प्रेरितुल्‍कुना कबाह्‍क 26:7 - पवित्र पोल्‍ले

⁷ अदे पोल्‍ले पूरा आंता इत्‍ता आसेते, मावा पन्‍नेंडु गोत्राल्कुना इस्राएल लोकुल्‍क पूरा मनसुने नर्का-पिय्यल उंदेतीर पेनदा सेवा कीसंतुर. इदे बरोसा इरताहाटीं राजा, यहुदिल्क नावापोर्रो दोसेम दोस्तुर.

प्रेरितुल्‍कुना कबाह्‍क 26:7 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

लूकाल 2:25

अवे तूकुल्कुने येरुसलेमते सिमोन पोरोलतोर वरोर मनकल मनुंदुर. ओर नीतिमंतुड आनि पेनदा पोल्‍लेपोर्रो ताकानोर मत्‍तोर. इस्राएलता लोकुल्‍कुंक पेन बस्के सुकम-सांति हींतनो इंचेके ओर एदुर हूळसेक मनुंदुर. ओनतोनि पवित्र आत्मा मत्‍ता.

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

प्रेरितुल्‍कुना कबाह्‍क 20:31

अदुनहाटींगे मिमेट हुसारते मंटु. मूड वर्सनदाका वरो-वरोंकु, नर्का-पियल अळसि-अळसि जेगर्ता मननाहाटीं वेहमळते नना बस्‍केने पजोळ्क होना हिल्‍लेन इद मति इर्रट.

प्रेरितुल्‍कुना कबाह्‍क 24:15

नीतिते ताकानोर, नीतिते ताकवोर इव्वुरगुडा हातोरा लोप्पोटाल मर्रा जीवाते तेदांतुर इंचि ईर आसे इरताप, ननागुडा पेनदापोर्रो आसे इरंतन.

प्रेरितुल्‍कुना कबाह्‍क 26:2

अग्रिपा राजा! यहुदिल्क नावापोर्रो बव पोल्‍लेना बारेमते अय्ते तप्पु दोस्तुरो, अव अन्‍नि पोल्‍लेन नीवा मुन्‍ने वेहालय नाकु मोका दोर्कता इंचि नना कूस आसेक मंतन.

प्रेरितुल्‍कुना कबाह्‍क 26:3

कास कीसि, यहुदिरा रीति-रिवाजकु, ओरा विचाराल्‍कुना बारेमते नीकु बेस एरपाट मंता. अदुनहाटीं दया कीसि नावा नना वळ्‍काना पोल्‍लेन बेस केंजा इंचि विनंति कींतन.

प्रेरितुल्‍कुना कबाह्‍क 28:20

ई पोल्‍लेन मीतोनि कलियसि वळ्कालय मीकुन केयतन. वरोर वायाना मंतोर इत्‍ता आसेते, इस्राएल लोकुल्‍क बोनद एदुर हूळसेक मत्‍तुर, ओर वातोर इंचि नना विस्वासम कीताहाटींगे नाक बेडीं अरतां,” इंचि पौलुस इत्‍तोर.

1 तेसलोनि 3:10

मोमोट मीकुन हूळसि, मीवा विस्वासमते तक्‍को मत्‍तदुन पूरा कियाना इंचि नर्का-पिय्यल पेनदुक पारतना कीसेके मंतोम.

1 तिमोति 5:5

बद मुरतळ अय्ते निजमते मुंडामोसि, बोरे दिक्‍कु हिलाका उंदे मनंता, अद मुरतळ दाना आसे पेनदापोर्रो इर्सि, नर्का-पल्हीं पेनदुक विनंतिं, पारतनां कीसेके मनंता.

याकोब 1:1

नना याकोबुन, पेन आनि सामि येसु किरिस्‍तुना सेवकुन आंदुन. वेरे-वेरे देसेल्कुने पैलांचि होंचि मत्‍ता पन्‍नेंडु गोत्राल्‍कुनोर्कुंक नना इद सिट्‍टि रासेके मंतन. मीक अंटोर्क जोहार.