प्रेरितुल्‍कुना कबाह्‍क 2:10 - पवित्र पोल्‍ले

^10-11 पुगरिया, पंपुलिया, ई जेगानाल, इजिप्‍त देसेमताल, कुरेनि सहर दग्‍गेरा मत्‍ता लिबिया देसेमताल, रोम सहरताल वाता यहुदिल्कुम, यहुदि मतम पीतोरम. क्रेति, अरब देसेमताल वाता अंटोरम पेनदा इचंत्रमाता पेद्‍दा कबाह्‍कुन मना-मना संतम बासाने केंजसेके मंतोम,” इंचि इत्‍तुर.

प्रेरितुल्‍कुना कबाह्‍क 2:10 Iomraidhean Croise

मत्‍तयाल 2:15

हेरोद राजाल हासोननदाका अग्गेन मत्‍तोर. “नना नावा मर्रिन इजिप्‍त देसेमताल केयतन” इंचि वेल्‍लेन वर्सां मुन्‍ने पेनदा कबुरतोराहेंदाल वेहामळ जर्गता, पोल्‍ले निजम आयगोम इंचि इदंता जर्गता.

मत्‍तयाल 23:15

अरे डोंगि दर्मसास्‍त्रम कराहना गुरुल्क आनि परिसिल्कुनिटा! वरोन मीवा मतमते तायालय मिमेट देसे-देसेम तिरियसि बूमि-मब्बु उंदि कींतिर. ओर मीलोप्‍पो वातस्के, मिमेट ओन मीकन्‍ना एक्‍को पापमते अरहचि नरकमते लोहंतिट, दानहाटीं मीकु बच्‍चोर पेद्‍दा गोसा वायार.

मत्‍तयाल 27:32

येसुन पीसि पलाते होननेंके, कुरेनि सहरतोर वरोर सिमोन इनना मनकल कलियतोर. सिपाइल्क ओन वेराहचि येसुना क्रुस कांजा वेहतुर.

मरकुस 15:21

सिपाइल्क येसुन पीसि पलाते होननेंके, सिकंदर आनि रुपुसना बाबाल सिमोन इनानोर नेलिनाल अदे हर्रि पीसि वासेक मत्‍तोर. ओर कुरेनि सहरतोर मत्‍तोर. सिपाइल्क ओन वेराहचि येसुना क्रुस कांजा वेहतुर.

प्रेरितुल्‍कुना कबाह्‍क 11:20

ई विस्वासुल्कुनाले इच्‍चुर विस्वासुल्‍क साइप्रस आनि कुरेनि इनना सहरतोर मत्‍तुर. ओर अंताकियाक होंचि येसु सामिना बेसता कबुर युनानि लोकुल्‍कुंकगुडा वेहतुर.

प्रेरितुल्‍कुना कबाह्‍क 13:1

अंताकिया सहरता कलिसियातोरव्टे इच्‍चुर पेनदा कबुरतोर आनि कराहनोर मत्‍तुर. ओर बोर इत्‍ते, बरनाबास, सिमोन ईन निगर (इत्‍ते कर्रेटोर) गुडा इनुंदुर, कुरेनि सहरता लुकियुस, साऊल, गालिल एरियाता राजाल हेरोद अंतिपासुनतोनि बेर्सता मनाहेम ईर आंदुर.

प्रेरितुल्‍कुना कबाह्‍क 13:13

आयंका पौलुस ओना दंटातोरतोनि पापूस सहरताल डोंगाते उदसि, पंपुलिया एरियाते मनना पिरगा सहरते होत्‍तुर. अगा होत्‍तारित्‍ते योहान ओर्कुन होळसिसि येरुसलेम मल्सि होत्‍तोर.

प्रेरितुल्‍कुना कबाह्‍क 13:43

वेल्‍लेटुर यहुदिल्कु अल्‍हेने यहुदि जातिते वाता वेरे जातितोर, पौलुस, बरनाबासुना पज्जो होत्‍तुर. ओर, लोकुल्‍कुनतोनि वळकसेके, “बस्‍केळ्‍क पेनदा कुर्पाते मंटु,” इंचि ओर्कु वेहतुर.

प्रेरितुल्‍कुना कबाह्‍क 14:24

आयंका ओर पिसिदियाताल पंपुलिया एरियाते होत्‍तुर.

प्रेरितुल्‍कुना कबाह्‍क 15:38

गानि, पेनदा कबळते आकिरदाका कलियसि मनाकोंटा नड्‍डुमे पंपुलिया एरियाताल होळसि वापस होत्‍ता मरकुसुन पज्जो ओयमळ पौलुसुंक नच्‍चा हिल्‍ले.

प्रेरितुल्‍कुना कबाह्‍क 16:6

ओर्कुन पवित्र आत्मा, ‘आसिया एरियाते पेनदा पोल्‍ले वेहा मन्‍नि’ इंचि इत्‍ताहाटीं ओर अदे एरियाता पुगरिया, गलातिया एरियानाल होत्‍तुर.

प्रेरितुल्‍कुना कबाह्‍क 17:21

एतेंस सहरता लोकुल्‍क आनि वेरेटागटाल वासि अगा मनना पलाता लोकुल्‍क, बस्‍केळ्‍क बतलन्‍ना पूनद केंजालय आनि दाना बारेमते चर्चा कियमळ तप्‍पा इंका वेरे बतले कबळ कियाकोंदुर.

प्रेरितुल्‍कुना कबाह्‍क 18:2

अगा ओर अकविला इनना पोरोलता यहुदि मनकंक कलियतोर. ई अकविलाल पुंतुस इनना एरियाते पुटतोर. रोम सहरते मनना अंटोर यहुदिल्कुन कलादियुस राजाल पेय्सि होंटु इंचि आदेस हीतोर. अदुनहाटीं ओर इटलि एरियाताल ओना मुत्‍तो पिरिसकिलानतोनि कुरिंति वातोर. अय्ते पौलुस ओर्क कलियालय होत्‍तोर.

प्रेरितुल्‍कुना कबाह्‍क 18:23

अगा इच्‍चुं रोजकु मत्‍तारित्‍ते मर्रा ओर गलातिया आनि पुगरिया एरियाताल अंटोर सिस्युल्कुना विस्वासम गट्‍टिगा कीसेके तिरियतोर.

प्रेरितुल्‍कुना कबाह्‍क 23:11

अदे नर्का सामि पौलुसनगा वासि, “पौलुस निमे वेरियमा. बल्हा निमे येरुसलेमते नावा गवाइ हीतिन, अल्‍हेने रोम सहरते इंका नीकु नावा गवाइ हियनद मंता,” इंचि इत्‍तोर.

प्रेरितुल्‍कुना कबाह्‍क 27:5

मर्रा मोमोट किलिकिया आनि पंपुलिया एरिया दग्‍गेटा समुद्रम दाटसि, लुकिया एरियाता मूरा इनना सहरतगा रेयतोम.

प्रेरितुल्‍कुना कबाह्‍क 28:15

बस्के अय्ते रोम सहरता विस्वासुल्कुंक मोमोट वासेक इंचि तेळियता, अस्‍के ओर माकु कलियालय अप्पियुस हाटुमदाका वातुर. इंका आगाना मूड जेगा इनना नारदाका वातुर. ओर्कुन हूळसि, पौलुस पेनदुक दन्यवाद कीतोर, ओना दैरनेम बेरस्‍ता.

प्रेरितुल्‍कुना कबाह्‍क 6:5

इद पोल्‍ले अंटोर्कुंक नच्‍चुताहेंका ओर विस्वासमते, पवित्र आत्माते निंडिस मत्‍ता स्‍टिपन इनानोन पेरतुर. ओन वरोने आयका पिलिपुस, परकोरस, निकानोर, तिमोन, परमिनास आनि अंताकिया नाटेना निकोलस (ईर ओना जाति होळसि यहुदि जातिते वातोर) पोरोलतोर्कुन पेरतुर.

प्रेरितुल्‍कुना कबाह्‍क 6:9

गानि स्वतंत्रम दोर्कुता यहुदि लोकुल्‍कुना दर्मसास्‍त्रम कराहना लोताल इच्‍चुर लोकुल्‍क वासि स्‍टिपनुनतोनि जगडम दोसकुत्‍तुर. आ लोकुल्‍कुने कुरेनि, सिकंदरिया इनना सहरकुने मनना यहुदि लोकुल्‍क आनि किलिकिया, आसिया इनना एरियान पीसि मनना यहुदिल्कु मत्‍तुर.

रोम सहरतोरहाटीं पौलुसना सिट्‍टि 1:15

अदुनहाटीं रोम सहरते मनना मीकगुडा नना बेसता कबुर वेहालय तयार मंतन.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

2 तिमोति 1:17

अचोने आयका ओर रोम सहरते वातस्के, नना दोर्कनदाका नाकुन मनसु तासि पह्कसेक मत्‍तोर.

पेन हुपिस्‍ता पोल्‍लें 11:8

ओरा पीनगुल्कु आ पेद्‍दा सहरता हर्दे अरसि मनंतां. इगेन ओरा सामिनगुडा क्रुसुनपोर्रो वेलाड वाट्‍सि मत्‍तुर. वेरे अर्तमते, अद सहरतुन सदोम आनि इजिप्‍त इंचि इंतुर.