुने कबळ्‍क वायमळ गावाले, इल्‍हा इव्वुरगुडा समानम आंतिर.

1 तेसलोनि 4:12

इल्‍हा मत्‍ते मिमेट विस्वासम कियवोरा मुन्‍नेगुडा कदरलायक मनंतिर, बोना पोर्रोने बर्वु आयिर.

1 तिमोति 6:19

इल्‍हा कीसेके मत्‍ते, मुन्‍नेटा पिस्वरहाटीं ओर उंदि बेस पुनादि तयार कीकुंतुर, आनि बस्‍केळ्‍क पिस्सना पिस्वर पिस्सेक मनंतुर.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.